5 Views
පාස්කු ඉරිදා ත්රස්ත ප්රහාරය මෙහයවූ සහරාන් හෂීම් සමඟ සමීප සබඳතා පැවැත්වූ පුද්ගලයින් දෙදෙනෙකු හොරොව්පතාන - වීරචෝල ප්රදේශයේදී අත්අඩංගුවට ගෙන තිබෙනවා.
පොලිසිය සඳහන් කළේ සැකකරුවන් ප්රදේශයේ මුස්ලිම් විද්යාල දෙකක විදුහල්පතිවරයෙක් සහ නියෝජ්ය විදුහල්පතිවරයෙක් ලෙස කටයුතු කර ඇති බවයි.
උතුර ප්රදේශය භාර ජ්යෙෂ්ඨ නියෝජ්ය පොලිස්පතිවරයාට ලද තොරතුරකට අනුව පොලිස් විශේෂ කාර්ය බලකාය සහ හොරොව්පතාන පොලිසිය, හොරොව්පතාන - කපුගොල්ලෑව ප්රදේශයේ කළ වැටලීමකදී අදාළ සැකකරුවන් අත්අඩංගුවට ගෙන තිබෙනවා.
මෙම සැකකරුවන් අතරින් නූර් මොහොමදු අද්දරසුල් නැමැත්තා කැබිතිගොල්ලෑව ප්රදේශයේ මුස්ලිම් විද්යාලයක විදුහල්පතිවරයෙක් ලෙස සේවය කර තිබෙනවා.
පොලිසිය සඳහන් කළේ අබ්දුල් ජබාර් නිජාම් නැමති අනෙක් සැකකරු ඇටවීරගොල්ලෑව මුස්ලිම් විදුහලේ නියෝජ්ය විදුහල්පතිවරයා ලෙස සේවය කර ඇති බවයි.
එම සැකකරුවන් සහරාන් හෂීම් සමඟ අවස්ථා ගණනාවකදී කොළඹ ස්ථාන කිහිපයකට පැමිණ ඇති බවත්, 21 වැනිදා සිදුවූ ත්රස්ත ප්රහාර සම්බන්ධයෙන් දැනුවත්ව සිටි බවටත් අනාවරණ වී තිබෙනවා.
විමර්ශනවලදී හෙලි වී ඇත්තේ සහරාන් හෂීම්ට අමතරව කොළඹ සිනමන් ග්රෑන්ඩ් හෝටලයේ මරාගෙන මැරෙන ප්රහාරය එල්ල කළ ඉන්ෂාෆ් ඊබ්රහිම් සමඟද සැකකරුවන් සමීප සබඳතා පවත්වා ඇති බවයි.
එමෙන්ම ජාතික තව්හිද් ජමාත් සංවිධානයේ වියදමින් සැකකරුවන් විසින් ප්රදේශයේ ඉස්ලාම් දේවස්ථාන කිහිපයක් ගොඩනගා ඇති බව ද අනාවරණ වී තිබෙනවා.
ප්රශ්න කිරීම් වලදී වැඩිදුරටත් හෙළි වී ඇත්තේ 2016 වසරේදී සහරාන් හෂීම් හොරොව්පතාන ප්රදේශයේ සිදු කළ ජාතික තවුහිද් ජමාත් සංවිධානයට සම්බන්ධ අන්තවාදී දේශන සංවිධාන කර ඇත්තේ ද අදාළ සැකකරුවන් බවයි.
එම දේශනවලට සහ ජාතික තවුහිද් ජමාත් සංවිධානයට සම්බන්ධ පුද්ගලයින් 18 දෙනෙකු පිළබඳව ඔවුන් තොරතුරු හෙළි කර ඇති බවද වාර්තා වනවා.
අත්අඩංගුවට ගත් සැකකරුවන් අද පස්වරුවේ කැබිතිගොල්ලෑව මහේස්ත්රාත් අධිකරණයට ඉදිරිපත් කිරීමෙන් අනතුරුව පැය 72ක් රඳවාගෙන ප්රශ්න කිරීම සඳහා පොලිසියට අවසර හිමිවුණා.
මේ අතර පාස්කු ඉරුදින බෝම්බ ප්රහාරයට සම්බන්ධ ත්රස්තවාදීන් හා සම්බන්ධ බවට සැකපිට පසුගිය 15 වැනිදා අත්අඩංගුවට ගත් වත්තල - මාබෝල ප්රදේයේ පදිංචි කෝටිපති ව්යාපාරික මොහොමඩ් රිස්වාන් සමඟ සමීප සබඳතා පැවැත්වූ පුද්ගලයකු එක්සත් අරාබි එමීර් රාජ්යෙය්දී අත්අඩංගුවට ගෙන තිබෙනවා.
මෙරට ආරක්ෂක අංශ විසින් සිදුකළ දැනුම්දීමකට අනුව ඔහු අත්අඩංගුවට ගෙන ඇති බවයි වාර්තාවන්නේ.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
