පණ නැතිවූ කේට් නිසා රජ මැදුර ගිණියම් වෙයි !!! - Kate's Cartoon Story - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Aug

පණ නැතිවූ කේට් නිසා රජ මැදුර ගිණියම් වෙයි !!!

3 Views

ඉස්කෝලේ ඇරිලා ගෙදර ආව ගමන් වත්ත පහලට ගිහින් ලෙලි යන්න සෙල්ලම් කරලා හවස 5 වෙද්දි ඇග පත හෝද ගෙන රූපවාහිනිය ඉස්සරහට ඇවිත් අපි බැලූවෙ කාටුන්. දැන් උදේට වැඩට යන ගමන් පාර අයිනේ තියෙන පත්තර ලෑල්ලෙන් පත්තරයක් අරන් Headline ටික කියවන ගමන්ම අපි බලන්නෙත් කාටුන්. බැරිම වුණොත් රූපවාහිනියෙන් පත්තර පෙන්නද්දි පත්තර කාටුන් ටිකත් බලා ගන්නවා.

එහෙම බලද්දි පොඩි කාලෙ වගේම මේ කාලෙත් කාටුන් බලන්න අපිට තියෙන ආසාව නං එහෙම්මයිනේ. වෙනසකට තියෙන්නේ පොඩි කාලේ බලපු කාටුන් වල හිටියේ වීරයෝ, මේ කාලේ බලන පත්තර කාටුන් වල ඉන්නේ ජෝකර්ලා. පත්තර කාටුන් එකක් අදිනවට වඩා අද වෙද්දි පත්තර කාටුන් එකකට මූණ දාගන්න හරි අමාරුයි. මොකද හැමෝම චාලි චැප්ලින්ලා වෙලානේ.

හැබැයි දැන් ඔන්න එකපාරටම ඒ කාටුන් අතරට අලූත්ම අලූත් රාජකීය මූණක් එකතු වෙලා. කිසිම විශේෂ කතාවක් නොකර, සිදුවීමක් නැතුව, මූණක් කාටුන් වෙනවා කියන්නේ සෙල්ලමක් නෙවෙයි. අනික රාජකීය මූණක් එහෙම වෙන්න කොහෙත්ම ඉඩක් නැහැ.

ඒ වෙන්න බැරි දේ කරේ චිත්‍ර ශිල්පී Alexsandro Palombo. ඔහු එංගලන්ත රජ පවුලේ නම්බුව කාටුන් එක්ක කරා. එකක් ඇදලා නැවැත්තුව නං කමක් නෑ 50ක්ම ඇන්දා. ඒ ඇදලා නැවැත්තුවනං අවුලක් නෑ, ඒත් ඔන්න අන්තරජාලයටත් ඒ කාටුන් ටික දාලා රජ මාලිගයටත් භාර දීලා.

එංගලන්තේ රජ පවුලේ නම්බුව කියන්නේ කේට් කුමරියට. හැබැයි ඇයගේ මේ කාටුන් දැක්කම ගොඩක් අයගේ තරහා නිකංම යට ගියා. මොකද බකිං හැම් මාලිගාවෙ සිරිදෙව් දුවගේ මෙහෙම ලස්සන කාටුන් එකක් කවුරුත් දැකලා තිබුණෙ නෑනේ. අනික ඉතිං තරහා ගියා කියලා මොකද, Alexsandro ගේ හිස ගසා දාන්නයෑ.

කේට් කුමරිය රජ පවුලේ කොටස්කාරයෙක් වුනු දවසේ ඉදලාම ඇන්ද විශේෂ ඇදුම්, තොප්පි, සපත්තු මේ කාටුන් වලින් බලා ගන්න පුලූවන්. කාටුන් පසුබිමට අරං තියෙන්නේ බකිං හැම් මාලිගාව. වැඬේ කියන්නේ සමහර කාටූන් වල රැජිනත් කේට් එක්ක කාටුන් වෙලා.
දැන් එහෙනං ඔබත් කේට් කුමරියගේ අති විශෙෂ පණ නැති ඡායාරූප, ඒ කිව්වෙ මේ කාටුන් ටික බලන්න. ඔබට හිනා ගියාට මොකද රාජ උදහසට නං ලක් වෙන්නේ නෑ ෂුවර්...