6 Views
දුප්පත්ව ඉපදීම වරදක් නොවේ. නමුත් දුප්පත්ව මියයනවානම් ඒක වරදක් කියලා සමාජයේ කතාබහක් තියෙනවා. ජීවිතේ දිනන්න හැම සැපසම්පතක්ම ළග තියෙන්න ඕනේ නෑ.
අපි එහෙම කියන්න හිතුවේ අඩු පහසුකම් තිබිලා ඉතාමත් දුෂ්කර විදිහට අධ්යාපනය ලබන පාසලක දරුවෝ පිරිසක් කරපු හපන්කමක් නිසා.
සබරගමුව රුවන්වැල්ලේ තියෙන කොටළුගොඩලන්ද කණිෂ්ඨ විද්යාලයේ ඉගෙනුම ලබන්නේ දරුවන් 122 ක් පමණයි.
මේ පාසලේ එකම පංතියක ඉන්න දරුවෝ 10 දෙනෙක් එකතු වෙලා හදපු වොලිබෝල් ටීම් එක ලංකාවෙන්ම තුන්වැනි ස්ථානය දිනාගත්තා කියපු ආරංචිය නිසා අපි මේ පාසල හොයාගෙන රුවන්වැල්ලට ගියා.
සමස්ත ලංකා ඩී.එස්.අයි.සුපර් ස්පෝට් වොලිබෝල් තරගාවලියේ තුන්වැනි ස්ථානය මේ දරුවෝ ටික අරගෙන තියෙන්නේ ක්රීඩා පුහුණුවීම් කරන්න බෝලයක්වත් නැතිව අඩුපාඩු ගොඩක් මැද.
ගෙවල්වලට ගිහින් සල්ලි එකතු කරලා වොලිබෝලයක් අරගෙන තමයි මේ අය තමන්ගේ පුහුණුවීම් කරලා තියෙන්නේ. ඒ විදිහට ක්රීඩාවෙන් ජයගන්න මේ දරුවන්ට අත්වැලක් වෙන්නේ පුහුණුකරු විදිහට කටයුතු කරන හෙන්රි පීරිස් විදුහල්පතිතුමායි.
මොන තරම් දුෂ්කරතා තිබ්බත් පාසලේ මේ දරුවන්ට උගන්වන්න හැම ගුරුවරයෙක්ම ලොකු වෙහෙසක් ගන්නවා. ක්රීඩාවට වගේම තමන්ගේ අධ්යාපන කටයුතුත් නිසියාකාරව කරන්න මේ දරුවෝ අමතක කරලා නැහැ.
එකම පංතියේ ඉන්න දරුවෝ ටික එකතුවෙලා ලංකාවෙන්ම තුන්වැනි තැන හිමිකරගත්ත මේ අයට ක්රීඩාව වැඩිදියුණු කරගන්න අතහිත ලැබෙනවානම් මීටත් වඩා ජයක් ලබාගන්න පුළුවන් වේවි කියලයි ඔවුන් කිව්වේ.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
