344 Views
ලෝකයේම ඉන්න බෞද්ධ ජනතාවගේ හිත් කම්පා කරවන, අතිශය සංවේදී ඒ වගේම අදහාගන්නත් බැරි කණගාටුදායක ඛේදවාචකයක් ගැන තායිලන්තයෙන් වාර්තා වෙනවා.
ඒ මහමඟ පාගමනින් වැඩම කරමින් හිටපු භික්ෂූන් වහන්සේලා පිරිසක් අනතුරකට ලක්වීමේ පුවතකුයි. හැබැයි මේ අනතුරට හේතුව අහපුවාම නම් ඔයාටත් හිතාගන්න බැරි වෙයි. මේ අනතුර කරලා තියෙන්නේ කිසිම දෙයක් නොතේරෙන වයස අවුරුදු 11ක පොඩි දරුවෙක්!
තායිලන්තයේ මුක්දහන් පළාතේ විහාරස්ථානයක ඉඳන් අසල්වැසි උබොන් රට්චතානි පළාතේ විහාරස්ථානයක් දක්වා භික්ෂූන් වහන්සේලා 34 නමක් සහ ගිහි අනුගාමිකයන් පස්දෙනෙක් පාගමනින් වැඩම කරමින් ඉඳලා තියෙනවා. ඔහොම යනකොට තමයි එකපාරටම පාරට කඩාගෙන ආපු මේ ට්රක් රථය මේ පිරිසගේ ඇඟට කඩාගෙන ගිහින් තියෙන්නේ.
අනතුර කොයි තරම් දරුණුද කියනවා නම්, අනතුර සිදු වුණු ස්ථානයේදීම හිමිවරුන් පස්නමක් අපවත් වෙලා. තවත් හිමිවරුන් තුන්නමක් රෝහල්ගත කිරීමෙන් පස්සේ අපවත් වෙලා තියෙනවා. ඒ කියන්නේ මේ අනතුරෙන් හිමිවරුන් 8 නමකටම තමන්ගේ ජීවිත අහිමි වෙලා.
ඒ විතරක් නෙවෙයි, තවත් භික්ෂූන් වහන්සේලා 22 නමකට සහ ගිහියෙකුට බරපතළ තුවාල සිදුවෙලා තියෙනවා. රෝහල් ආරංචි මාර්ග කියන විදිහට මේ අයගෙන් 4 දෙනෙකුගේ තත්ත්වය ගොඩක් අසාධ්යයිලු.
මේ අනතුර ගැන හැමෝම පුදුම වෙන, ඒ වගේම කම්පා වෙන ලොකුම හේතුව තමයි මේ මාරක ට්රක් රථය පදවාගෙන ඇවිත් තියෙන්නේ අවුරුදු 11ක කුඩා පිරිමි ළමයෙක් වීම. මුක්දහන් පළාත් පොලිස් ප්රධානී මේජර් ජෙනරාල් පයිරොජ් තායිපුත්රා මාධ්යයට කියලා තියෙන විදිහට, මේ දරුවා විශේෂ අවශ්යතා සහිත (Special needs) දරුවෙක්. ඔහු ගෙදර අයටත් හොරෙන් වාහනේ අරගෙන කිලෝමීටර් 10ක් විතර දුරක් මේක පදවාගෙන ඇවිත් තමයි මේ මහා විනාශය කරලා තියෙන්නේ.
අනතුර ගැන තාමත් පොලිස් පරීක්ෂණ ක්රියාත්මක වෙනවා. ඒ නිසා තාම කාටවත් විරුද්ධව චෝදනා ගොනු කරලා නැහැ. ඒ වගේම, මේ සිදුවුණු දේ නිසා අර කුඩා දරුවා ඉන්නේ අතිශය දැඩි කම්පනයකින්ලු. ඔහුට කතා කරගන්නවත් බැරි තරම් ෂොක් එකක ඉන්න නිසා, මේ වෙනකන් පොලිසියට ඔහුගෙන් ප්රකාශයක්වත් ලබාගන්න බැරි වෙලා තියෙනවා කියලා තමයි විදෙස් මාධ්ය වැඩිදුරටත් වාර්තා කරන්නේ.
එක් පැත්තකින් අපවත් වුණු හිමිවරුන් ගැන හිතද්දී දැනෙන්නේ මහා කණගාටුවක්. අනිත් පැත්තෙන් කිසිම දෙයක් නොතේරෙන, විශේෂ අවශ්යතා තියෙන ඒ කුඩා දරුවාට මේ වෙච්ච දේ ගැන හිතද්දී ඇතිවෙන්නේ ලොකු අසරණකමක්. කොහොම වුණත් මේ වගේ අනතුරක් නම් ආයේ කොහේවත් වෙන්න එපා කියලයි හැමෝම ප්රාර්ථනා කරන්නේ.
අපවත් වුණු ඒ හිමිවරුන්ට නිවන් සුව අත්වේවා!
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
