අක්කා කෙනෙක් නෙවෙයි... ඇය මට අම්මා කෙනෙක්... මාලක ප්‍රියදර්ශන ගුරු පියා තමන්ව තැනූ අක්කාට දුන් වටිනාම උපහාරය - Malaka Priyadarshana - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

May

අක්කා කෙනෙක් නෙවෙයි... ඇය මට අම්මා කෙනෙක්... මාලක ප්‍රියදර්ශන ගුරු පියා තමන්ව තැනූ අක්කාට දුන් වටිනාම උපහාරය

269 Views

අපි දකින්නේ වේදිකාව උඩ හෝ තිරය ඉදිරිපිට බැබළෙන චරිත විතරයි.

හැබැයි ඒ සාර්ථකත්වය, ඒ ජනප්‍රියත්වය පිටුපස අපිට නොපෙනෙන දැවැන්ත ශක්තීන්, අප්‍රමාණ කැපකිරීම් තිබෙනවා. ලංකාවේ දක්ෂ මෙන්ම ආදරණීය ගුරුවරයෙකු වන මාලක ප්‍රියදර්ශන මහතාගේ ජීවිත කතාව පිටුපසත් අන්න ඒ වගේ හැමෝගෙම දෙනෙතට කඳුළු උනන සුන්දර, සංවේදී කතාවක් සැඟව තිබෙනවා.

ඔහුගේ මේ සාර්ථකත්වයේ සැබෑ හිමිකාරිය වෙන කවුරුත් නෙවෙයි, ඔහුගේ ආදරණීය අක්කා.

මාලක ප්‍රියදර්ශන සර් තමන්ට වඩා අවුරුදු 12ක් බාලයි. පුංචි සන්දියේ ඉඳලම මල්ලිව තමන්ගේම දරුවෙක් වගේ පපුවට තුරුළු කරගෙන, අම්මා කෙනෙක් වගේ ආදරය දීලා, රැකබලා ගත්තේ ඇයයි. මල්ලි අධ්‍යාපනයෙන් ඉහළටම ගිහින් විශ්වවිද්‍යාලයට තේරෙනකම්ම ඇය සෙවනැල්ලක් වගේ පිටුපසින් ඉඳගෙන මල්ලිට ශක්තියක් වුණා. මල්ලිගේ හීන වෙනුවෙන් ඇය තමන්ගේ කාලය, ශ්‍රමය විතරක් නෙවෙයි මුළු ජීවිතයම කැප කළා කිව්වොත් නිවැරදියි.

අද මාලක ප්‍රියදර්ශන සර් කියන්නේ දහස් ගණනක් දරුවන්ගේ නැණැස පාදන, රටක් හඳුනන සාර්ථක ගුරුවරයෙක්. තමන් උපයපු පළමු ජයග්‍රහණයෙන්, තමන් ලැබූ සාර්ථකත්වයෙන් ඔහු මුලින්ම කළේ තමන්ව මේ තත්ත්වයට ගේන්න දහඩිය හෙලූ ආදරණීය අක්කාට උපහාර දක්වන එකයි.

ඔහු ඇයට තෑගි කළේ ඇය කිසිසේත්ම බලාපොරොත්තු නොවූ, මිල අධික, සුඛෝපභෝගී අලුත්ම වෑන් රථයක්!

වෑන් රථය දකිද්දී, මල්ලිගේ ආදරය දැනෙද්දී ඒ අක්කාගේ දෙනෙතින් ගලාගිය කඳුළු බිඳු, ඇය කරපු කැපකිරීම් සියල්ලටම ලැබුණු වටිනාම සහතිකයයි. මල්ලි ඇයව වැළඳගෙන හඬද්දී, ඒ දසුන දුටු කාගේ වුණත් හදවත උණු වී යනවා නොඅනුමානයි.

අද සමාජයේ බොහෝ දෙනෙක් තමන් දියුණු වෙද්දී, තමන්ව ඒ තැනට ඔසවා තබන්න උදව් කරපු අයව අමතක කරලා දානවා. හැබැයි මාලක සර්, තමන්ව නිර්මාණය කරපු අක්කාට මේ විදිහට කෘතවේදීත්වය දැක්වීම හරහා සමාජයටම කියා දුන්නේ ලොකු පාඩමක්.