May
28
149 Views
අලුත්ගම, මොරගල්ල ප්රදේශයේ දී පුද්ගලයෙකුට කඩුවකින් අමානුෂික ලෙස පහර දීලා, ඔහුගේ ත්රිරෝද රථයටත් ගිනි තබා විනාශ කරපු චන්ඩි සෙල්ලමකට සම්බන්ධ ප්රධාන සැකකරුවන් දෙදෙනෙක් අද (28) අලුත්ගම පොලිසිය මඟින් අත්අඩංගුවට ගෙන තිබෙනවා.
පොලිසිය සැක කරන්නේ මේ දරුණු ප්රහාරයට හේතුව දෙපාර්ශවය අතර කලක සිට පැවති පැරණි කෝන්තරයක් බවයි. කල් යල් බලමින් ඉඳලා මඟ රැක සිටි මේ සැකකරුවන්, තමන්ගේ හතුරාව කොටු කරගෙන කඩුවලින් ඇඟ කිලිපොලා යන විදිහට කොටා බරපතළ තුවාල සිදු කර තිබෙනවා.
ප්රහාරයෙන් පස්සෙත් චණ්ඩිකම නතර කරපු නැති මේ කල්ලිය, තුවාලකරු පැමිණි ත්රිරෝද රථයටත් පෙට්රල් දමා ගිනි තබා මුළුමනින්ම විනාශ කර පළා ගොස් තිබුණේ ප්රදේශයේ ලොකු භීෂණයක් මවමින්.
සිද්ධිය සැලවුණු සැනින් ක්රියාත්මක වුණු අලුත්ගම පොලිස් ස්ථානාධිපතිවරයා ඇතුළු අපරාධ විමර්ශන අංශයේ නිලධාරීන් විශේෂ මෙහෙයුමක් දියත් කළා. එහි ප්රතිඵලයක් විදිහට තමයි මොරගල්ල සහ බලපිටිය යන ප්රදේශවල පදිංචි මේ දරුණු සැකකරුවන් දෙදෙනාව අද දවසේදීම කොටු කරගැනීමට පොලිසියට හැකිවුණේ.
කඩු ප්රහාරයට ලක්වුණු අහිංසක පුද්ගලයා මේ වන විටත් ඉතාමත් බරපතළ තත්ත්වයෙන් රෝහල්ගතව ප්රතිකාර ලබනවා. අත්අඩංගුවට ගත් සැකකරුවන් දෙදෙනාව කඩිනමින් අධිකරණයට ඉදිරිපත් කිරීමට නියමිතයි.
Make a Comment
Make a Comment..
Follow Us
මෙන්න බලන්න තවත් ගොසිප්
නීති හැදුවත් වැඩක් නෑ, මිල සූත්රය තාම පොතේ විතරයි! කුලී රථවලින් මගීන්ව හූරාගෙන කන හැටි මෙන්න!
402 Views
යුරෝපා සංචාරකයින් අනිවාර්යයෙන්ම දැනගත යුතු අලුත්ම රේගු නීති... Fake බඩුවලට ඇත්තටම දඩ ගහනවාද?
858 Views
ලෝකෙටම අලුත් අභිරහස් ජීවියා කවුද? දුම්බර කඳු වැටියෙන් ලංකාවේ මහාචාර්යවරුන් සොයාගත් විස්මිත සතා මෙන්න!
1,112 Views
Hot Gossip
Recent Gossip Post
Follow Us
නැගලා යන ගොසිප්
