385 Views
මුළු ලංකාවම වෙසක් පහන් ආලෝකයෙන් සහ පින්කම් සිරියෙන් බැබළෙමින් තිබූ මොහොතක, හම්බන්තොට ගිරුවාපත්තුවෙන් ඇසුණේ මුළු මහත් දේශයම කම්පාවෙන් සලිත කළ අතිශය ඛේදජනක පුවතකි.
ඒ වෙසක් පොහෝ දින පස්වරුවේ හුංගම, කළමැටිය වෙරළ තීරයේ දිය නෑමට ගිය එකම පවුලේ සහෝදරයන් තිදෙනෙකු රළු මුහුදු රළට හසුව ජීවිතක්ෂයට පත්වීමේ අවාසනාවන්ත සිදුවීමයි. නිවාඩු දිනය විනෝදයෙන් ගත කිරීමට ගිය මේ හිරිමල් වයසේ පසුවූ දරුවන් තිදෙනාගේ ගමන මෙලෙස මහා මළගෙයකින් කෙළවර වේවි යැයි ඔවුන්ගේ ආදරණීය මව්වරුන් සිහිනයකින්වත් නොසිතන්නට ඇත.
මෙලෙස අකාලයේ ජීවිතක්ෂයට පත්ව ඇත්තේ හුංගමතුඩුව ගම්මානයේ පදිංචිව සිටි, හුංගම විජයබා ජාතික පාසලේ ඉගෙනුම ලැබූ දක්ෂ සිසුන් තිදෙනෙකි.
පසිඳු හේෂාන් (අවු. 18)- 13 වැනි ශ්රේණියේ නර්තන අංශයෙන් ඉගෙනුම ලැබූ, අනාගතයක් තිබූ දක්ෂයෙකි.
රත්නවීර පටබැඳිගේ අශාන් දුලංජල (අවු. 17)- 12 ශ්රේණියේ ඉගෙනුම ලැබූ සිසුවෙකි.
රත්නවීර පටබැදිගේ තුෂාන් දිලූෂ (අවු. 12)- 7 ශ්රේණියේ ඉගෙනුම ලැබූ බාලම සහෝදරයාය.
අශාන් සහ තුෂාන් එකකුස උපන් සහෝදරයන් වන අතර, පසිඳු ඔවුන්ගේ ළඟම ඥාතී සහෝදරයෙකු වෙයි.
පසුගිය 30 වැනිදා පස්වරුවේ පවුලේ ඥාතීන් සහ වැඩිහිටියන් දෙදෙනෙකු සමඟ මෙම පිරිස නිවසේ සිට නුදුරින් පිහිටි කළමැටිය වෙරළ තීරයට ගොස් ඇත්තේ විනෝද වීම සඳහාය. එහිදී ඔවුන් මුහුදේ දිය නාමින් සිටියදී, පස්වරු 3.30 ට පමණ පැමිණි ප්රබල සැඩ රළ පහරකට හසුව මෙම සහෝදරයන් තිදෙනාම එකවර ඈත දියඹට ගසාගෙන ගොස් තිබේ. අවට සිටි පිරිස් වහා ක්රියාත්මක වී ඔවුන් බේරා ගැනීමට දැඩි උත්සාහයක් දැරුවද, ඒ වන විටත් කළමැටිය මුහුද දැඩි ලෙස රළු වී තිබීම හේතුවෙන් එම සියලු උත්සාහයන් ව්යර්ථ විය.
කළමැටිය ගම්වාසීන් පවසන්නේ මෙම දරුවන් තිදෙනා ජලයට බැසීමට පෙර අවට සිටි පිරිස් විසින් අනතුරු ඇඟවීම් පවා සිදුකළ බවයි. "පසුගිය කාලයේ කළමැටිය ධීවර වරාය ආසන්නයේ නිරන්තරයෙන් කිඹුලකු සැරිසැරුවා. ඒ නිසා අපි ළමයින්ට කිව්වා මුහුදට බහින්න එපා කියලා. ඒත් හිරිමල් වයසේ පසුවුණු දරුවන් ඒක එච්චර ගණනකට ගත්තේ නැහැ," යැයි ප්රදේශවාසියෙකු කඳුළු පිරුණු දෑසින් පවසා සිටියේය. පසුදා උදෑසන වන විට පසිඳු සහ තුෂාන් යන සිසුන් දෙදෙනාගේ නිසල සිරුරු සොයාගැනීමට හැකි වූ අතර, අතුරුදන්ව සිටි අශාන් සිසුවාගේ සිරුර සොයා පස්වරුව වනතුරුත් සෝදිසි මෙහෙයුම් ක්රියාත්මක විය.
මෙම අනතුර සිදුව ඇත්තේ ජීවිතාරක්ෂක නිලධාරීන් නොමැති, මාදැල් ධීවර වරාය ආසන්න ප්රදේශයකය. මෙම ස්වභාවික අනතුර පිටුපස දරුවන් නොදැන සිටි භයානක පරිසර තත්ත්වයක් තිබිණි. පවතින වර්ෂාපතනයත් සමඟ කුඹුරු යටවීම වැළැක්වීම සඳහා බටඅත, නෝනාගම, අගුණකොළපැලැස්ස සහ හකුරුවෙල ප්රදේශවලින් ගලා එන ජලය බැසයන 'කච්චිගල් ආරේ මෝය කට' මේ දිනවල කපා දමා තිබුණි.
මෝය කට කැපීම නිසා මුහුදට ගලා යන සැඩ ජල පහර හේතුවෙන් එම ස්ථානයේ ප්රබල දියවැළක් (Undercurrent) නිර්මාණය වී තිබී ඇත. මීට අමතරව, මෝය කට කැපීමත් සමඟ කච්චිගල් ආර දිගේ පැමිණෙන කිඹුලන් මුහුදට ගසාගෙන යාමේ අවදානමක්ද මාස කිහිපයක සිට පැවති බව ගම්මු කියති. මෙම අනතුරුදායක තත්ත්වය පිළිබඳව මැනවින් දන්නේ ප්රදේශයේ ධීවරයන් පමණක් වන අතර, මියගිය අහිංසක දරුවන් ඒ පිළිබඳව කිසිවක් දැන සිට නැත.
මෙම ශෝචනීය පුවතේ ඇති වඩාත්ම සංවේදී සහ හදවත කඩාදමන කතාව වන්නේ මියගිය දරුවන්ගේ පියවරුන්ද මීට පෙර ජලයටම බිලිවී තිබීමයි! මියගිය පසිඳුගේ පියා මීට වසර එකහමාරකට පමණ පෙර කළමැටිය කළපුවේ මසුන් අල්ලමින් සිටියදී දියේ ගිලී මියගිය ධීවරයෙකි. එතැන් පටන් ඔහුගේ මව නොවිඳිනා දුක් විඳිමින් දරුවන් හදා වඩා ගෙන ඇත.
අශාන් සහ තුෂාන්ගේ පවුලටද අත්ව ඇත්තේ එවැනිම අවාසනාවන්ත ඉරණමකි. ඔවුන්ගේ පියාද මීට පෙර දියේ ගිලීමෙන්ම ජීවිතක්ෂයට පත්ව ඇත. පියවරුන් අහිමි කළ ඒ දරුණු දියකඳම, අවසානයේදී මේ අසරණ මව්වරුන්ගේ ජීවිතයේ එකම බලාපොරොත්තුව වූ ආදරණීය පුතුන්වත් උදුරාගෙන අවසන්ය.
මෙම ඛේදවාචකය මුළු මහත් සමාජයටම ලබා දෙන්නේ ඉතා බරපතළ පණිවිඩයකි. පොලිස් ජීවිතාරක්ෂක නිලධාරීන් මහජනතාවගෙන් අවධාරණයෙන් ඉල්ලා සිටින්නේ, තමන් නොදන්නා හෝ අනතුරුදායක යැයි නම් කර ඇති වෙරළ තීරයන්ගෙන් කිසිවිටෙකත් දිය නෑම සඳහා මුහුදට නොබසින ලෙසයි.
හිරිමල් වයසේ දරුවන්ගේ මෙවැනි අකල් මරණ වළක්වා ගැනීමට නම්, ස්වභාවික අනතුරු පිළිබඳව කෙරෙන අනතුරු ඇඟවීම් සහ ගම්මුන්ගේ උපදෙස් දෙස මීට වඩා වගකීමෙන් යුතුව බැලිය යුතු කාලය එළඹ ඇත. මුළු රටම හඬවමින් ලෝකයෙන් සමුගත් ඒ අහිංසක පුතුන් තිදෙනාට නිවන් සුව ප්රාර්ථනා කරමු!
මෙලෙස අකාලයේ ජීවිතක්ෂයට පත්ව ඇත්තේ හුංගමතුඩුව ගම්මානයේ පදිංචිව සිටි, හුංගම විජයබා ජාතික පාසලේ ඉගෙනුම ලැබූ දක්ෂ සිසුන් තිදෙනෙකි.
පසිඳු හේෂාන් (අවු. 18)- 13 වැනි ශ්රේණියේ නර්තන අංශයෙන් ඉගෙනුම ලැබූ, අනාගතයක් තිබූ දක්ෂයෙකි.
රත්නවීර පටබැඳිගේ අශාන් දුලංජල (අවු. 17)- 12 ශ්රේණියේ ඉගෙනුම ලැබූ සිසුවෙකි.
රත්නවීර පටබැදිගේ තුෂාන් දිලූෂ (අවු. 12)- 7 ශ්රේණියේ ඉගෙනුම ලැබූ බාලම සහෝදරයාය.
අශාන් සහ තුෂාන් එකකුස උපන් සහෝදරයන් වන අතර, පසිඳු ඔවුන්ගේ ළඟම ඥාතී සහෝදරයෙකු වෙයි.
පසුගිය 30 වැනිදා පස්වරුවේ පවුලේ ඥාතීන් සහ වැඩිහිටියන් දෙදෙනෙකු සමඟ මෙම පිරිස නිවසේ සිට නුදුරින් පිහිටි කළමැටිය වෙරළ තීරයට ගොස් ඇත්තේ විනෝද වීම සඳහාය. එහිදී ඔවුන් මුහුදේ දිය නාමින් සිටියදී, පස්වරු 3.30 ට පමණ පැමිණි ප්රබල සැඩ රළ පහරකට හසුව මෙම සහෝදරයන් තිදෙනාම එකවර ඈත දියඹට ගසාගෙන ගොස් තිබේ. අවට සිටි පිරිස් වහා ක්රියාත්මක වී ඔවුන් බේරා ගැනීමට දැඩි උත්සාහයක් දැරුවද, ඒ වන විටත් කළමැටිය මුහුද දැඩි ලෙස රළු වී තිබීම හේතුවෙන් එම සියලු උත්සාහයන් ව්යර්ථ විය.
කළමැටිය ගම්වාසීන් පවසන්නේ මෙම දරුවන් තිදෙනා ජලයට බැසීමට පෙර අවට සිටි පිරිස් විසින් අනතුරු ඇඟවීම් පවා සිදුකළ බවයි. "පසුගිය කාලයේ කළමැටිය ධීවර වරාය ආසන්නයේ නිරන්තරයෙන් කිඹුලකු සැරිසැරුවා. ඒ නිසා අපි ළමයින්ට කිව්වා මුහුදට බහින්න එපා කියලා. ඒත් හිරිමල් වයසේ පසුවුණු දරුවන් ඒක එච්චර ගණනකට ගත්තේ නැහැ," යැයි ප්රදේශවාසියෙකු කඳුළු පිරුණු දෑසින් පවසා සිටියේය. පසුදා උදෑසන වන විට පසිඳු සහ තුෂාන් යන සිසුන් දෙදෙනාගේ නිසල සිරුරු සොයාගැනීමට හැකි වූ අතර, අතුරුදන්ව සිටි අශාන් සිසුවාගේ සිරුර සොයා පස්වරුව වනතුරුත් සෝදිසි මෙහෙයුම් ක්රියාත්මක විය.
මෙම අනතුර සිදුව ඇත්තේ ජීවිතාරක්ෂක නිලධාරීන් නොමැති, මාදැල් ධීවර වරාය ආසන්න ප්රදේශයකය. මෙම ස්වභාවික අනතුර පිටුපස දරුවන් නොදැන සිටි භයානක පරිසර තත්ත්වයක් තිබිණි. පවතින වර්ෂාපතනයත් සමඟ කුඹුරු යටවීම වැළැක්වීම සඳහා බටඅත, නෝනාගම, අගුණකොළපැලැස්ස සහ හකුරුවෙල ප්රදේශවලින් ගලා එන ජලය බැසයන 'කච්චිගල් ආරේ මෝය කට' මේ දිනවල කපා දමා තිබුණි.
මෝය කට කැපීම නිසා මුහුදට ගලා යන සැඩ ජල පහර හේතුවෙන් එම ස්ථානයේ ප්රබල දියවැළක් (Undercurrent) නිර්මාණය වී තිබී ඇත. මීට අමතරව, මෝය කට කැපීමත් සමඟ කච්චිගල් ආර දිගේ පැමිණෙන කිඹුලන් මුහුදට ගසාගෙන යාමේ අවදානමක්ද මාස කිහිපයක සිට පැවති බව ගම්මු කියති. මෙම අනතුරුදායක තත්ත්වය පිළිබඳව මැනවින් දන්නේ ප්රදේශයේ ධීවරයන් පමණක් වන අතර, මියගිය අහිංසක දරුවන් ඒ පිළිබඳව කිසිවක් දැන සිට නැත.
මෙම ශෝචනීය පුවතේ ඇති වඩාත්ම සංවේදී සහ හදවත කඩාදමන කතාව වන්නේ මියගිය දරුවන්ගේ පියවරුන්ද මීට පෙර ජලයටම බිලිවී තිබීමයි! මියගිය පසිඳුගේ පියා මීට වසර එකහමාරකට පමණ පෙර කළමැටිය කළපුවේ මසුන් අල්ලමින් සිටියදී දියේ ගිලී මියගිය ධීවරයෙකි. එතැන් පටන් ඔහුගේ මව නොවිඳිනා දුක් විඳිමින් දරුවන් හදා වඩා ගෙන ඇත.
අශාන් සහ තුෂාන්ගේ පවුලටද අත්ව ඇත්තේ එවැනිම අවාසනාවන්ත ඉරණමකි. ඔවුන්ගේ පියාද මීට පෙර දියේ ගිලීමෙන්ම ජීවිතක්ෂයට පත්ව ඇත. පියවරුන් අහිමි කළ ඒ දරුණු දියකඳම, අවසානයේදී මේ අසරණ මව්වරුන්ගේ ජීවිතයේ එකම බලාපොරොත්තුව වූ ආදරණීය පුතුන්වත් උදුරාගෙන අවසන්ය.
මෙම ඛේදවාචකය මුළු මහත් සමාජයටම ලබා දෙන්නේ ඉතා බරපතළ පණිවිඩයකි. පොලිස් ජීවිතාරක්ෂක නිලධාරීන් මහජනතාවගෙන් අවධාරණයෙන් ඉල්ලා සිටින්නේ, තමන් නොදන්නා හෝ අනතුරුදායක යැයි නම් කර ඇති වෙරළ තීරයන්ගෙන් කිසිවිටෙකත් දිය නෑම සඳහා මුහුදට නොබසින ලෙසයි.
හිරිමල් වයසේ දරුවන්ගේ මෙවැනි අකල් මරණ වළක්වා ගැනීමට නම්, ස්වභාවික අනතුරු පිළිබඳව කෙරෙන අනතුරු ඇඟවීම් සහ ගම්මුන්ගේ උපදෙස් දෙස මීට වඩා වගකීමෙන් යුතුව බැලිය යුතු කාලය එළඹ ඇත. මුළු රටම හඬවමින් ලෝකයෙන් සමුගත් ඒ අහිංසක පුතුන් තිදෙනාට නිවන් සුව ප්රාර්ථනා කරමු!
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
