බහුතරයක් සුවය ලබා ගෙදර ගිහින්!විශේෂඥ වෛද්‍ය තුෂානි දාබරේරා කියූ සුබ ආරංචිය මෙන්න.. - Social Story , Meningitis - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Jun

බහුතරයක් සුවය ලබා ගෙදර ගිහින්!විශේෂඥ වෛද්‍ය තුෂානි දාබරේරා කියූ සුබ ආරංචිය මෙන්න..

346 Views

රටේ පැති කිහිපයකින් මෙනින්ජයිටීස් (Meningitis) සැක සහිත රෝගීන් 237 දෙනෙක් වාර්තා වෙලා තියෙනවා කියලා වසංගත රෝග විද්‍යා අංශය නිල වශයෙන් දැනුම් දීලා තියෙනවා.

ප්‍රජා සෞඛ්‍ය විශේෂඥ වෛද්‍ය තුෂානි දාබරේරා මහත්මිය පවසන විදිහට, මේ දවස්වල වැඩිපුරම වාර්තා වෙන්නේ වෛරස් ආසාදනයක් නිසා හැදෙන මෙනින්ජයිටීස් තත්ත්වයක්. මේක සාමාන්‍යයෙන් දින කිහිපයකින් සුව අතට හැරෙනවා.

මුලින්ම අප්‍රේල් 15 වැනිදා මාතර, දෙණියාය පැත්තෙන් තමයි මේක මතුවෙලා තියෙන්නේ. ඊට පස්සේ රිකිල්ලගස්කඩ, මහනුවර, බදුල්ල, වැලිමඩ සහ දියතලාව වගේ ප්‍රදේශවලිනුත් රෝගීන් හඳුනාගෙන තියෙනවා.

රෝගීන් 237ක් වාර්තා වුණාට, ඊයේ (මැයි 31) වෙනකොට රෝහල්වල ප්‍රතිකාර ලබමින් හිටියේ 59 දෙනෙක් විතරයි. අනෙක් හැමෝම සුවය ලබාගෙන සතුටින් ගෙවල්වලට ගිහින් තියෙන්නේ. වාර්තා වුණු අයගෙන් බහුතරයක් පාසල් දරුවන්.

ප්‍රධාන රෝග ලක්ෂණ

තද උණ
හිසරදය
වමනය යාම

මේ රෝගය ව්‍යාප්ත වෙන්න ප්‍රධානම හේතුවක් විදිහට සැක කරන්නේ අපිරිසිදු පානීය ජලයයි. ඒ නිසා සෞඛ්‍ය සහ අධ්‍යාපන අමාත්‍යාංශ එකතු වෙලා විශේෂ මාර්ගෝපදේශ මාලාවකුත් නිකුත් කරලා තියෙන්නේ.

වතුර උණුකර නිවාගෙන බොන්න- හැකි හැම වෙලාවකම පිරිසිදු, උණුකර නිවාගත් ජලය විතරක්ම පාවිච්චි කරන්න.
කෑම/බීම ෂෙයාර් කරන්න එපා- විශේෂයෙන්ම පාසල් යන දරුවන් තමන්ගේ කෑම බීම, වතුර බෝතල් යාළුවෝ අතරේ හුවමාරු කරගන්න එක මේ දවස්වල නතර කරන්න ඕනේ.

තත්ත්වය පාලනය කරන්න විශේෂ කමිටු පවා පත් කරලා තියෙන්නේ. ඒ නිසා අනවශ්‍ය බියක් ඇති කරගන්නේ නැතුව, තමන්ගේ සහ දරුවන්ගේ සෞඛ්‍ය සිරිත් ගැන මේ දවස්වල පොඩ්ඩක් වැඩිපුර හිතන්න!