483 Views
කතරගම වන්දනාවේ ගිහින් බොහොම සතුටින් ආපහු තමන්ගේ ගම් බිම් බලා එමින් සිටි වන්දනා නඩයකට අද (25) දවසේ අවාසනාවන්ත ඉරණමකට මුහුණ දෙන්න සිද්ධ වෙලා තියෙනවා.
කහටගස්දිගිලිය පැත්තේ පදිංචි පිරිසක් ගමන් කරපු මේ බස් රථය සිප්පුකුලම ප්රදේශයේදී එකපාරටම පාරෙන් ඉවතට පැනලා පෙරළිලා තියෙනවා කියලා මිහින්තලය පොලිසියෙන් වාර්තා වෙනවා.
මේ දරුණු අනතුර නිසා බස් රථයේ ගමන් කරපු පුද්ගලයන් 08 දෙනෙකු තුවාල ලබා අදම රෝහල් ගත කරලා තියෙනවා. තුවාල ලැබූ පිරිස අතර වයස අවුරුදු 35ත් 48ත් අතර පසුවන අය ඉන්න බවයි ආරංචි වෙන්නේ. ඒ වගේම මේ අනතුරින් බස් රථයේ රියදුරාටත් තුවාල වෙලා තියෙනවා.
පොලිසිය පවසන විදිහට මේ පිරිස කතරගම වන්දනා කරලා බොහොම සාමකාමීව ආපහු තමන්ගේ නිවෙස් බලා කහටගස්දිගිලිය ප්රදේශයට යමින් ඉන්න අතරතුර තමයි මේ අනතුරට මුහුණ දීලා තියෙන්නේ. බස් එක අනතුරට පත්වෙන වෙලාවේ ඒක ඇතුළේ කාන්තාවන් ඇතුළුව 30 දෙනෙකු විතර ගමන් කරලා තියෙනවා. ලොකු විනාශයක් නොවී බේරුණේ අනූ නවයෙන් කියලා තමයි වටපිටාවේ අය කියන්නේ.
කොහොමහරි අනතුරෙන් තුවාල වුණු පිරිස වහාම තම්මැන්නාව මූලික රෝහලට සහ අනුරාධපුර ශික්ෂණ රෝහලට ඇතුළත් කරන්න පියවර ගෙන තිබෙනවා.
මිහින්තලය පොලිසිය මේ වන විට අනතුර සම්බන්ධයෙන් වැඩිදුර පරීක්ෂණ පවත්වාගෙන යනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
