133 Views
පවුල් ආරවුලක් දුරදිග යාමෙන් තම බිරිඳගේ හිසට පොරවකින් පහර දී අමානුෂික ලෙස ඝාතනය කළ සැමියෙකු නුවරඑළිය පොලිසියට භාර වීමේ ඛේදනීය පුවතක් ඊයේ (29) වාර්තා වුණා.
මෙසේ අවාසනාවන්ත ලෙස මරුමුවට පත්ව ඇත්තේ නුවරඑළිය, බොරලන්ද විනයාගපුරම් ප්රදේශයේ පදිංචිව සිටි 43 හැවිරිදි චිත්රා දේවි නැමැති කාන්තාවක්. සිද්ධියට සම්බන්ධ සැකකාර සැමියා 32 හැවිරිදි වියේ පසුවන අයෙක්.
පොලිසියට භාර වෙමින් සැකකරු පවසා ඇත්තේ, දෙදෙනා අතර ඇතිවූ බහින්බස් වීමක් මත කෝපය පාලනය කරගත නොහැකිව තමන් බිරිඳගේ හිසට පොරවෙන් පහර දුන් බවයි. පොරෝ පහරින් බරපතල තුවාල ලබා ලේ විලක් මැද වැටී සිටි ඇයව ප්රදේශවාසීන් වහාම නුවරඑළිය දිස්ත්රික් මහ රෝහලට රැගෙන යාමට කටයුතු කර තිබෙනවා. නමුත් රෝහලට රැගෙන යන අතරමගදී ඇය අවසන් සුසුම් හෙළා ඇති බවයි රෝහල් ආරංචි මාර්ග වැඩිදුරටත් තහවුරු කළේ.
මියගිය කාන්තාවගේ සිරුර පශ්චාත් මරණ පරීක්ෂණය සඳහා මේ වන විට නුවරඑළිය දිස්ත්රික් මහ රෝහලේ තැන්පත් කර තිබෙනවා.
බිරිඳ ඝාතනය කර පොලිසියට කොටුවූ 32 හැවිරිදි සැකකරු අද (30) නුවරඑළිය මහේස්ත්රාත් අධිකරණයට ඉදිරිපත් කිරීමට නියමිත අතර, නුවරඑළිය පොලිසියේ අපරාධ විමර්ශන අංශය මගින් සිද්ධිය සම්බන්ධයෙන් වැඩිදුර පරීක්ෂණ ක්රියාත්මකයි.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
