105 Views
මුළු මහත් දේශයම කඳුළු සයුරක ගිල්වමින්, ‘ජාතියේ යශෝරාවය’ වූ ආචාර්ය විශාරද නන්දා මාලිනිය සදහටම දෙනෙත් පියාගත් ශෝකජනක පුවත අසා මෙරට කලා ක්ෂේත්රයේ සියලු දෙනා දැඩි කම්පනයකට පත්ව සිටිනවා.
ඇගේ නික්මයාම පිළිබඳව මෙරට ප්රවීණ සහ ආදරණීය ගායන ශිල්පී කීර්ති පැස්කුවල් මහතා සිය නිල මුහුණු පොත ඔස්සේ අතිශය හැඟීම්බර හා සංවේදී සටහනක් තබමින් සිය හෘදයාංගම උපහාරය පුද කර තිබුණා.
ඇගේ අසමසම යුග මෙහෙවර සහ ඒ නොමැකෙන මතකයන් සිහිපත් කරමින් ඔහු මෙසේ පවසා තිබුණා..
"නන්දා මාලනි නම් වූ ඇය... මියුරු හඬින් ගැයූ මිනිස් අයිතියේ සහ සෙනෙහසේ මහා කාව්යය....
ශ්රී ලංකීය සංගීත වංශකතාවේ අභිමානවත් පරිච්ඡේදයක් වන විශාරද නන්දා මාලනී යනු හුදු ගායිකාවකට එහා ගිය, මේ ජාතියේ සංස්කෘතික හෘද සාක්ෂියයි. ඇය අපේ කලා ඉතිහාසයට එක් කළ සටහන සදාකාලිකය... එය කිසිදු කලක මැකී යන්නක් නොවේ.
1960 දශකයේ මුල් භාගයේ 'ගලන ගඟකි ජීවිතේ' ගීතයෙන් අපේ සිනමා සංගීතයට අඩිතාලම දැමූ ඇය, එතැන් පටන් දශක හතකට ආසන්න කාලයක් පුරා ලාංකීය සංගීත ක්ෂේත්රයේ ස්වර්ණමය යුගයක් නිර්මාණය කළාය. ඇයගේ හඬින් හැඩවුණු ගීත අපට හුදෙක් සවනට මිහිරක් පමණක්ම නොවූ අතර, ඒවා ජීවිතයේ ගැඹුර, විරහව, සෙනෙහස මෙන්ම සමාජයේ යථාර්ථය කියාපාන ජීවන දර්ශනයන් විය.
'සත්යයේ ගීතය' ප්රසංගයෙන් ඇමතු ප්රේම ගීතාවලිය වගේම විශේෂයෙන්ම, 'පවන' වැනි ප්රාසාංගික ගී එකතු හරහා ඇය මෙරට සමාජ-දේශපාලන ගමන් මඟේ අසාධාරණයට එරෙහිව කතා කරන ප්රබල හඬක් බවට පත් වූවාය. සාමාන්ය මිනිසුන්ගේ දුක් කම්කටොලු, අයිතිවාසිකම් සහ මානව හිමිකම් වෙනුවෙන් ඇය නිර්භීතව පෑනෙන් සහ හඬින් පෙනී සිටියාය. එමෙන්ම, 'සිංදු හෝඩිය' හරහා දරුවන්ගේ ලෝකය වර්ණවත් කිරීමට ඇය කළ සේවය ද අමතක කළ නොහැකිය.
විවිධ දුෂ්කරතා සහ බාධක මැද වුවද, කිසිදු විටෙක තම කලාත්මක ප්රතිපත්තියෙන් පහළට නොබැස්ස නන්දා මාලනී මහත්මිය, මෙරට ගැහැනියකගේ ස්වයං-ප්රකාශන ශක්තියේ සහ ආත්ම ගෞරවයේ සජීවී සංකේතයකි.
අපේ සංස්කෘතියට සහ හදවත්වලට ඇය කළ මේ අනූපමේය සේවයට අපගේ ප්රණාමය පුද කරමු... අද ඇය අපෙන් සමුගෙන දැයෙන් සමුගෙන ගොස් අවසන්. ඔබ තුමියට අමාමහ නිවන් සුව අත්වේවා..!!"
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
