දික්කසාද නඩුවට ගිය බිරිඳට සහ මස්සිනාට අමතක නොවෙන පාඩමක්.. අවසානයේ සැමියා පොලිස් දැලට හසුවෙයි.. - Police Case - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Apr

දික්කසාද නඩුවට ගිය බිරිඳට සහ මස්සිනාට අමතක නොවෙන පාඩමක්.. අවසානයේ සැමියා පොලිස් දැලට හසුවෙයි..

4 Views

පවුල් ආරවුලක් ගිය දුරක්.. අවසානයේ මේ හේතුවෙන් ඔවුන්ගේ ජීවිත පත්ව ඇති තැන මෙන්න..

පවුල් ආරවුලක් පිළිබඳ නඩු විභාගයට ගොස් ආපසු නිවසට පැමිණෙමින් සිටි සිය බිරිඳට හා බිරිඳගේ සහෝදරයාට සැමියා විසින් යාපනය චාවාකච්චේරී ප්‍රදේශයේදී පිහියෙන් ඇන පෙරේදා බරපතළ තුවාල සිදුකොට තිබෙනවා.

යාපනයේ චාවාකච්චේරි ප්‍රදේශයේ පදිංචි පුද්ගලයකුට එරෙහිව බිරිඳ විසින් චාවාකච්චේරි අධිකරණයේ නඩුවක් ගොනුකොට දික්කසාදය ඉල්ලා ඇති අතර, එම නඩුව කාලයක් තිස්සේ විභාග වන අතර මෙවර නඩුවට පෙනී සිටීම පිණිස අදාළ කාන්තාව සිය සහෝදරයා සමග ගොස් ආපසු පැමිණෙමින් සිටියදී මඟ රැක සිටි සැමියා බිරිඳට හා මස්සිනාට පිහියෙන් ඇන තිබෙනවා.

අධිකරණයේ සිට යතුරු පැදියකින් නිවස වෙත පැමිණෙමින් සිටි ඔවුන් දෙදෙනාට අනපේක්ෂිතව එල්ල වූ ප්‍රහාරය නිසා ඔවුන් දෙදෙනාම යතුරුපැදිය පෙරළී පාර මැදට වැටී තිබුණා.

පසුව ඉවක් බවක් නොමැතිව සැකකරු බිරිඳට හා මස්සිනාට පිහි පාරවල් එල්ල කොට ඇති බවයි වාර්තා වෙන්නේ.

මහමඟ යමින් සිටි පිරිසක් වහාම ක්‍රියාත්මක වී තුවාලකරුවන්ව චාවාකච්චේරි රෝහල වෙත ඇතුළත් කොට තිබෙනවා.

පිහි ඇනුම සිදු කළ පුද්ගලයා එම ප්‍රහාරයෙන් පසුව පලාගොස් සිටි අතර පසුව ඔහුව අත්අඩංගුවට ගත් චාවාකච්චේරි පොලිසිය ඔහුව චාවාකච්චේරි අධිකරණය වෙත ඉදිරිපත් කිරීමට පියවර ගෙන තිබෙනවා.