134 Views
කඳුකර ප්රදේශවල පවතින අයහපත් කාලගුණික තත්ත්වයත් එක්ක, තමන්ගේ දෛනික ජීවනෝපාය වෙනුවෙන් මහා වැස්සේ කට්ට කන අහිංසක වතු කම්කරු ජනතාව මුහුණ දෙන අවදානම පසක් කරන තවත් බිහිසුණු අනතුරක් බගවන්තලාව ප්රදේශයෙන් වාර්තා වෙනවා.
සුපුරුදු පරිදි උදෑසන තේ වත්තේ වැඩට යමින් සිටි වතු කම්කරු කාන්තාවක්, පාලමක් මතින් ගමන් කරමින් සිටියදී එක්වරම පාලම අසළින් අඩි 30ක් විතර ගැඹුරු ප්රපාතයකට ඇද වැටී බරපතල තුවාල ලබා තිබෙනවා.
මෙසේ අනතුරට මුහුණ දී තිබෙන්නේ බගවන්තලාව, කොටියාගල වතුයායේ පදිංචි 72 හැවිරිදි වයෝවෘද්ධ මවක්. මේ දිනවල බගවන්තලාව ප්රදේශයේ පවතින අධික වර්ෂාව සහ අයහපත් කාලගුණයත් එක්ක ඇය පාලම පසු කරන්න හදද්දීමයි මේ අනපේක්ෂිත අනතුරට මුහුණ දීලා තියෙන්නේ.
ඇය එක්වරම පාලම අසළින් පහළ ප්රපාතයට ඇදවැටෙනවා දුටු අවට සිටි අනෙකුත් වතුකම්කරුවන් වහාම ක්රියාත්මක වෙලා, මහත් පරිශ්රමයක් දරලා ඇයව ප්රපාතයෙන් ගොඩට ගෙන වහාම රෝහල් ගත කරන්න කටයුතු කර තිබෙනවා.
අනතුරින් බරපතල තුවාල ලැබූ ඇයව මුලින්ම ඇතුළත් කර තිබුණේ බගවන්තලාව ප්රාදේශීය රෝහලටයි. එහිදී මූලික ප්රතිකාර කිරීමෙන් අනතුරුව, තත්ත්වය බරපතල බැවින් ඇයව වැඩිදුර ප්රතිකාර සඳහා දික්ඔය මූලික රෝහල වෙත මාරු කර යැවූ බව බගවන්තලාව රෝහලේ දිස්ත්රික් වෛද්ය නිලධාරී ඒ.එස්.කේ.ජයසූරිය මහතා පවසා සිටිනවා.
Make a Comment
Make a Comment..
Follow Us
මෙන්න බලන්න තවත් ගොසිප්
"කුණාටුවෙන් මුළු ගෙදරම පස්වලට යට වුණා..." හිතේ හයියයි කැපවීමයි තියෙනවා නම් මොනවද කරන්න බැරි...
1,598 Views
"පොඩ්ඩක්වත් බයවෙන්න එපා මචං, උඹව වැටෙන්න දෙන්නෑ..." කන්ද උඩදී මරණ බය දැනුණු යාළුවව බේරගත්තු නියම යාළුවෝ ටික
1,853 Views
Hot Gossip
Recent Gossip Post
Follow Us
නැගලා යන ගොසිප්
