516 Views
සමාජ මාධ්ය පුරා මේ දවස්වල වේගයෙන් සැරිසරන එක වීඩියෝවක් නිසා මුළු ෆේස්බුක්, ටික්ටොක් පරිශීලකයින්ම දැඩි කම්පනයකට වගේම කෝපයකට පත්ව තිබෙනවා.
ඒ වීඩියෝවේ ඉන්නේ තරුණයන් පිරිසක්. බැලූ බැල්මට එකට කාලා ඇඳලා ඉන්න, පණ ඇරලා ඉන්න හොඳම යාළුවෝ සෙට් එකක්. ඔවුන් වැවකට බැහැලා හිනාවෙවී, සින්දු කියමින් හරිම විනෝදයෙන් නාන ගමන් ඉන්න දර්ශනයක් තමයි මුලින්ම පෙනෙන්නේ. හැබැයි ඒ සතුට විනාශ වෙන්න යන්නේ තත්පර ගාණයි.
එතන හිටපු මිතුරන් දෙදෙනෙක් එකතු වෙලා, තමන්ගේම කල්ලියේ ඉන්න තවත් එක යාළුවෙක්ගේ ඔළුවට ප්ලාස්ටික් බාල්දියක් දාලා, එයාව වතුර යටට තද කරගෙන ඉන්නවා වීඩියෝවේ පැහැදිලිවම පෙනෙන්න තිබෙනවා.
ඒ කරන අයට ඒක තවත් එක "ආතල්" එකක්, "ෆන්" එකක් විතරක් වෙන්න ඇති. හැබැයි වතුර යට හුස්ම හිරවෙන, ජීවිතයත් මරණයත් අතර දඟලමින් සටන් කරන ඒ අහිංසක තරුණයාට ඒක විහිළුවක් නෙවෙයි, මරණයේ දොරටුවයි.
මෙවැනි ක්රියා ඇත්තෙන්ම විහිළුවකට ගත නොහැකි, ඉතාමත් බරපතල තත්ත්වයක්. වතුර යටදී හුස්ම හිරවීම, පෙනහළුවලට වතුර යාම (Dry Drowning) හෝ ක්ෂණිකව ඇතිවන කම්පනය (Shock) නිසා ඕනෑම මොහොතක කෙනෙක් මෙලොව හැර යන්න පුළුවන්. තමන්ගේ සතුට වෙනුවෙන් තව කෙනෙක්ගේ ජීවිතය අනතුරේ දාන එක යාළුකම නෙවෙයි, නොමේරූ මෝඩකමක්.
යාළුවෝ එක්ක නාන්න ගියපු පුතා මිනී පෙට්ටියකින් ගෙදර එනකොට, ඒ දරාගන්න බැරි මහා දුක විඳවන්න වෙන්නේ අර බාල්දිය ඔළුවට දාපු, ආතල් එක ගත්තු යාළුවන්ට නෙවෙයි, රත්තරන් වගේ හදලා වඩපු අම්මටයි තාත්තටයි විතරයි.
විනෝද වෙන්න. හැබැයි ඒ විනෝදය තව කෙනෙක්ගේ ජීවිතයේ අවසානය නොවන විදිහට. මෙවැනි භයානක සෙල්ලම් ඒ මොහොතේ සිනහවෙන් කෙළවර වුණත්, ඊළඟ තත්පරයේදී මුළු ජීවිත කාලයටම හිරගෙවල් අස්සේ විඳවන්න වෙන මහා ඛේදවාචකයක් වෙන්න පුළුවන්.
Make a Comment
Make a Comment..
Follow Us
මෙන්න බලන්න තවත් ගොසිප්
"බැන්දට පස්සෙ ඉව්ව පලවෙනි කෑම වේල..." ශනුද්රි දිනේෂ් වෙනුවෙන් හදපු ආදරණීය කෑම වේල මෙන්න!
6,843 Views
Football බලන්න ලෑස්තිද? එහෙනම් මෙදා පාර FIFA එක ඇතුළේ යන මේ උණුසුම්ම රහස් ටික අනිවාර්යයෙන්ම දැනගන්න!
741 Views
Hot Gossip
Recent Gossip Post
Follow Us
නැගලා යන ගොසිප්
