695 Views
සිතන්නටවත් නොහැකි, අදහාගත නොහැකි අන්දමේ අතිශය කණගාටුදායක සහ සංවේදී පුවතක් නැගෙනහිර පළාතෙන් වාර්තා වනවා.
සුළු සිදුවීමක් දුරදිග යාමෙන්, තමන්ගේම කුසින් උපන් සහෝදරියකගේ ජීවිතය නැති කරන්නට තරම් 14 හැවිරිදි අයෙකු අනුකම්පා විරහිත වූ අවාසනාවන්ත පුවතක් ඒරාඌර් ප්රදේශයෙන් අපට වාර්තා වුණා.
පොලීසිය පවසන පරිදි, මේ කියන 14 හැවිරිදි සැකකාර අයියා තමන්ගේ 11 හැවිරිදි පුංචි නංගිගෙන් ජංගම දුරකථනයක් ඉල්ලා තිබෙනවා. නමුත් නංගී එය ලබාදීම ප්රතික්ෂේප කිරීමත් සමඟ දෙදෙනා අතර බහින්බස්වීමක් හටගෙන තිබෙනවා. පසුව කෝපය පාලනය කරගත නොහැකි වූ අයියා, තමන්ගේම ලේ නෑකම අමතක කරමින් පුංචි නංගිගේ ගෙල සිරකර, ඇයට අමානුෂික ලෙස පහර දී ඇයව ඝාතනය කර ඇති බවයි මූලික පරීක්ෂණවලදී හෙළි වී ඇත්තේ.
ඝාතනයෙන් පසු ඇගේ සිරුර නිවසේ නාන කාමරයේ තිබූ ජල ටැංකියක් තුළ ගිල්වා තිබියදී පසුගිය 28 වැනිදා පොලීසිය විසින් සොයාගෙන තිබෙනවා. ඒ වන විටත් ඒ අහිංසක දැරිය මෙලොව හැරගොස් අවසන්.
මේ මුළු මහත් ඛේදවාචකයම තවත් සංවේදී කරන්නේ අනතුරෙන් පසු මේ සැකකාර අයියා හැසුරුණු ආකාරය නිසයි. තමන්ගේම සහෝදරියව ඝාතනය කිරීමෙන් අනතුරුව, ඔහු කිසිවක් සිදු නොවූ පරිදි අසල්වැසි නිවසකට ගොස් රැඳී සිට ඇති බවට තොරතුරු අනාවරණය වී තිබෙනවා. කෙසේ වෙතත්, වහා ක්රියාත්මක වූ ඒරාඌර් පොලීසිය විසින් පසුගිය 30 වැනිදා මෙම 14 හැවිරිදි සැකකාර සිසුවාව අත්අඩංගුවට ගෙන තිබෙනවා.
මේ දරුවන්ගේ මව විදේශගතව රැකියාවක නිරත වන අතර, සිද්ධිය වූ දිනයේ පියා ද රැකියාව සඳහා පිට පළාතකට ගොස් සිට ඇති බවයි වාර්තා වන්නේ. මව්පියන්ගේ සෙවණ අහිමිව නිවසේ තනි වූ මේ දරුවන් දෙදෙනාගේ ජීවිත එකම මොහොතකදී මේ අයුරින් අඳුරට ඇද වැටීම මුළු රටේම දෑසට කඳුළු උනන සිදුවීමක් වී තිබෙනවා.
Make a Comment
Make a Comment..
Follow Us
මෙන්න බලන්න තවත් ගොසිප්
එකපාරටම පුංචි දෝණි කෑ ගහනවා ඇහිලා තියෙනවා.... දොර කඩාගෙන ඇතුළට ගිය අයට දැකගන්න ලැබුණේ අදහාගත බැරි දර්ශනයක්
2,349 Views
"එක දවසක් පිඟන් සේදුවේ නැත්නම් මගේ ඇඟට අමාරුයි" සල්ලි ඕනෑවටත් වඩා තිබියදීත් සේවිකාවක වුණු කෝටිපතිනියගේ කතාව
1,235 Views
Hot Gossip
Recent Gossip Post
Follow Us
නැගලා යන ගොසිප්
