දන්සලක පෝලිමේ සිටි අහිංසක මිනිස්සුන්ව යටකරමින් මාරාවේශයෙන් ධාවනය වූ කැබ් රථයක් නිසා පුද්ගලයන් 6 දෙනෙකුට ජීවිත අහිමි වූ අතර තවත් 7 දෙනෙකු බරපතල තුවාල ලබා රෝහල් ගත කෙරුණා.
මේ වන විට එම අනතුර සිදුකළ කැබ් රථයේ රියදුරාව අත්අඩංගුවට ගෙන ජුනි 1 වනදා හෝමාගම මහේස්ත්රාත් අධිකරණයට ඉදිරිපත් කිරීමෙන් පසු එළඹෙන ජුනි 16 වනදා දක්වා රක්ෂිත බන්ධනාගාරගත කර තිබෙනවා.
අනතුර සිදුවූ අවස්ථාවේදී මෙම කැබ් රථය තුළ තවත් පිරිසක් ගමන් කර ඇති අතර, රියදුරු කොටුවෙද්දී ඉන් තිදෙනෙකු පොලිස් ඇසට වැලි ගසා පලා ගොස් තිබෙනවා. මේ වන විට ඔවුන්ව කොටුකර ගැනීම සඳහා විශේෂ පොලිස් කණ්ඩායම් දෙකක් මඟින් දැවැන්ත විමර්ශන ආරම්භ කර ඇති බවයි වාර්තා වෙන්නේ.
පොලිසිය විසින් මහජන උපකාරය පතා දැනට සොයමින් පවතින එම සැකකරුවන් තිදෙනාගේ නම් සහ ලිපින මෙන්න.
අත්තනායකගේ දොන් වසන්ත (කැබ් රථයේ ලියාපදිංචි අයිතිකරු)
ලිපිනය: නො. 243/D, කුඩමාදුව, සිද්ධමුල්ල, පිළියන්දල.
S. K. කුමාර හෙවත් සෙල්ලමුත්තු සෙල්ලකුමාර
ලිපිනය: නො. 342/D, පැලන්වත්ත, පන්නිපිටිය.
දොන් සරත් හෙට්ටිගේ
ලිපිනය: නො. 337/07, පැලන්වත්ත, පන්නිපිටිය.
නීතියෙන් බේරී සැඟවී සිටින මෙම පුද්ගලයන් පිළිබඳව යම් තොරතුරක්, හෝඩුවාවක් වෙතොත් වහාම ක්රියාත්මක වන පරිදි පහත සඳහන් දුරකථන අංක වෙත දැනුම් දෙන ලෙස පොලිසිය මුළු මහත් මහජනතාවගෙන්ම කාරුණිකව ඉල්ලා සිටිනවා.
මීගොඩ පොලිස් ස්ථානාධිපති: 071 859 2179
මීගොඩ රථවාහන අංශයේ ස්ථානාධිපති: 077 949 4188