6 Views
"මගේ දුව වෙනුවෙන් ඒ පිංකම කරා , තව ජීවිත 5 ක් 6ක් ජීවත් කරවන්න පුළුවන්නේ"
වකුගඩු, අක්මාව, අක්ෂි කාච, සහ පාදයේ අස්ථි කොටස් දන්දීලා....
රිය අනතුරකින් පසුව හෝමාගම රෝහලේ දැඩි සත්කාර ඒකකයේ ප්රතිකාර ලබමින් සිට මොළය මියගිය කාන්තාවකගේ සිරුරේ සියලු අවයව දන්දුන් පුවතක් වාර්තා වනවා.
මෙලෙස අවාසනාවන්ත ලෙස මියගොස් ඇත්තේ පාදුක්ක කොටිගංගොඩ ප්රදේශයේ පදිංචි තිළිණි ජීවන්ති අල්විස් නමැති එක්දරු මවක්.
ඇය සිය සැමියා සමඟ විවාහ මංගල්ය අවස්ථාවකට සහභාගී වී නැවත එමින් සිටියදී පාදුක්ක වේරගල - මාහිංගල මාර්ගයේදී යතුරු පැදියක් මාර්ගයෙන් ඉවතට පැන කම්බි වැටක ගැටීමෙන් සිදු වූ අනතුරකින් බරපතළ තුවාල ලබා රෝහල්ගතකර සිටියා.
අනතුරින් ඇයගේ සැමියාවන සමීර ජයකොඩි නැමැති 27 හැවිරිදි පුද්ගලයා එම ස්ථානයේදීම මියගොස් තිබුනා.
කෙසේ වෙතත් බරපතළ තත්වයෙන් පසුවූ ඇය ප්රථමයෙන් ජාතික රෝහලට ඇතුලත් කර ඇති අතර හිසට සිදුවූ බරපතළ තුවාල හේතුවෙන් සුවකිරීමට නොහැකි තත්වයේ පසුවූ ඇය නැවතත් හෝමාගම රෝහලේ දැඩි සත්කාර ඒකකයට ඇතුලත් කෙරුනා.
බරපතළ තත්වයේ පසුවූ ඇයගේ මොළය මියගොස් ඇති බව තහවුරු වීමත් සමඟ ඇයගේ සිරුරේ සෙසු අවයව ශල්යකර්මයකින් ඉවත්කර වෙනත් රෝගීන්ට බද්ධ කිරීමට ඇගේ පියා ඇතුළු ඥාතීන් විසින් අනුමැතිය ලබාදී තිබෙනවා.
ඒ අනුව හෝමාගම රෝහලේ සිදුකෙරුණු පැය පහක පමණ සැත්කමකින් ඇයගේ සිරුරු කොටස් ඉවත්කරගෙන තිබෙනවා.
එහිදී එම කාන්තාවගේ වකුගඩු, අක්මාව, අක්ෂි කාච, සහ පාදයේ අස්ථි කොටස් එම ශල්යකර්මයෙන් ඉවත්කර ඇති බවයි වාර්තා වන්නේ.
ඒ අනුව ඇගේ සිරුරෙන් ඉවත්කෙරුණු අක්මාව රාගම මහ රෝහලේ රෝගියෙකුටත්, එක් වකුගඩුවක් කොළඹ ජාතික රෝහලේ රෝගියෙකුටත්, අනෙක් වකුගඩුව මාලිගාවත්ත වකුගඩු රෝහලේ රෝගියෙකුටත් බද්ධ කිරීමට නියමිතයි.
පාදයෙන් ලබාගත් අස්ථි කොටස් මිනිස් පටක බැංකුවටත් අක්ෂි කාච දෙක ශ්රී ලංකා අක්ෂිදාන සංගමයටත් පරිත්යාග කර තිබෙනවා.
හෝමාගම රෝහලේ වසර 72 ක ඉතිහාසයේදී මෙවැනි සැත්කමක් සිදුකෙරුණු ප්රථම අවස්ථාව මෙය බවයි රෝහල් අධ්යක්ෂිකා පඬුවාවෙල මහත්මිය සඳහන් කළේ.
ශල්යකර්මයෙන් අනතුරුව මෘත දේහය පිළිබඳව පශ්චාත් මරණ පරීක්ෂණය හෝමාගම රෝහලේදී සිදුකෙරුනා.
ඇයගේ අවසන් කටයුතු හෙට පාදුක්ක කොටිගංගොඩ ප්රදේශයේ දී සිදුකිරීමට නියමිතයි.
සිද්ධිය සම්බන්ධයෙන් මෙම කාන්තාවගේ පියාවන සුසිල් අල්විස් මහතා සඳහන් කළේ මෙවැන්නක්.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
