පියෙකු බලා සිටියදීම මහවැලි නදිය සිදුකළ අභිරහස් පැහැරගැනීම! එකම පවුලේ සහෝදරයින් තිදෙනාට මොකද වුණේ? - Social Story,water Accident - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Apr

පියෙකු බලා සිටියදීම මහවැලි නදිය සිදුකළ අභිරහස් පැහැරගැනීම! එකම පවුලේ සහෝදරයින් තිදෙනාට මොකද වුණේ?

1,170 Views

ලංකාවම අවුරුදු සිරියෙන් ඇළලී ගිය මොහොතක, ඊයේ (14) පස්වරුව මුළු රටම කම්පා කරවන මරණයේ හෝරාවක් බවට පත්වුණා. මහවැලි ගඟේ සහ හබරාදූව මුහුදු තීරයේ එකම වෙලාවක ක්‍රියාත්මක වූ "දිය රකුසා" තරුණ ජීවිත කිහිපයක්ම එකවර බිලිගෙන ඇති බවයි වාර්තා වෙන්නේ.

සේරුනුවර, සෝමාවතිය රක්ෂිතය මැදින් ගලා බසින මහවැලි ගඟේ දිය නෑමට ගිය එකම පවුලේ සහෝදරයින් තිදෙනෙකුට සිදු වූ දෙයක් අදහාගත නොහැකියි.

මහින්දපුර ප්‍රදේශයේ පදිංචි 24, 34 සහ 35 හැවිරිදි වියේ පසු වූ මෙම තරුණයින් තිදෙනා, තම පියා සහ තවත් සහෝදරයෙකු සමඟ දිය නාමින් සිටියදී එකවරම දිය යටට ඇදී ගොස් තිබෙනවා. ඇසිපිය හෙලන සැණින් සිදු වූ මෙම අතුරුදන් වීමෙන් පියා සහ අනෙක් සහෝදරයා දැඩි කම්පනයට පත්ව ඇති අතර, අතුරුදන් වූ තිදෙනා ගැන මෙතෙක් කිසිදු තොරතුරක් නැහැ.

මේ අතර, කටුනායක ප්‍රදේශයේ සිට හබරාදූවට විනෝද චාරිකාවක් ආ තරුණයින් පිරිසකටත් මුහුදේදී අත්වූයේ බිහිසුණු ඉරණමක්. දිය නෑමට ගිය 21 සහ 26 හැවිරිදි තරුණයින් දෙදෙනෙකු මුහුදු රළට හසුවී ඇති අතර, ප්‍රදේශවාසීන් වහා ක්‍රියාත්මක වී ඔවුන්ව බේරාගෙන රෝහලට ඇතුළත් කළත් ඒ වන විටත් ඔවුන් මෙලොව හැර ගොස් අවසන්.

හබරාදූව සහ සේරුනුවර ප්‍රදේශවලින් ඊයේ වාර්තා වූ මේ දියේ ගිලීම්වලින් පුද්ගලයින් දෙදෙනෙකු මියගොස් තවත් තිදෙනෙකු අතුරුදන්ව ඇති බවයි පොලිස් මාධ්‍ය කොට්ඨාසය සනාථ කරන්නේ.