නින්ද පිළිබඳ මේ දේවල් දැනගන්න එක නම් ඇත්තටම ඔයාට වැදගත් වේවි... - Health Tips - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Mar

නින්ද පිළිබඳ මේ දේවල් දැනගන්න එක නම් ඇත්තටම ඔයාට වැදගත් වේවි...

32 Views

නිරෝගී සුවපත් කායික මානසික සුවය ලබාගන්න කැමති ඔබට මේ කියන්න යන කාරණය ගොඩක් වැදගත් වේවි..

දන්නවාද නින්ද මොන තරම් නම් වටිනවාද කියලා.. මේ කියන්න යන්නේ අන්න ඒ ගැන තවත් එක් වැදගත් කතාවක්.. ඇයි අපි නිදා ගන්නේ? සැබැවින්ම රාත්‍රී නින්ද මිනිසකුට අත්‍යඅවශ්‍යද? නොඑසේනම් එය හුදෙක් කාලය නාස්ති කිරීමක්ද? මදක් අපි විමසා බලමු.
අපි නිදාගත් විට අවධියෙන් සිට අප කරන සියලුම ක්‍රියාවන් තාවකාලිකව නැවතේ. නින්දේදී ශරිරයේ බොහෝ කොටස් විවේක ගත්තද අපගේ මොළය ක්‍රියාකාරීත්වයේ පවතී. එසේම මොළයේ ඇතැම් කොටස් වඩාත් වැඩි කාර්යක්ෂමතාවයකින් ක්‍රියාකිරීමට පටන්ගන්නේ රාත්‍රී නින්දේදීය. ශරීරයේ ගෙවීගිය සෛල නැවත ගොඩනැගීම ( Restoration) සහ මොළයේ ක්‍රියාකාරීත්වය (Brain function) යන ප්‍රධාන කාර්යයන් සිදුවනුයේ නින්දේදිය.

සුවබර නින්දකට මෙන්න උපදෙස්
- කායික මානසික පවිත්‍රතාවය
- තමා අදහන ආගමානුකූලව වත්පිළිවෙත්, පිරිත් ඇසීම, භාවනා, යෝග සංයම අභ්‍යාස වල නියැළීම.
-ඉතා මිහිරි රස වින්දනයක් ගෙන දෙන පොත පත කියවීම හෝ සියලුම් සංගීත රාවයකට සවන් දීම.
-නිශ්චිත වේලාවකට නින්දට යාම හා අවදි වීම. කෙනෙකු නින්දෙන් අවදි විය යුතු කාලය බ්‍රහ්ම මුහුර්තයයි. දළ වශයෙන් උදෑසන 4.30 - 5.30.
-රාත්‍රි කාලයේදී සැහැල්ලු නිරෝගී ප්‍රමාණවත් ආහාර වේලක් ලබා ගැනීම.
-නින්දට පෙර තේ, කෝපි, කැෆෙන්, මධ්‍යසාර, චොක්ලට් වැනි දෑ භාවිතා නොකරන්න.
-ඔබ නිදන කාමරය හොදින් වාතාශ්‍රය ලැබෙන, ප්‍රශස්ත උෂ්ණත්වයක් සහිත, පිරිසිදු, සෞම්‍ය සුවදවත්, ලා පාට එලියක් සහිත අයුරින් සකසා ගැනීම.
-නින්ද අඩු අයට ඖෂධීය තෙල් වර්ගයකින් හිස, සිරුර අභ්‍යංගය යෝග්‍යයි.
-කිරි, ගිතෙල් යනාදිය ඖෂධ සමඟ හා ආහාර වශයෙන් ගැනීම නින්දට හොඳයි.
- මද උණුසුම් වතුර බේසමක විනාඩි 15 ක් පමණ පාද ගිල්වා තබා වේලුණු පසු ඖෂධීය තෙල් ගල්වා පාද පිරිමැදීම.
-නින්ද නොයන අයට නිදා ගැනීමට මොහොතකට පෙර උණුසුම් කිරි වීදුරුවකට මී පැණි හැන්දක් දමා පානය. කිරිවල ඇති Tryptophan නම් ඇමයිනෝ අම්ලය නින්ද ඇති කිරීමට රුකුලකි.
-නින්දට පෙර රූපවාහිනී, ජංගම දුරකථන, පරිගණක ආදියෙන් ඈත් වීම.
- තම දින චර්යාවේ එදිනෙදා වැඩ හා පසුදා වැඩ රාජකාරි ගැන නොසිතා මානසික සැහැල්ලුවෙන් නින්දට යාමද වැදගත්.
- ප්‍රියමනාප සිතුවම් කාමරය තුළ තබා ගැනීම යෝග්‍යයි.
- සැහැල්ලු ඇඳුමකින් සැරසීමද සුවබර නින්දකට රුකුලක්.
නිතරම පුරුද්දක් ලෙස රෑට නින්ද නොයයි නම් වෛද්‍ය උපදෙස් වෙත යොමු වීම වැදගත් වෙනවා...

අන්තර්ජාලය ඇසුරෙන්...