212 Views
අද තියෙන්නේ මුළු රටටම ආඩම්බර වෙන්න පුළුවන් සුපිරිම නිවුස් එකක්. ලංකාවේ නම ජාත්යන්තරයටම අරගෙන ගිය අපේ රටේ දක්ෂ වෛද්යවරියක් ගැන තමයි මේ කතාව.
ඇය නමින් විශේෂඥ වෛද්ය සත්යා හේරත්!
ගෝලීය හෙපටයිටිස් තුරන් කිරීමේ සංවිධානය (CGHE) විසින් ජූලි 28 වැනිදාට යෙදෙන ලෝක හෙපටයිටිස් දිනයට සමගාමීව, 2026 වසරේ හෙපටයිටිස් තුරන් කිරීමේ ශූරයන් නම් කරලා තියෙනවා. ලොව පුරාම ඉන්න වෛද්යවරුන්ගෙන් සහ විශේෂඥයන්ගෙන් මේ සඳහා තෝරාගෙන තියෙන්නේ පුද්ගලයන් සිව්දෙනෙක් (04) පමණයි. ඒ සිව්දෙනා අතරට අපේ ශ්රී ලංකාවේ වෛද්ය සත්යා හේරත් තේරී පත්වීම මුළු රටටම මහත් අභිමානයක්!
විශේෂඥ වෛද්ය සත්යා හේරත් (MBBS, MSc, MD) කියන්නේ ජාතික ලිංගාශ්රිත රෝග සහ ඒඩ්ස් මර්දන වැඩසටහනේ (NSACP) ප්රධාන අවදානම් ජනගහන වැඩසටහන සඳහා ජාතික වැඩසටහන් විශේෂඥ වෛද්යවරිය විදිහට කටයුතු කරන කෙනෙක්. ඇය මෙරට HIV, හෙපටයිටිස් B සහ C මෙන්ම ලිංගිකව සම්ප්රේෂණය වන රෝග (STIs) වැළැක්වීමේ පුරෝගාමී මෙහෙවරක් කරන නිහඬ වීරවරියක් කිව්වොත් නිවැරදියි.
අවදානම් ජනකොටස් හොයාගෙන ගිහින් ඒ අයට සෞඛ්ය සේවා ලබාදෙන්න ඇය කරපු කැපවීම තමයි මේ ජාත්යන්තර සම්මානයට ප්රධාන හේතුව වෙලා තියෙන්නේ. ඇය ලංකාවට කරපු සුවිශේෂී දේවල් කිහිපයක් මෙන්න.
"One Stop Shop" සංකල්පය: 2018 අවුරුද්දේ ඉඳන් ඇය මේ සංකල්පය ගෙනාවා. ඒ කියන්නේ සෞඛ්ය අධ්යාපනය, හානි අවම කිරීමේ සේවා, ස්ථානීය ඉක්මන් පරීක්ෂණ, හෙපටයිටිස් ප්රතිකාර සහ මානසික සහාය යන මේ හැමදේම එකම තැනකින් ලබාගන්න පුළුවන් ක්රමයක්.
කටු හා සිරින්ජ හුවමාරු වැඩසටහන: 2021 වසරේදී ලංකාවේ ප්රථම වතාවට (Needle Syringe Program) හඳුන්වා දෙන්න ඇය පුරෝගාමී වුණා.
හෙපටයිටිස් C ප්රතිකාර සේවාව: 2022 දී ප්රජාව මූලික කරගත් ප්රතිකාර සේවා හඳුන්වා දුන්නා. මේ නිසා රෝගීන් ඉක්මනින් හඳුනාගෙන, ප්රතිකාර කරලා ඔවුන්ව සුවපත් කිරීමේ ප්රතිශතය ගොඩක් ඉහළ ගියා.
ගර්භණී මව්වරුන් දැනුවත් කිරීම: "මා පිය සුමිතුරෝ" සංවිධානයේ Parentcraft වැඩසටහන හරහා ගර්භණී මව්වරුන්ට සහ ඔවුන්ගේ සහකරුවන්ට මේ රෝග ගැන දැනුවත් කිරීමේ විශාල කාර්යභාරයක් ඇය සිදු කරනවා.
සෞඛ්ය අමාත්යාංශය කියන විදිහට, මේ සම්මානය ලංකාවේ මහජන සෞඛ්ය ක්ෂේත්රයට ලැබුණු ලොකුම ජාත්යන්තර පිළිගැනීමක්. ඒ වගේම 2030 අවුරුද්ද වෙද්දී "වෛරස් හෙපටයිටිස්" ලෝකයෙන්ම තුරන් කිරීමේ ගෝලීය ඉලක්කයට යන්න ලංකාවට මේක ලොකු හයියක්.
නිහඬවම වැඩ කරලා, මුළු ලෝකයක් ඉස්සරහා ලංකාවේ නම බැබළවූ වෛද්ය සත්යා හේරත් මහත්මියට අපෙන් උණුසුම් සුබපැතුම්!
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
