හෝටලයක මෙට්ටයකට ගිනි... සිහිසුන් ව කාමරය තුළ වැටි සිටි දරුවන් රෝහලට ඇතුළත් කළ පසු ජීවිතක්ෂයට.. - News Artical - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

May

හෝටලයක මෙට්ටයකට ගිනි... සිහිසුන් ව කාමරය තුළ වැටි සිටි දරුවන් රෝහලට ඇතුළත් කළ පසු ජීවිතක්ෂයට..

1,092 Views

ඔවුන් ඒ ලැගුම්හලේ නවාතැන් ගත්තේ, පිළිකාවෙන් දුක් විඳින සිය මව බැලීමටයි.. දොරගුළු ලා තිබූ කාමරයේ ඇතිවූ ගින්න නිසා දරුවන් සිහිසුන් වෙයි.

නොසිතූ නිමේෂයක ජීවිතයක් අහිමි වුණු ඒ සිද්ධිය ගැන ඇසෙන කතාව මෙන්න..

මඩකලපුව නගරයේ පිහිටි හෝටල් කාමරයක තිබූ මෙට්ටයක් ගිනිගෙන ඉන් පිටවූ අධික දුම ආශ්වාස වීම හේතුවෙන් කුඩා දරුවන් දෙදෙනෙකු අවාසනාවන්ත ලෙස ජීවිතක්ෂයට පත් වූ පුවතක් පිළිබඳව තොරතුරු වාර්තා වෙනවා.

මෙලෙස ජීවිතක්ෂයට පත්ව ඇත්තේ අවුරුදු 03ක පිරිමි දරුවෙකු සහ අවුරුදු 05ක ගැහැණු දරුවෙක්.

දරුවන් දෙදෙනා සිය පියා සමඟ මෙම ලැඟුම්හලේ නවාතැන් ගෙන ඇත්තේ පිළිකා රෝගය හේතුවෙන් කාත්තන්කුඩි ප්‍රදේශයේ රෝහලක නේවාසිකව ප්‍රතිකාර ලබා ගන්නා සිය මව බැලීමට යෑමේ අරමුණින්.

පස්වරු දෙකට පමණ පියා මත්පැන් පානය කිරිම සදහා එම ලැගුම්හලේ පිහිටි තැබෑරුම වෙත ගොස් ඇත්තේ දරුවන් දෙදෙන කාමරය තුළ රදවා පිටතින් අගුලු දමා බවයි වාර්තා වෙන්නේ.

පසුව පියා මත්පැන් පානය කිරීමෙන් අනතුරුව නැවත කාමරව වෙත ගොස් ඇති අතර ඒම අවස්ථාවේ දී කාමරයේ ගින්නක් ඇති වී ඇති බව නිරීක්ෂණය වි තිබෙනවා.

දරුවන් දෙදෙනා සිහිසුන් ව කාමරය තුළ වැටි ඇති බවට දර්ශනය විමෙන් අනතුරුව පියා විසින් දරුවන් දෙදෙනා මඩකලපුව මූලික රෝහල වෙත ඇතුළත් කිරිමෙන් අනතුරුව ජීවිතක්ෂයට පත්ව ඇති බවයි වාර්තා වෙන්නේ.

මෙසේ කාමරය තුළ හටගත් ගින්න හෝටලයේ සේවකයින් විසින් මැඩ පවත්වා ඇති අතර ඇති වූ ගින්නට හේතුව මෙතෙක් ආණාවරණය වී නැහැ.

මේ සම්බන්ධව වැඩිදුර විමර්ශන මඩකලපුව පොලිස් ස්ථානය මගින් හා අපරාධ ස්ථානිය පරික්ෂන කාණ්ඩායම් විසින් සිදුකරන අතර මියගිය දරුවන් දෙදෙනාගේ මළ සිරුරු මේ වන විට මඩකලපුව මුලික රෝහලේ තැන්පත් කර තිබෙනවා.