ඒ අනුව වත්මන් නායක සූර්යකුමාර් යාදව්ව එම ධුරයෙන් ඉවත් කර, ඒ වෙනුවට ශ්රෙයාස් අයියර් පත් කිරීමට BCCI සූදානම් වන බවයි දැනගන්නට ලැබෙන්නේ.
පසුගිය වසර කිහිපය තුළ ඉන්දීය විස්සයි-20 කණ්ඩායම සාර්ථකත්වයේ ඉහළටම රැගෙන ගියද, සූර්යකුමාර්ගේ පෞද්ගලික පිතිකරණ දක්ෂතා මේ වන විට දැඩි ලෙස පහත වැටී තිබීම තේරීම් කමිටුවේ දැඩි දෝෂදර්ශනයට ලක්ව ඇත. මෙවර IPL තරගාවලියේදී මුම්බායි ඉන්ඩියන්ස් වෙනුවෙන් ක්රීඩා කරමින් ඔහු තරග 10කදී ලබාගෙන ඇත්තේ ලකුණු 195ක් පමණි.
ඔහු කලක සිට සිය මැණික් කටුවේ ආබාධයකින් පීඩා විඳින බවත්, වේදනා නාශක සහ වෙළුම් පටි (tapes) ආධාරයෙන් ඉතා අපහසුවෙන් ක්රීඩා කරන බවත් NDTV වාර්තාවල සඳහන් වේ.
"අගාකාර් ප්රමුඛ තේරීම් කමිටුවේ ඉවසීම දැන් සීමා වෙලා. සූර්යාගේ නායකත්වය හොඳ වුණත්, ඔහුට ලකුණු අතරට එන්න බැරි වීම ලොකු ප්රශ්නයක්." - Times of India වාර්තාවක් ඇසුරින්.
ශ්රෙයාස් අයියර් මෙවර IPL තරගාවලියේදී පංජාබ් කිංග්ස් (PBKS) කණ්ඩායම මෙහෙයවූ ආකාරය BCCI නිලධාරීන්ගේ විශේෂ ඇගයීමට ලක්ව ඇත. ඔහුගේ තීරණ ගැනීමේ හැකියාව සහ කණ්ඩායම ජයග්රාහී මාවතකට ගෙන ඒම නිසා ඔහු ඉන්දියාවේ මීළඟ සීමිත පන්දුවාර නායකයා වීමට වැඩිම ඉඩක් ඇති බව පැවසේ.
IPL තරගාවලිය අවසානයත් සමඟ පැවැත්වෙන අයර්ලන්ත සහ එංගලන්ත සංචාර සඳහා නව නායකයෙකු යටතේ නවක තරුණ ක්රීඩකයින් රැසක් හඳුන්වා දීමටද සැලසුම් කර ඇත. සූර්යකුමාර් යාදව්ට නායකත්වය පමණක් නොව, ඔහුගේ වත්මන් දක්ෂතා මත සංචිතයේ ස්ථානය පවා අහිමි වීමේ අවදානමක් මතුව තිබීම විශේෂත්වයකි.