582 Views
පොදු ප්රවාහන සේවාවල ගමන් කරන ඔබ සැබවින්ම ආරක්ෂිතද? නාඳුනන පුද්ගලයන් පෙන්වන අධික හිතවත්කම පිටුපස සැඟවුණු බිහිසුණු අනතුරක් පිළිබඳව අනුරාධපුරයෙන් වාර්තා වනවා.
පසුගිය අප්රේල් 02 වැනිදා රාත්රියේ අනුරාධපුර සිට කොළඹ බලා ධාවනය වූ බස් රථයක ගමන් කරමින් සිටි කාන්තාවන් තිදෙනෙකුට අත්වූයේ කිසිසේත්ම බලාපොරොත්තු නොවූ අවාසනාවන්ත ඉරණමකටයි. බස් රථය තුළදී ඔවුන් සමඟ මිතුරු වූ නාඳුනන පුද්ගලයෙකු විසින් ලබා දුන් කෙටි ආහාර සහ බීම වර්ගයක් ලබා ගැනීමත් සමඟ සියල්ල උඩුයටිකුරු වී තිබෙනවා.
එම ආහාර අනුභව කිරීමෙන් පසු කාන්තාවන් තිදෙනා සිහිසුන් වී ඇති අතර, එයින් ප්රයෝජන ගත් සැකකරු ඔවුන් සතු රුපියල් දහහත් ලක්ෂ හයදහස් හාරසියයක (1,706,400/=) මුදල් සහ රන් භාණ්ඩ කොල්ලකා රැයෙහිම පලා ගොස් තිබෙනවා.
සිද්ධිය සම්බන්ධයෙන් අනුරාධපුර පොලිසියේ නිලධාරීන් කණ්ඩායමක් සිදු කළ දීර්ඝ විමර්ශනයකින් පසු, පසුගිය 17 වැනිදා පණ්ඩුලගම ප්රදේශයේදී සැකකරු අත්අඩංගුවට ගැනීමට හැකි වුණා. අත්අඩංගුවට ගත් පුද්ගලයා සාලියවැව ප්රදේශයේ පදිංචි 54 හැවිරිදි අයෙක් බවයි වාර්තා වන්නේ.
මේ සිද්ධියත් සමඟ පොලිස් මුලස්ථානය මහජනතාවගෙන් විශේෂ ඉල්ලීමක් කරනවා. පොදු ප්රවාහන සේවාවල ගමන් කිරීමේදී හමුවන නාඳුනන පුද්ගලයන් සමඟ අනවශ්ය හිතවත්කම් ඇති කර නොගන්නා ලෙසත්, ඔවුන් ලබා දෙන ආහාර හෝ පාන වර්ග ලබාගැනීමේදී ඉතා බුද්ධිමත්ව කටයුතු කරන ලෙසත් පොලිසිය වැඩිදුරටත් අවධාරණය කරනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
