රාජ්‍ය සේවයේ අලුත් පත්වීම් ගැන විශේෂ ආරංචියක්.. - Socal Story - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Mar

රාජ්‍ය සේවයේ අලුත් පත්වීම් ගැන විශේෂ ආරංචියක්..

17 Views

මෙම පත්වීම් පිළිබඳව ගොඩක් දෙනෙක් දැනගන්න කැමැත්තෙන් ඇති.. මේ කියන්න යන්නේ අන්න ඒ ගැන ඇසෙන කතාවයි..

රාජ්‍ය සේවයේ ආයතනවල පවතින පුරප්පාඩු සඳහා 5882ක් බඳවා ගැනීමට කැබිනට් අනුමැතිය හිමිව තිබෙනවා... ඒ අනුව ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යාංශයට 909ක්, කාන්තා සහ ළමා කටයුතු අමාත්‍යාංශයට 109ක්, පරිසර අමාත්‍යාංශයට 144ක්, මහජන ආරක්ෂක සහ පාර්ලිමේන්තු කටයුතු අමාත්‍යාංශයට 2500ක්, අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍යාංශයට 22ක්, විද්‍යා හා තාක්ෂණ අමාත්‍යාංශයට 03ක්, මුදල්, ක්‍රමසම්පාදන සහ ආර්ථික සංවර්ධන අමාත්‍යාංශයට 185ක්, ධීවර, ජලජ සහ සාගර සම්පත් අමාත්‍යාංශයට 20ක්, රාජ්‍ය පරිපාලන, පළාත් සභා සහ පළාත් පාලන අමාත්‍යාංශයට 1615ක්, මධ්‍යම පළාත් සභාවට 72ක් සහ ඌව පළාත් සභාවට 303ක් ලෙස 5882ක් බඳවාගන්නා බව කැබිනට් ප්‍රකාශක, ඇමැති, වෛද්‍ය නලින්ද ජයතිස්ස පැවසුවා..

රජයේ ප්‍රවෘත්ති දෙපාර්තමේන්තුවේදී ඊයේ (11) පැවැති කැබිනට් තීරණ දැනුම්දීමේ මාධ්‍ය හමුවේදී ඇමැතිවරයා මේ බව සඳහන් කළ අතර, රාජ්‍ය සේවයේ බඳවාගැනීම් ක්‍රියාවලිය සමාලෝචනය කරමින් අවශ්‍යතා, ප්‍රමුඛතා හා කාලරාමු හඳුනාගෙන ඒ ආශ්‍රිතව අත්‍යවශයෙන්ම සිදු කළ යුතු බඳවා ගැනීම් ප්‍රමාණයන් සම්බන්ධයෙන් අවශ්‍ය පියවර ගැනීම සඳහා අගමැති ලේකම්වරයාගේ ප්‍රධානත්වයෙන් නිලධාරී කමිටුවක් 2024-12-30 වැනි දින පැවැති ඇමැති මණ්ඩල රැස්වීමේදී අනුමැතිය ලබාදී ඇති බව හෙතෙම පැවසුවා..

එම කමිටුව වෙත ඒ ඒ අමාත්‍යාංශය විසින් එම අමාත්‍යාංශය යටතේ පවතින දෙපාර්තමේන්තු සහ අනෙකුත් ආයතනවල පවතින තනතුරු පුරප්පාඩු සම්පූර්ණ කිරීම සඳහා ඉදිරිපත් කරන ලද ඉල්ලීම් සැලකිල්ලට ගෙන, කමිටුව විසින් නිර්දේශ කරන ලද පහත සඳහන් බඳවා ගැනීම් සිදු කිරීමට අදාළ අමාත්‍යාංශ සහ ආයතන වෙත අනුමැතිය ලබාදීමට අගමැතිනි, ආචාර්ය හරිනි අමරසූරිය මෙණෙවිය ඉදිරිපත් කළ යෝජනාවට ඇමැති මණ්ඩලයේ අනුමැතිය හිමිවූ බව ඇමැතිවරයා පැවසුවා...

දිනමිණ පුවත්පත ඇසුරෙන්..