191 Views
අද (22) උදේ හැටන් - බගවන්තලාව පාරේ නෝර්වුඩ් වෙන්චර් වත්ත හරියේදී හිතාගන්න බැරි තරම් බය හිතෙන අනතුරක් වෙලා තියෙනවා.
ඒ, පාසල් ළමයිනුයි ගුරුවරුයි සෙට් එකක් අරන් ගිය පුද්ගලික බස් එකක්, ටිපර් එකක හැපිලා ලොකු අනතුරකට මුහුණ දීපු සිද්ධියක්.
නෝර්වුඩ් පොලිසිය කියන විදිහට, ඉස්සරහින් වේගෙන් ආපු ටිපර් එකකුයි මේ ඉස්කෝල බස් එකයි මුහුණට මුහුණලා දරුණු විදිහට හැප්පිලයි තියෙන්නේ.
අද උදේ 7:10ට විතර ළමයි ටික වෙලාවට ඉස්කෝලෙට ඇරලවන්න බස් එක සාමාන්ය විදිහට පාරේ ගිහින් තියෙනවා. ඒ වෙලාවේ ඒ පැත්තට හොඳටම වහලා තිබ්බ නිසා පාර සවුත්තු වෙලයි තිබිලා තියෙන්නේ. ඉතින් ඉස්සරහින් ආපු ටිපර් එකේ ඩ්රයිවර්ට වැස්ස නිසා වාහනේ පාලනය කරගන්න බැරුව එකපාරටම පාරේ ලිස්සලා ගිහින්.
නොහිතපු වෙලාවක පාලනයෙන් ගිලිහුණු ටිපර් එක, ඉස්සරහින් ආපු පාසල් බස් එකේ ඉස්සරහම වැදිලා තියෙන්නේ මුළු පළාතම දෙදරුම් කන මහා සද්දයක් එක්කයි.
අනතුර වෙන වෙලාවේ බස් එක ඇතුළේ පොඩි ළමයිනුයි ගුරුවරුයි 20 දෙනෙක් විතර ඉඳලා තියෙනවා. එකපාරටම වුණු මේ ගැටීම නිසා බස් එක ඇතුළේ හිටපු ළමයි බයෙන් මහා හයියෙන් කෑගහලා තියෙනවා. හැබැයි ඉතින් වාසනාවකට වගේ කාටවත් ජීවිත හානියක් වෙලා නැහැ.
හැබැයි ඉතින් මේ බිහිසුණු හැප්පීම නිසා බස් එකේ ගියපු එක ඉස්කෝල ළමයෙකුට සෑහෙන්න තුවාල වෙලා තියෙනවා. අවට හිටපු අය ඉක්මනටම එකතු වෙලා ඒ තුවාල වුණු ළමයාව දික්ඔය මූලික රෝහලට ඇතුළත් කරන්න කටයුතු කරලා තියෙනවා.
අනතුරේ පින්තූර දැක්කත් ඇඟ කිලිපොලා යනවා. බස් එකෙයි ටිපර් එකෙයි ඉස්සරහ පැති දෙකම සම්පූර්ණයෙන්ම වගේ තලාගෙන ගිහින් කුඩුවෙලාම තියෙනවා.
මේ දවස්වල තියෙන තද වැස්ස නිසා කඳුකර පාරවල් සෑහෙන්න ලිස්සනවා. ඒ නිසා වාහන පදවන හැමෝම තමන්ගේ ස්පීඩ් එක පාලනය කරගෙන, ගොඩක් කල්පනාවෙන් වගේම වගකීමෙන් වාහන පදවන්න කියලා නෝර්වුඩ් පොලිසිය රියදුරන්ගෙන් ඉල්ලනවා.
නෝර්වුඩ් පොලිසිය මේ වෙනකොටත් අනතුර වුණේ කොහොමද කියලා තවදුරටත් පරීක්ෂණ කරනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
