569 Views
මොණරාගල - සියඹලාණ්ඩුව ප්රධාන මාර්ගයෙන් අද දිනයේ අසන්නට ලැබුණේ ඉතාමත් කනගාටුදායක මෙන්ම බිහිසුණු පුවතක්.
ඒ, ලංගම (SLTB) බස් රථයක් දරුණු ලෙස අනතුරට ලක්වීම පිළිබඳවයි.
ධාවනය වෙමින් තිබූ ලංගම බස් රථයක් එකවරම රියදුරුට පාලනය කරගත නොහැකි වී තිබෙනවා. වේගයෙන් ඉදිරියට ඇදුණු බස් රථය පාරෙන් ඉවතට පැන, අසල තිබූ බෝක්කුවක් තුළටම පෙරළී ගොස් ඇත්තේ මුළු ප්රදේශයම දෙදරුම් කවමින්.
අනතුර සිදුවන අවස්ථාවේදී බස් රථය තුළ මගීන් විශාල පිරිසක් ගමන් කරමින් සිට ඇති අතර, අනතුරත් සමඟින් එහි සිටි පිරිස් දැඩි ලෙස කලබලයට පත්ව කෑගසා ඇති බවයි වාර්තා වන්නේ.
පොලිසිය ලබාදෙන නිල තොරතුරුවලට අනුව, මෙම බිහිසුණු අනතුර හේතුවෙන් පුද්ගලයන් 26 දෙනෙකු බරපතළ තුවාල ලබා තිබෙනවා. අනතුර සිදු වූ වහාම අවට සිටි ජනතාව සහ පොලිසිය එක්ව තුවාලකරුවන්ව බස් රථයෙන් ඉවතට ගෙන වහාම රෝහල්ගත කිරීමට පියවර ගෙන තිබෙනවා...
පොලිසිය සිදුකළ මූලික විමර්ශනවලදී අනාවරණය වී ඇත්තේ ධාවනය වෙමින් තිබූ බස් රථයේ වේගය පාලනය කරගැනීමට රියදුරුට නොහැකි වීම නිසා මෙම අනතුර සිදුව ඇති බවයි. බස් රථය බෝක්කුව තුළටම පෙරළී යාම නිසා බස් රථයටද දැඩි ලෙස හානි සිදුව තිබෙනවා.
මාර්ගයේ ගමන් ගන්නා සියලුම රියදුරන් වඩාත් කල්පනාකාරීව සහ වගකීමෙන් යුතුව රිය පැදවීම කෙතරම් වැදගත්ද කියා මෙවැනි අනතුරු අපට නැවත නැවතත් මතක් කර දෙනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
