ඇල්පිටිය මහපාරේ දෙනෝදාහක් මැද චිකාගෝ ක්‍රමයට තරුණයින් දෙදෙනෙක් වෙඩි තබා ඝාතනය කළ හැටි - වීඩියෝ - Two Boys Killed In Elpitiya - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Nov

ඇල්පිටිය මහපාරේ දෙනෝදාහක් මැද චිකාගෝ ක්‍රමයට තරුණයින් දෙදෙනෙක් වෙඩි තබා ඝාතනය කළ හැටි - වීඩියෝ

36 Views

‘‘දිගට හරහට වෙඩි 9ක් තියලා‘‘
‘‘පරණ කෝන්තරයක් ඉවර කරන්න ඇවිත්‘‘
‘‘ඉස්සර වෙලා පොලිසියේ ලොක්කාව කන්න ඕනි ‘‘ - අක්කා

මේ වන විට දිවයින පුරා සිදුවන දරුණු ඝනයේ අපරාධ රැසක් පිළිබඳව අපට අසන්නට දකින්නට ලැබෙනවා. ඒ අයුරින් ඊයේ (03) දිනයේ උදෑසන ඇල්පිටිය ප්‍රදේශයේදී තරුණියන් දෙදෙනෙකු මහමඟ වෙඩි තබා ඝාතනය කර තිබුණා. ඔවුන් මෙලෙස ඝාතනය කර ඇත්තේ කාලයක් තිස්සේ පැවති පෞද්ගලික ආරවුලක් මත බව මේ වනවිට අනාවරණ වී තිබෙනවා.

ඌරගස්මංහන්දිය - රන්තොටුවිල ප්‍රදේශයේදී ඊයේ උදෑසන 9 යි 15 ට පමණ යතුරුපැදියකින් ගමන් ගත් මෙම තරුණයන් දෙදෙනාට තවත් පුද්ගලයන් දෙදෙනෙකු වෙඩි තබා පළාගොස් තිබුණා. සිද්ධියෙන් මිය ගොස් තිබුණේ අවුරුදු 23ක සහ 24ක තරුණයන් දෙදෙනෙක්. ඔවුන් ඌරගස්මංහන්දිය - රන්තොටුවිල ඉහළමාලාව ප්‍රදේශයේම පදිංචිකරුවන්.

මෙම ඝාතනයට හේතුව පැරණි කෝන්තරයක් බවටත්, මෙලෙස වෙඩි තබා ඇත්තේ ඔවුන් පදිංචි ප්‍රදේශයේම තරුණයන් දෙදෙනකු බවත් ඊයේ (03) සිද්ධිය සිදු වූ අවස්ථාවේම ‍පොලිසියට තොරතුරු ලැබි තිබුණි. මොවුන් දෙපිරිසම එකට සිට ඇති අතර පසුගිය කාලයේ ඇති වූ ගැටමුක් හේතුවෙන් මෙම ඝාතනය සිදුව ඇතැයි සඳහන් වේ. මියගිය මෙම තරුණයන් දෙදෙනා අවිවාහක අය වන අතර ඔවුන් සිය නිවසේ සිට සේවා ස්ථානයට යමින් සිටියදී නිවස අසල සිට මීටර් 100 ක් පමණ දුරින් යතුරුපැදියෙන් ගමන් ගනිද්දී මෙම වෙඩි තැබිම සිදුව තිබේ. මිලිමීටර් 9 ගිනි අවියකින් මෙම වෙඩි තැබිම කර ඇතැයි මූලික ‍පොලිස් විමර්ශනවලදී අනාවරණය වී ඇත.

මියගිය එක් අයකුගේ සහෝදරියක් මෙසේ කියා සිටියාය.

“ඔය කොල්ලොත් එක්ක අපේ මල්ලිලා රණ්ඩුවක් වෙලා තියෙනවා. ගල්‍පොත්තවෙල පිට්ටනියේදී සෙල්ලම් කරද්දී ඒ ගැටුම ඇති වෙලා තියෙන්නේ. අපේ මල්ලිගේ අතකටත් පිහියෙන් ඇනලා තිබුණා. අපි ‍පොලිසියට කතා කළත් ‍පොලිසිය ආවේ නැහැ. එතනට තුවක්කු අරගෙන ආපු කිසි කෙනෙක් ‍පොලිසියට අත්අඩංගුවට ගත්තේ නැහැ” යැයි ඇය කියා සිටියාය.

කෙසේ වෙතත් සිද්ධිය සම්බන්ධයෙන් පොලීසිය තවමත් කිසිවෙකුත් අත්අඩංගුවට ගෙන නැහැ.