ඔබ කුමන සේවාවක් භාවිතා කළත්, ඔබේ ගමන වඩාත් සුරක්ෂිත කර ගැනීමට මෙන්න මේ කරුණු අනුගමනය කරන්න.
1. සෞඛ්යාරක්ෂාවට මුල් තැන දෙන්න (විශේෂයෙන් Bike භාවිතා කරන විට)
යතුරුපැදි සේවාවන් භාවිතා කිරීමේදී පොදුවේ පාවිච්චි කරන හෙල්මට් එක නිසා හිස්කබලේ ආසාදන ඇතිවීමට ඉඩ තිබේ.
හෙල්මට් එක පැළඳීමට පෙර සර්ජිකල් කැප් එකක්, පිරිසිදු ලේන්සුවක් හෝ බෆ් එකක් භාවිතා කරන්න.හැකි නම් ඔබේම ආරක්ෂිත හිස්වැස්මක් භාවිතා කිරීමට උත්සාහ කරන්න.
2. වාහනයට ගොඩවීමට පෙර තොරතුරු තහවුරු කරගන්න
වාහනයක් ඔබ අසලට පැමිණි විට, කලබල වී එයට ගොඩ නොවන්න.
ඇප් එකේ සඳහන් වන වාහන අංකය සහ පැමිණි වාහනයේ අංකය ගැලපෙනවාදැයි බලන්න.
රියදුරුගේ ඡායාරූපය සහ නම තහවුරු කරගන්න.
වාහනයට ගොඩවීමට පෙර රියදුරුගෙන් ඔහු පැමිණියේ කා වෙනුවෙන්ද යන්න අසා දැනගන්න.
3. ඔබේ ගමන ගැන සමීපතමයින් දැනුවත් කරන්න
ආරක්ෂාව තහවුරු කර ගැනීමට ඇති හොඳම ක්රමයක් නම් ඔබේ ගමන් මාර්ගය තවත් අයෙකු සමඟ බෙදා ගැනීමයි.
ඇප් එකේ ඇති 'Share Trip Details' හෝ 'Share My Location' පහසුකම මගින් ඔබේ ගමන පවුලේ සාමාජිකයෙකුට හෝ මිතුරෙකුට යොමු කරන්න.රාත්රී කාලයේ ගමන් කරන්නේ නම් මෙය අනිවාර්යයෙන්ම සිදු කරන්න.
4. ගෙවීම් සම්බන්ධයෙන් විමසිලිමත් වන්න
ගමනාන්තයට ළඟා වූ පසු අනවශ්ය ගැටලු මඟහරවා ගැනීමට නිවැරදිව ගනුදෙනු කරන්න.ඇප් එකේ පෙන්වන නියමිත ගාස්තුව පමණක් ගෙවීමට වගබලා ගන්න.හැකි සෑම විටම Card Payments හෝ ඇප් එකේ ඇති Wallet පහසුකම භාවිතා කරන්න. එමගින් ඉතිරි මුදල් (Change) පිළිබඳ ප්රශ්න මඟහරවා ගත හැකියි.මුදල් ගෙවූ පසු රියදුරු ගමන අවසන් කළ බව තහවුරු කරගන්න.
5. පෞද්ගලිකත්වය සහ අවධානය
රියදුරු සමඟ සුහදව කතා කළත්, ඔබේ පෞද්ගලික තොරතුරු (දුරකථන අංක, ලිපිනයන් හෝ පෞද්ගලික ජීවිතය පිළිබඳ තොරතුරු) ඕනෑවට වඩා බෙදා නොගන්න.ගමන අතරතුර ජංගම දුරකථනයේම නිමග්න නොවී, රියදුරු ගමන් කරන මාර්ගය පිළිබඳව යම් අවධානයකින් පසුවන්න.
තාක්ෂණය අපේ ගමනාගමනය පහසු කළත්, එම පහසුව උපරිමයෙන් විඳීමට නම් අපේ අවධානය සහ බුද්ධිමත්භාවය අත්යවශ්යයි. මෙම සරල පියවර අනුගමනය කිරීමෙන් ඔබටත් සෑම දිනකම සුරක්ෂිත සහ සුවපහසු ගමනක අත්දැකීම ලබාගත හැකියි!