603 Views
ඔන්න කාලෙක ඉඳන් රජයට කෝටි ගණනින් බදු පොලු තියපු මත්පැන් නිෂ්පාදන සමාගම්වල ලොක්කන්ට දැන් නම් රෑට නින්ද යන එකක් නැහැ
බදු ගෙවීම පැහැර හැරපු මේ මහා පරිමාණ සමාගම්වලින් ඒ හිඟ මුදල් සතේටම අය කරගන්න කෙළින්ම දිසා අධිකරණයේ නඩු පවරන්න පියවර අරගෙන තියෙනවා කියලා නීතිපතිවරයා අද (20) ශ්රේෂ්ඨාධිකරණයට දැනුම් දීලා තියෙනවා.
මේ ප්රශ්නෙ ගැන ශ්රේෂ්ඨාධිකරණයට මූලික අයිතිවාසිකම් පෙත්සමක් ගොනු කරලා තිබුණේ, මේ බදු පොලු තියපු කොම්පැණිවලින් සල්ලි අය කරගන්න වහාම නියෝගයක් දෙන්න කියලයි. අන්න ඒ පෙත්සම අද කැඳවපු වෙලාවේදී, නීතිපතිවරයා වෙනුවෙන් පෙනී හිටපු අතිරේක සොලිසිටර් ජෙනරාල්වරයා තමයි මේ සුපිරි ආරංචිය අධිකරණය හමුවේ හෙළි කළේ. මේ වෙනකොටත් මෙරට සමහර ප්රසිද්ධ මත්පැන් සමාගම් රජයට බිලියන ගණනක බදු පොලු තියලා තියෙන බව හැමෝම දන්න රහසක්නෙ.
නඩු පිට නඩු: නිකන්ම ලියුම් යවලා නවතින්නේ නැතුව, දැන් දිසා අධිකරණය හරහාම නීතිමය පියවර අරගෙන සල්ලි අය කරගන්නයි යන්නේ.
දැඩි තීරණ: බදු ගෙවන්න තවදුරටත් මඟහැරියොත්, මේ සමාගම්වලට ලොකු අමාරුවක වැටෙන්න වෙන බව නම් ස්ථිරයි.
ප්රධාන අරමුණ: මහජනතාවට අහිමි වුණු ඒ බිලියන ගණනක බදු මුදල් කොහොම හරි රජයේ භාණ්ඩාගාරයට එකතු කරගැනීම.
නිකන්ම ලයිසන් කැන්සල් කරනවාට වඩා, උසාවි ගිහින්ම මේ සල්ලි ටික රජයට ගන්න නීතිපති දෙපාර්තමේන්තුව ලෑස්ති වෙන එක ගැන නම් මේ වෙද්දීත් බොහෝ දෙනාගේ අවධානය යොමුවෙලා තියෙනවා. කොහොම වුණත්, බදු හොරුන්ගෙන් මේ සල්ලි ටික අය කරගැනීමේ දැවැන්ත මෙහෙයුම මේ විදිහට අද ඉඳන් ආරම්භ වී අවසන්!
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
