සිත් බැඳි තරුවල සතියේ වතගොත..."ජීවිතේ ඇරියස් නැති කෙල්ලෙක් වෙන්න!" මඩ ගැසූ අයට පියුමි ශ්‍රීනායකගෙන් රෙදි ගැලවෙන රිප්ලයි එකක්! - Week Gossip - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

May

සිත් බැඳි තරුවල සතියේ වතගොත..."ජීවිතේ ඇරියස් නැති කෙල්ලෙක් වෙන්න!" මඩ ගැසූ අයට පියුමි ශ්‍රීනායකගෙන් රෙදි ගැලවෙන රිප්ලයි එකක්!

183 Views

කලා ලොවේ තරු එකා පිට එකා උණුසුම් පුවත් මවපු, සමහරුන්ගේ හීන සැබෑ වුණු වගේම තවත් පිරිසකගේ හිත සසල කරපු අපූරු සතියක් ගෙවී ගියා. තිරය පිටුපස සැඟවුණු ආදර කතා, නොසිතූ පෙරළි සහ සෝෂල් මීඩියා හොල්ලපු උණුසුම්ම පුවත් පෙළගැස්ම මෙන්න...

දම් පාටින් හැඩවුණු ශේෂාද්‍රි සහ සිහින කුමරියගේ හදවත දිනූ පියත්

ප්‍රියසාද් පවුලේ අහිංසක සුන්දරිය ශේෂාද්‍රි ප්‍රියසාද් හින්දි නිළියක් වගේ දම් පැහැති විලාසිතාවකින් සැරසී මුදාහල අලුත්ම ඡායාරූප පෙළ නිසා මුළු ෆේස්බුක්, ඉන්ස්ටග්‍රෑම් එක රැයකින් කැළඹී තිබේ.

මේ අතර, ලංකාවේ තරුණයන්ගේ සිහින කුමරිය සඳනි ප්‍රනාන්දු සහ ඇගේ ආදරණීය පෙම්වතා වන ජනප්‍රිය ගායක පියත් රාජපක්ෂ දෙදෙනා අතර ඇති අසීමිත ආදරය පෙන්වන, ඇස් වශී කරවන නවතම ඡායාරූප පෙළක් මුහුණු පොතට එක්කරමින් සෝෂල් මීඩියා උඩුයටිකුරු කර ඇත.

රෝස මලක් වන් ගීත්මා සහ "It’s my day" කියමින් සුදු ගවුමෙන් සැරසුණු දසුනිගේ රහස!

පුංචි තිරයේ අහිංසකාවිය ගීත්මා බණ්ඩාර ඉතාමත් චාම් සහ සරල විලාසිතාවකින් සැරසී සිටින ඡායාරූප පෙළක් නිකුත් කර ඇති අතර රසිකයන් පවසන්නේ ඇය හරියට "පිපුණු රෝස මලක්" වැනි බවයි.

අනෙක් පසින්, ප්‍රියකරු රංගන ශිල්පිනී දසුනි "It's my day" (අද මගේ දවස) යනුවෙන් කෙටි සටහනක් තබමින්, ඇඟට හිරවුණු සුදු පැහැති ගවුමකින් සහ අතේ නැවුම් මල් කළඹක් ඇතිව ඡායාරූප පෙළක් මුදාහැර තිබේ. කවුරුත් දන්නේ නැතිව රහසින්ම සිදුවුණු විවාහ ගිවිස ගැනීමක්ද නැතහොත් නවතම ෆොටෝ ෂූට් එකක්ද යන්න රසිකයන් තුළ දැඩි කුතුහලයක් මතු කර ඇත.

හිම යායක් මැද "හිම කුමරියක්" වූ යොහානි සහ ඔසරියෙන් හැඩවූ දේශානි

යොහානි හෙට්ටිආරච්චි මේ දවස්වල ලංකාවෙන් බැහැරව දැඩි සීතල පරිසරයක සංචාරය කරමින්, බිම වැතිරී ඇති හිම කැට සමඟ සෙල්ලම් කරන අපූරු ඡායාරූප පෙළක් එක්කර තිබේ. ඇගේ දඟකාර සිනහව නිසා ඇය හරියට සුරංගනා කතාවක "හිම කුමරියක්" මෙන් දිස්වේ.

මේ අතර, දේශානි නෙහාරා සාම්ප්‍රදායික ඔසරියකින් සහ ආභරණ කට්ටලයකින් හැඩවී උඩරට මනාලියක් ලෙස කළ නවතම ෆොටෝ ෂූට් එක නිසා ඇත්තටම ඇය මනාලියක් වෙලාදැයි ක්ෂේත්‍රයේ බොහෝ දෙනෙකු මොහොතකට මවිතයට පත්ව ඇත.

නුවරඑළියෙන් පස්සේ මාදු ගඟේ බෝට්ටු සවාරියක් ගිය ශනූ-දිනේෂ්

මේ මාසයේ මුලදී නුවරඑළියේදී අලංකාර විවාහ උත්සවයක් ගත් ශනූ සහ දිනේෂ් දෙදෙනා නිදහසේ කාලය ගත කිරීමට මාදු ගඟේ සුන්දර බෝට්ටු සවාරියක් ගොස් ඇති බව වාර්තා වේ.

තාමත් 18 කොල්ලෙක් වගේ ඉන්න සාරංග

එමෙන්ම, ලංකාවේ ජනප්‍රියම නළුවා වන කඩවසම් සාරංග දිසාසේකර කළ නවතම විලාසිතා ෆොටෝ ෂූට් එකක් දුටු රසිකාවියන් පවසන්නේ ඔහු තවමත් "18 හැවිරිදි තරුණයෙක්" වැනිය කියායි.

"තාමත් ඔයා නැති අඩුව එදා වගේම දැනෙනවා තාත්තේ..." පියාගේ 7 වන ගුණසමරුවට දසුනි සිනෙත්මා කල සංවේදී පින්කම

දසුනි සිනෙත්මා ඇගේ ජීවිතයේ වීරයා වූ ආදරණීය පියාණන් මෙලොවින් සමුගෙන වසර 7ක් පිරීම නිමිත්තෙන් ළමා නිවාසයක අහිංසක දරුවන්ට රසවත් දානයක් පිරිනමමින් උදාර පුණ්‍යකර්මයක් සිදු කර තිබේ. "මගේ අවසන් හුස්ම වෙනකම්ම මං ඔයාට ආදරෙයි තාත්තේ..." යනුවෙන් ඇය තැබූ සටහන කාගේත් නෙතට කඳුළක් උනන සුලු විය.

ඩග්ලස් රණසිංහ සහ මිහිරි සිරිතිලකගේ උපන්දින සැමරුම්

ප්‍රවීණ නළු ඩග්ලස් රණසිංහයන්ගේ උපන්දිනය පවුලේ සැවොම එකතු වී ඉතා සතුටින් සමරා ඇති අතර තිලකා රණසිංහ මහත්මිය "ඩග්ලස් අයියගේ උපන්දිනය අපි සතුටින් සැමරූ අයුරු" යනුවෙන් මුහුණු පොතට සටහනක් එක්කර තිබුණි.
අනෙක් අතට, තමන්ගේ උපන්දිනය දවසේ තමන්ගේ පින්තූරයක් වෙනුවට තමන්ව මෙලොවට බිහිකළ ආදරණීය මවගේ පින්තූරයක් දමමින්, අම්මාට සුභ පැතූ මිහිරි සිරිතිලකගේ ගුණගරුක ක්‍රියාවට ක්ෂේත්‍රයේ සැමගේ ගෞරවය හිමිවී ඇත.

"ජීවිතේ ඇරියස් නැති කෙල්ලෙක් වෙන්න!" මඩ ගැසූ අයට පියුමි ශ්‍රීනායකගෙන් රෙදි ගැලවෙන රිප්ලයි එකක්!

කටකැඩිච්ච කතාවලට නොබියව උත්තර දෙන රංගන ශිල්පිනී සහ ව්‍යවසායිකාවක වන පියුමි ශ්‍රීනායක, තමන්ට මඩ ගැසූ ව්‍යාජ ගිණුමකට (Fake Profile) දැඩි පිළිතුරක් දී තිබේ. තමන් ඉස්සර ලීෆ්ලට් (Leaflets) බෙදා හම්බකළ සල්ලිවලින් ඉඩම් ගත් බවත්, කැතයි කියා කොන් කරපු නිසා Treatments කර ලස්සන වූ බවත් ඇය පවසයි. ළඟදීම තමාගේ සමාගමේ තවත් විශාල ජයග්‍රහණ (Achievements) කරා යන බැවින්, දරාගන්න බැරිනම් "බ්ලොක් කර නිදාගන්න" යැයි ඇය පවසා ඇත.

වෙනස්ම විලාසිතාවකින් රසික සිත් හොරකම් කළ ශලනි තාරකා

සෑමදාම ප්‍රේක්ෂක ආකර්ෂණය දිනාගන්නා ශලනි තාරකා, මෙවරද වෙනස්ම විලාසිතාවකින් සහ ඇගේ සුපුරුදු දඟකාර, ආකර්ෂණීය සිනහවෙන් හැඩවුණු අපූර්ව ඡායාරූප එකතුවක් රසිකයන් වෙනුවෙන් සමාජ මාධ්‍ය වෙත මුදාහැර තිබේ.

"ඒ ලෝකේ ඇතුළේ මම හැම මොහොතේම ජීවත්වෙනවා..." තරින්දි සහ අශිකාගෙන් ජීවිතය ගැන සටහන්

තරින්දි මුහුණුපොතට වෙනස්ම සටහනක් එක්කරමින් පවසා සිටියේ තමා අද ඉන්න තැනට පැමිණීමට මුහුණ දුන් අභියෝග තමන්ව ශක්තිමත් කාන්තාවක් කළ බවයි.

මේ අතර, පුංචි තිරයේ ආදරණීය චරිතයක් වන අශිකා මතසිංහ ඇගේ 17 වන විවාහ සංවත්සරය සමරමින්, තම සැමියා, දියණිය සහ පුතුන් දෙදෙනා සමඟ ගොඩනඟා ගත් පුංචි ලෝකය තුළ ඉතා සතුටින් සහ ආදරයෙන් ජීවත්වන බවට සටහනක් තබා තිබුණි.

කලා ලොවේ තරු වල මෙවැනි අලුත්ම තොරතුරු සහ තිරය පිටුපස රසබර පුවත් දැනගන්න දිගටම අප සමඟ රැඳී සිටින්න!