පොසොන් පොහොය නිමිත්තෙන් දිවයිනේ සියලුම මත්පැන්හල් වැසෙයි - Poson Poya - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Jun

පොසොන් පොහොය නිමිත්තෙන් දිවයිනේ සියලුම මත්පැන්හල් වැසෙයි

90 Views

එළැඹෙන පොසොන් පුර පසලොස්වක පොහෝ දිනය නිමිත්තෙන් ලබන (29) වැනිදා දිවයින පුරා පිහිටි සියලුම සුරාබදු බලපත්‍රලත් මත්පැන්හල් වසා තැබිය යුතු බව සුරාබදු කොමසාරිස් ජනරාල් එම්.බී.එන්.ඒ. පේමරත්න දන්වා සිටී.

ඒ අනුව, ලබන (28) වැනිදා සිට (30) වැනිදා දක්වා දිවයිනේ සියලුම මත්පැන් විකුණන ස්ථාන වසා තැබිය යුතුව ඇති බවයි සුරාබදු දෙපාර්මේන්තුව නිවේදනයක් නිකුත් කරමින් සඳහන් කළේ.

මේ අතර, රාජ්‍ය පොසොන් උත්සවයට සමගාමීව ලබන (26) වන දින සිට ජුලි මස (02) වැනිදා දක්වා ප්‍රකාශයට පත් කර ඇති පොසොන් සතිය තුළ අනුරාධපුර පූජා නගරය කේන්ද්‍ර කරගනිමින් විශේෂ නියෝගයක් පනවා තිබෙනවා.

ඒ අනුව මිහින්තලේ, මධ්‍යම නුවරගම් පළාත, නැගෙනහිර නුවරගම් පළාත සහ මහවිලච්චිය යන ප්‍රාදේශීය ලේකම් කොට්ඨාශ 04 තුළ පිහිටි සියලුම මත්පැන්හල් එම දිනවලදී වසා තැබීමට සුරාබදු කොමසාරිස් ජනරාල්වරයා නියෝග කර ති‍බෙනවා.

මෙම ප්‍රාදේශීය ලේකම් කොට්ඨාශ 04 හි පිහිටි සියලුම මත්පැන් බලපත්‍රලත් ස්ථාන ලබන (25) වන දින වසනු ලබන වේලාවේ සිට ජුලි මස (03) වන දින විවෘත කිරීමට නියමිත වේලාව දක්වා වසා තැබිය යුතුව ඇති බවයි සුරාබදු කොමසාරිස් ජනරාල්වරයා සිය නිවේදනයෙන් දක්වා ඇත්තේ.

අදාල දිනවලදී මත්පැන්හල් වැසීමට කටයුතු නොකරන හෝ බලපත්‍ර කොන්දේසි කඩකරන ස්ථාන පිළිබඳ තොරතුරු 1913 කෙටි දුරකථන අංකය ඔස්සේ පැය 24 පුරා ක්‍රියාත්මක මෙහෙයුම් මැදිරිය වෙත දැනුම් දෙන ලෙසද සුරාබදු දෙපාර්තමේන්තුව ජනතාවගෙන් ඉල්ලා සිටීනවා.

එමෙන්ම, නීති කඩකරන ස්ථාන සම්බන්ධයෙන් දැඩිව නීතිය ක්‍රියාත්මක කරන ලෙස දිවයිනේ සියලුම සුරාබදු ස්ථානාධිපතිවරුන් වෙත උපදෙස් දී ඇති බවයි සුරාබදු දෙපාර්තමේන්තුවේ මාධ්‍ය ප්‍රකාශක, නියෝජ්‍ය සුරාබදු කොමසාරිස් (අධ්‍යයන හා පර්යේෂණ) ඒ.ඒ. රොෂාන් පෙරේරා වැඩිදුරටත් සිය නිවේදනයෙන් දන්වා ඇත්තේ.