171 Views
ලංකාව පුරාම ආයෙත් සැරයක් දරුණු විදිහට ඩෙංගු රෝගය පැතිරී යාමේ අවදානමක් මතු වෙලා තියෙනවා කියලා ජාතික ඩෙංගු මර්ධන ඒකකයෙන් විශේෂ අනතුරු ඇඟවීමක් කරලා තියෙනවා.
ඒ ඒකකයේ අධ්යක්ෂ වෛද්ය කපිල කන්නන්ගර මහතා පවසන විදිහට, ගිය අවුරුද්දට වඩා මේ අවුරුද්දේ ඩෙංගු රෝගීන් වාර්තා වීම 50%ත් 55%ත් අතර ප්රමාණයකින් දරුණු ලෙස ඉහළ ගිහින් තියෙනවා.
වෛද්යවරයා පෙන්වා දෙන විදිහට පසුගිය ජුනි 5 වනදා වෙනකොට විතරක් ලංකාවෙන් ඩෙංගු රෝගීන් 36,168ක් වාර්තා වෙලා තියෙනවා. හැබැයි වඩාත්ම භයානක දේ තමයි, ඒ සේරම රෝගීන්ගෙන් 50%ක්ම, ඒ කියන්නේ හරියටම අඩක්ම වාර්තා වෙලා තියෙන්නේ බස්නාහිර පළාතෙන් වීමයි.
බස්නාහිර පළාත විතරක් නෙවෙයි, තවත් දිස්ත්රික්ක කිහිපයකම ඩෙංගු රෝගීන් ගොඩක් වැඩි වෙලා තියෙනවා කියලා වෛද්යවරයා කියනවා. ඒ දිස්ත්රික්ක මෙන්න.
දකුණු පළාත: ගාල්ල සහ මාතර
සබරගමුව පළාත: රත්නපුර සහ කෑගල්ල
වෙනත් දිස්ත්රික්ක: පුත්තලම සහ නුවරඑළිය
මේ විදිහට එකපාරටම ඩෙංගු රෝගීන් වැඩි වෙන්න ප්රධානම හේතුව වෙලා තියෙන්නේ ජනවාරි මාසයේ ඉඳන් දිගටම පැවතුණු වැසිබර කාලගුණයයි. ඒ විතරක් නෙවෙයි, රටට බලපෑම් කරපු "දිට්වා" සුළි කුණාටුවෙන් පස්සේ පරිසරයේ විශාල වශයෙන් කසළ එකතු වුණු නිසා, මදුරුවන් බෝ වෙන තැන් නිර්මාණය වෙලා තියෙනවා කියලයි වෛද්ය කපිල කන්නන්ගර මහතා වැඩිදුරටත් මතක් කරලා දෙන්නේ.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
