192 Views
ඔබේ ප්රදේශයේ අධික ශබ්දයෙන් සින්දු දමා මහජනතාවට, ළදරුවන්ට සහ ලෙඩින් ඉන්න අයට බාධා කරන අයට එරෙහිව නීතිය ක්රියාත්මක කිරීමට ශ්රී ලංකා පොලීසිය තීරණය කර තිබෙනවා.
අධික ශබ්ද විකාශන යන්ත්ර සහ ඇම්ප්ලිෆයර් භාවිතය නිසා මහජනතාව මුහුණදෙන සෞඛ්ය හා මානසික ගැටලු සැලකිල්ලට ගනිමින් පොලිස් මාධ්ය කොට්ඨාසය විසින් මෙම විශේෂ මාධ්ය නිවේදනය නිකුත් කර ඇති බවයි වාර්තා වන්නේ.
ශ්රේෂ්ඨාධිකරණ නඩු අංක 38/2005 දරන නියෝගයට අනුව, මහජනතාවට පීඩාවක් වන පරිදි ශබ්ද උපකරණ භාවිත කිරීම දණ්ඩ නීති සංග්රහයේ 261 වන වගන්තිය යටතේ "මහජන පීඩාවක්" ලෙස සලකා නීතිමය ක්රියාමාර්ග ගැනීමට පොලීසියට සම්පූර්ණ බලතල හිමිව තිබෙනවා.
ශබ්ද විකාශන යන්ත්ර භාවිතය සඳහා අවසර ලබාදීම.
* පොලිස් ආඥාපනතේ ප්රතිපාදන යටතේ ශබ්ද විකාශන යන්ත්ර හෝ ශබ්දය වැඩි කිරීම සඳහා භාවිත කරන වෙනත් උපකරණ භාවිත කිරීමට අවසර ලබාදීම සම්බන්ධයෙන් ශ්රේෂ්ඨාධිකරණය විසින් විශේෂ උපදෙස් ලබාදී ඇත.
* ඒ අනුව, රාත්රී 10.00 සිට පසු දින පෙරවරු 06.00 දක්වා කාලය සඳහා ශබ්ද ටිකාශන යන්ත්ර භාවිත කිරීමට අවසර ලබා නොදිය යුතු අතර, ආගමික කටයුතු හෝ විශේෂ අවස්ථා සම්බන්ධයෙන් අදාල කරුණු සලකා බලා නීතියට අනුකූලව අවසර ලබාදිය හැකිය.
* අදාල බලපත්රය නිකුත් කර ඇති අවස්ථාවලදී, බලපත්රයේ සඳහන් දිනය, වේලාව සහ අනෙකුත් සියලුම කොන්දේසි වලට දැඩිව අනුගත විය යුතුය.
අවසර ලබාදී ඇති අවස්ථා වලදී අදාළ කාල සීමා
* අදාල පොලිස් අවසරය ලබාගෙන ඇති අවස්ථාවක, අවසර පත්රයේ සඳහන් කොන්දේසිවලට යටත්ව පහත කාල සීමාවන් තුළ ශබ්ද විකාශන යන්ත්ර භාවිතකිරීමට අවසර ලබාදී ඇති අවස්ථා තිබිය හැකිය.
සඳුදා සිට බ්රහස්පතින්දා දක්වා - රාත්රී 10.00 දක්වා
සිකුරාදා සහ සෙනසුරාදා - අලුයම 01.00 දක්වා
ඉරිදා - අලුයම 12.30 දක්වා
* මෙම වේලාවන් බලපත්රලාභීන්ට ස්වයංක්රියට හිමිවන අයිතියක් නොවන අතර, අදාල අවස්ථාව සඳහා පොලිසිය විසින් නිකුත් කර ඇති බලපත්රයේ සඳහන් කොන්දේසි සහ අවසරයට යටන්ට පමණක් ශබිද විකාශන යන්ත්ර භාවිත කළ යුතුය.
* තවද, අවසරයක් ලබාදී තිබුණ ද, ශබ්දය අදාල පරිශ්රයෙන් පිටතට ගොස් අවට පදිංචිකරුවන්ට හෝ මහජන්තාවට කරදරයක් හෝ අපහසුතාවක් ඇතිවන ආකාරයෙන් ශබ්ද විකාශන යන්ත්ර භාවිත කිරීම නොකළ යුතුය.
* පෙරවරු 06.00 සිට රාත්රී 10.00 දක්වා කාලය තුළ විශේෂ අවස්ථාවක් සඳහා අවසර ලබා දී ඇති අවස්ථාවකදී ද, එම ශබ්දය අදාල පරිශ්රයට සීමා වන ආකාරයෙන් පවත්වා ගෙන යාම සහ අවට ජන්තාවට අනවශ්ය බාධාවක් ඇති නොවන බවට වග බලා ගැනීම අත්යවශ්ය වේ.
* අවසර ලබාදී ඇති අවස්ථාවලදී එහි කොන්දේයි ක්රියාත්මක වන බවට වග බලා ගැනීම සඳහා ප්රමාණවත් පොලිස් නිලධාරීන් යොදවා අධික්ෂණය කිරීමට ද පොලිසිය කටයුතු කරනු ඇත.
* මහජනතාවගෙන් පැමිණිල්ලක් ලැබුණු අවස්ථාවකදී, අදාළ ස්ථානය සම්බන්ධයෙන් පරීක්ෂා කර ශබ්දය මහජන පීඩාවක් හෝ අපහසුතාවක් ඇති කරන බව තහවුරු වුවහොත්, එම ක්රියාව නතර කරන ලෙස අදාල පුද්ගලයන්ට දැනුම් දීමට පොලිසිය කටයුතු කරනු ඇත.
* එම දැනුම් දීම නොතකා අදාල ක්රියාව තවදුරටත් සිදු කරන්නේ නම්, පවතින නීතිමය විධිවිධාන අනුව ශබ්ද උපකරණ පොලිස් භාරයට ගැනීම ඇතුළු අවශ්ය නීතිමය ක්රියා මාර්ග ගැනීමට පොලිසිය කටයුතු කරනු ඇත.
* නීති විරෝධී ලෙස හෝ මහජනතාවට පීඩාවක් වන ආකාරයෙන් අධික ශබ්දයක් නිකුත් කරන අවස්ථාවක් පිළිබඳව කිසියම් පුද්ගලයෙකුට අපහසුතාවක් ඇති වන්නේ නම්, ඒ පිළිබඳව ළඟම ඇති පොලිස් ස්ථානයට හෝ හදිසි ඇමුතුම් අංක 118,119 වෙත දැනුම් දෙන ලෙස ශ්රී ලංකා පොලිසිය මහජනතාවගෙන් ඉල්ලා සිටියි.
මහජන්තාවගේ සාමය, නිදහස සහ දෛනික ජිවිතයට බාධාවක් නොවන පරිදි ශබ්ද විකාශන යන්ත්ර හා ඇම්ප්ලිෆයර් භාවිත කිරීම සියලු දෙනාගේ වගකීමක් වන අතර, අදාළ නීතිමය විධි විධාන සහ අවසර කොන්දේසි උල්ලංඝනය කරන පුද්ගලයන් සම්බන්ධයෙන් නීතියට අනුකූලව අවශ්ය ක්රියාමාර්ග ගනු ලබන බව ශ්රී ලංකා පොලිසිය අවධාරණය කරනවා.
Make a Comment
Make a Comment..
Follow Us
මෙන්න බලන්න තවත් ගොසිප්
ලෝක අවම වේතන ලැයිස්තුවෙන් ශ්රී ලංකාවට 120 වෙනි තැන.... ඉන්දියාවත් ලංකාවට වඩා ගොඩක් ඉස්සරහින්
972 Views
"උදේ පාන්දරම ශනූගෙන් බැනුම් අහන්න දිනේෂ් කරන බ්රෂ් වැඩේ" හිරු හිතක මතක අස්සේ එළියට පැන්න අලුත් ජෝඩුවේ රහස්
1,606 Views
කෝච්චි වැඩ අස්සේ ෆේස්බුක් යන අයට වැඩ වරදී! දුම්රිය දෙපාර්තමේන්තුවෙන් ගත්තු හදිසි තීරණය මෙන්න.
551 Views
Hot Gossip
Recent Gossip Post
Follow Us
නැගලා යන ගොසිප්
