අම්මයි තාත්තයි බලන්න හොරෙන්ම කොළඹ යන්න ආපු පුංචි පුතා.... සල්ලි දීලා තියෙන්නෙත් ලොකුඅම්මා - Socal Story - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

May

අම්මයි තාත්තයි බලන්න හොරෙන්ම කොළඹ යන්න ආපු පුංචි පුතා.... සල්ලි දීලා තියෙන්නෙත් ලොකුඅම්මා

1,131 Views

හැටන් පැත්තේ ඉස්කෝලෙක ඉගෙනගන්න අවුරුදු 7ක පුංචි පිරිමි ළමයෙක් ඊයේ (27) හැටන් බස් නැවතුම්පොළේදී අමුතුම විදිහකට කොටු වෙලා තියෙනවා.

මේ සිද්ධිය දැකපු බස් ස්ටෑන්ඩ් එකේ වේලා සටහන්කරුට සැක හිතිලා ළමයා රඳවාගෙන පොලිසියට භාර දීමත් එක්කම දැන් හැටන් පැත්තේ ලොකු කතාබහක් නිර්මාණය වෙලා තියෙනවා.

මේ පුංචි දරුවා තනියම බස් ස්ටෑන්ඩ් එකට ඇවිත් තියෙන්නේ කොළඹ යන්න බස් එකක් හොයාගෙන. වේලා සටහන්කරු මේ ගැන ප්‍රශ්න කරද්දී දරුවා දීපු උත්තරෙන් එතන හිටපු හැමෝම පුදුම වෙලා. දරුවා කියලා තියෙන්නේ තමන්ගේ අම්මයි තාත්තයි කොළඹ රක්ෂාවල් කරන නිසා එයාලව බලන්න යන්න ආවා කියලා.

වඩාත්ම කුතුහලය දනවන කතාව තමයි, තමන්ට කොළඹ යන්න බස් සල්ලි දුන්නේ තමන්ගේ "ලොකු අම්මා" කියලා මේ 7 හැවිරිදි දරුවා පවසා තිබීමයි. අවුරුදු හතක දරුවෙක්ව තනියම කොළඹ යවන්න තරම් ලොකු අම්මා කෙනෙක් තීරණය කළේ ඇයි කියන එක ලොකු ප්‍රහේලිකාවක්.

කොහොම වුණත් මේ සිද්ධිය ගැන සැක හිතුණු වේලා සටහන්කරු, දරුවාට බස් එකට නගින්න නොදී වහාම හැටන් පොලිසියට දැනුම් දීලා තියෙනවා.

වහාම ක්‍රියාත්මක වුණු හැටන් පොලිසියේ නිලධාරීන් බස් නැවතුම්පොළට පැමිණ දරුවාව තමන්ගේ භාරයට ගෙන තිබෙනවා. පොලිසිය සඳහන් කළේ මේ දරුවා ගැන සම්පූර්ණ තොරතුරු සොයා බලා, කඩිනමින් ඔහුව දෙමාපියන් වෙත භාර දීමට කටයුතු කරන බවයි.