5 Views
දිවුලපිටිය ප්රාදේශීය ලේකම්වරියට පහත් ලෙස බැන වැදීම සම්බන්ධයෙන් රන්ජන් රාමනායක නියෝජ්ය අමාත්යවරයාට එරෙහිව ක්රියා නොකළහොත් ඉදිරියේදී වෘත්තීය ක්රියාමාර්ගයකට අවතීර්ණවීමට සිදුවනු ඇතැයි ශ්රී ලංකා පරිපාලන සේවා සංගමය ප්රකාශ කළා.
ගම්පහ - දිවුලපිටිය - දූනගහ ප්රදේශයේ සිදුකෙරෙන පස් කැපීමක් සම්බන්ධයෙන් සොයා බැලීමට ඊයේ (27) එහි ගිය අවස්ථාවේ නියෝජ්ය අමාත්යවරයා ප්රාදේශීය ලේකම්වරිය දුරකථනයෙන් සම්බන්ධ කර ගනිමින් එහි තත්ත්වය පිළිබද විමසීමක් කළා.
ඒ, ඇයට තර්ජනාත්මකව බැන වදිමින්.
එම අවස්ථාවේදී තමාගේ කීර්තිනාමයට හානි සිදුකිරීම සම්බන්ධයෙන් නියෝජ්ය අමාත්ය රන්ජන් රාමනායකට එරෙහිව රුපියල් මිලියන 500ක වන්දියක් ඉල්ලා නඩු පවරන බව පාර්ලිමේන්තු මන්ත්රී ඉන්දික අනුරුද්ධ ද ඊයේ (27) ප්රකාශ කළා.
මේ අතර, අදාළ සිද්ධිය සම්බන්ධයෙන් දිවුලපිටිය ප්රාදේශීය ලේකම් එච්.එම්..එන්.එස්. හේරත් තමන්ට පැමිණිල්ලක් ඉදිරිපත් කළ බව ගම්පහ දිස්ත්රික් ලේකම් සුනිල් ජයලත් ප්රකාශ කළා.
නියෝජ්ය ඇමතිවරයා දැනුවත්කමකින් තොරව කටයුතු කර ඇතැයි ඔහු කියා සිටියේ මෙය පරිපාලන පද්ධතියට කළ බලපෑමක් බව ද සදහන් කරමින්.
අදාළ සිද්ධිය හෙළා දකිමින් ශ්රී ලංකා පරිපාලන සේවා සංගමය අද පස්වරුවේ මාධ්ය වෙත නිවේදනයක් ද නිකුත් කළ අතර, එහි සභාපති රංජිත් ආරියරත්න කියා සිටියේ රාජ්ය නිලධාරීන්ට ස්වාධීනව කටයුතු කිරීමට අවශ්ය පසුබිම සකස් කර දෙන ලෙස තමන් ජනාධිපතිවරයාගෙන් සහ අග්රාමාත්යවරයාගෙන් ඉල්ලා සිටින බවයි.
මෙම සිදුවීම පිළිබදව රාජ්ය පරිපාලන හා ස්වදේශ කටයුතු අමාත්ය වජිර අබේවර්ධන ද හිරු ප්රවෘත්ති අංශයට අදහස් පළ කළා.
ඔහු සදහන් කළේ නවක මන්ත්රීවරුන්ට රාජ්ය පරිපාලන ක්රම ගැන දැනුමක් නොමැතිවීම නිසා මෙවැනි ගැටළු හටගෙන ඇති බවයි.
මේ අතර, මෙම සිද්ධිය හෙළා දකිමින් දිවුලපිටිය - ප්රාදේශීය ලේකම් කාර්යාලයේ සේවකයින් අද විරෝධතාවයක ද නිරත වුණා.
අදහස් දැක්වූ පාර්ලිමේන්තු මන්ත්රී ඉන්දික අනුරුද්ධ
"අවුරුදු 2ක් පුරා මෙතුමා දිස්ක්රික් සංවර්ධන කමිටුවට ඇවිල්ලා නෑගප්රා දේශීය සංවර්ධන කමිටුවේ මේවා කථා කරලා නෑ ඒවට ඇවිල්ලා නෑ.මං අහනවා මෙවැනි පරිසර ව්යවසනයන් සම්බන්ධව කාටද ලිඛිතව මේ කරුණු ඉදිරිපත් කළේ.මේ කිසි දෙයක් දන්නේ නැතුව පස් කපපු වළකට ගිහිල්ලා මාධ්ය සංදර්ශන තියලා මේක විසදන්න බෑ.ඔප්පු කරන්න ඉන්දික අනුරුද්ධ පස් හොරෙක් කියලා.මම මිලියන 500ක නඩුවක් දානවා අනිවාර්යයෙන්ම.දැන් මේ ප්රාදේශීය ලේකම්ට කොහොමද කථා කළේ.හොම්බට අයින්නම් කියලා හෙණ ගහන්නම් කියලා. ප්රාදේශීය ලේකම්ට දරුවෝ ඉන්නවා.ඉන්දික අනුරුද්ධට දරුවෝ ඉන්නවා.මේ දරුවෝම පාසල්වලට යන්න ඕනේ.රංජන් රාමනායකට ඒක නැති වුණාට මට කරන්න දෙයක් නෑ"
රංජිත් ආරියරත්න -සභාපති ශ්රී ලංකා පරිපාලන සේවා නිලධාරීන්ගේ සංගමය
"අමාත්යවරයා මේ විෂය ගැන නොදන්නාකම තමන්ගේ හැදියාව පිළිබඳ ප්රශ්නයක් ප්රදර්ශනය කළේ.සමස්ථ රාජ්ය සේවයටම මේක බරපතල ප්රශ්නයක්.ඒක නිසා අපි දැඩි පිළිකුළෙන් යුතුව හෙළා දකිනවා අමාත්යවරයාගේ මෙම ප්රකාශය.අතිගරු ජනාධිපතිතුමාගෙනුත් අතිගරු අග්රමාත්යතුමාගෙනුත් අපි කාරුණිකව ඉල්ලා සිටිනවා මේ සම්බන්ධව අවශ්ය කරන ක්රියාමාර්ග ගන්න කියලා.එහෙම නොවුණොත් එහෙම අපිට වෘත්තිය ක්රියාමාර්ගවලට එළැඹෙන්න සිද්ධ වෙයි කියලා අපි හිතනවා."
සුනිල් ජයලත්-ගම්පහ දිස්ත්රික් ලේකම්
"ඔය බලපත්රය නිකුත් කරලා තියෙන්නේ ප්රා දේශීය ලේකම්වරිය නෙවෙයි.ක්ෂණිකව විරෝධතාවක් මතුවෙලා තිබෙනවා.අමාත්යවරයා එතනට සහභාගීවෙලා තිබෙනවා.ඊට පසුව ප්රාදේශීය ලේකම්වරයිය එක්ක කථා කරනවා.බොහොම අප්රසන්න විදිහට නොගැලපෙන විදිහට තමයි කථා කළේ.රාජ්ය නිලධාරීන් ඒ විදිහට වචන අහන්න ඕනෙත් නෑ.ඔය තත්ත්වයන් තුළ රාජකාරී කරනවා කියන එක ලොකු අගෞරවයක්.එහෙම කරන්නත් බෑ.එහෙම කරන්න ඕනෙත් නෑ.දිස්ත්රික්කයේ අනෙකුත් ප්රාදේශිය ලේකම්වරු මගෙන් අහනවා අපි කොහොමද මේ තත්ත්වයක් තුළ වැඩ කරන්නේ කියලා."
වජිර අබේවර්ධන-ස්වදේශ කටයුතු අමාත්ය
"මම අග්රමාත්යතුමා ඒ වගේම ජනාධිපතිතුමා දැනුවත් කර තිබෙනවා විශේෂයෙන් නවක දේශාපන කරළියට පැමිණ ඉන්න නවක උදවිය පාලනයේදී කෙසේද රාජ්ය යන්ත්රය සමග ක්රියාකළ යුත්තේ කියලා.ඒ ගැන ඇත්ත වශයෙන් පක්ෂයක් හැටියට ලගදීම අගමැතිතුමා ඒ සදහා වැඩමුළුවක් පවත්වනවා.ඒ වගේ කුඩා සිද්ධීන් අපිට නිවැරදි කරගෙන ගමන් කරන්න පුළුවන්.රාජ්ය නිලධාරීන් ආරක්ෂා කරගනිමින් කටයුතු කිරීමට මම විෂය භාර ඇමතිවරයා විදිහට බැඳී ඉන්නවා."
Make a Comment
Make a Comment..
Follow Us
මෙන්න බලන්න තවත් ගොසිප්
ලංකා සිතියමෙන් මැකී යන හොල්මන් නගරය මෙන්න! අලුත් පාර හැදෙනකොට අමතක කරලා දාපු අද්භූත නගරයේ කතාව මෙන්න!
2,310 Views
නූපන් මල් කැකුළ ජීවිතය හැරදා ගියේ වෛද්ය නොසැලකිල්ල නිසාද..? නිලක්ෂිකා හැඬූ කඳුළින් කී ඒ සංවේදී කතාව මෙන්න..
1,148 Views
Hot Gossip
Recent Gossip Post
Follow Us
නැගලා යන ගොසිප්
