කැරට්, බෝංචි දැන් රත්තරන් වගේ... එළවළු මිල ගණන් දැක්කම ඇස් උඩ යනවා!අලුත් ම විස්තරේ මෙන්න... - Social Story - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

May

කැරට්, බෝංචි දැන් රත්තරන් වගේ... එළවළු මිල ගණන් දැක්කම ඇස් උඩ යනවා!අලුත් ම විස්තරේ මෙන්න...

290 Views

දිනෙන් දින ඉහළ යන ජීවන වියදම හමුවේ පීඩාවට පත්ව සිටින පාරිභෝගික ජනතාවට තවත් හෙන ගෙඩියක් පාත් කරමින්, වෙළඳපොලේ එළවළු මිල යළිත් සීඝ්‍රයෙන් ඉහළ ගොස් තිබෙනවා. දැන් එළවළු කඩේට යන්න වෙන්නෙත් පර්ස් එක විතරක් නෙවෙයි, හිතත් හයිය කරගෙනයි!

නුවරඑළිය ආර්ථික මධ්‍යස්ථානයෙන් ලැබෙන තොරතුරු අනුව, මේ දිනවල වෙළඳපොළට ලැබෙන එළවළු ප්‍රමාණය විශාල ලෙස අඩු වී තිබෙනවා. "ඉල්ලුමට සරිලන සැපයුමක් නැති නිසා මිල පාලනය කරන්න බැහැ" යනුවෙන් එහි නිලධාරියෙකු අදහස් දක්වා සිටියා.

අද වෙළඳපොලේ අහස උසට ගිය මිල ගණන් මෙන්න,
සාක්කුවට ටිකක් අමාරු වුණත්, අද වෙළඳපොලේ එළවළු අලෙවි වන සිල්ලර මිල ගණන් පහතින් බලන්න,
බෝංචි කිලෝව- රුපියල් 500/-
කැරට් කිලෝව- රුපියල් 450/-
මාළු මිරිස් කිලෝව- රුපියල් 400/-
ලීක්ස් කිලෝව- රුපියල් 300/-
ගෝවා කිලෝව- රුපියල් 200/-

කැරට්, බෝංචි වැනි එළවළු කිලෝවක් රුපියල් 400-500 සීමාවට පැමිණීමත් සමඟ සාමාන්‍ය පවුලක දෛනික කෑම වේල පිරිමසා ගැනීම දැඩි අර්බුදයකට ලක්ව තිබෙනවා. "දැන් එළවළු ගන්නේ කිලෝ ගණන් නෙවෙයි, ග්‍රෑම් 100-200 ප්‍රමාණයට" යැයි පාරිභෝගිකයන් මැසිවිලි නගනවා.

මෙම මිල ඉහළ යාම උඩරට එළවළු වලට පමණක් නොව, පහතරට එළවළු වර්ග වලටත් පොදුවී තිබීම විශේෂත්වයක්. ඉදිරි දින කිහිපය තුළ සැපයුම යථා තත්ත්වයට පත් නොවුවහොත් මිල තවත් ඉහළ යා හැකි බවටයි වෙළඳපොළ ආරංචි මාර්ග පවසන්නේ.