හෙට පස්වරු 1න් පස්සේ එළියට බහිනවා නම් මේ ගැනත් දැනගෙනම යන්න මෙන්න සම්පූර්ණ විස්තරය - Wather - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

May

හෙට පස්වරු 1න් පස්සේ එළියට බහිනවා නම් මේ ගැනත් දැනගෙනම යන්න මෙන්න සම්පූර්ණ විස්තරය

143 Views

මෙන්න කාලගුණෙන් ලැබුණු අලුත්ම Update එක!

මේ දවස්වල තියෙන රස්නයට පොඩි විවේකයක් ලැබෙන්න වගේම, හැමෝම පොඩ්ඩක් සීරුවෙන් ඉන්න ඕන වැඩක් ගැන තමයි මේ කියන්න යන්නේ.

ඔන්න කාලගුණ විද්‍යා දෙපාර්තමේන්තුව කියන විදියට "අන්තර් නිවර්තන අභිසාරී කලාපය" දැන් ලංකාව උඩින්ලු තියෙන්නේ. ඒ කියන්නේ උතුරෙනුයි දකුණෙනුයි එන සුළං අපේ රට උඩදී එකතු වෙනවලු. මේකේ ප්‍රතිඵලයක් විදියට හෙට (මැයි 06) ඉඳන් දිවයින පුරාම වැස්ස වැඩි වෙන්න නියමිතයි.

පස්වරු 1.00න් පස්සේ ලංකාවේ හැම තැනකටම වගේ ගොරවලා පෑයුවත් වැසි ඇති වෙන්න පුළුවන්. බස්නාහිර, සබරගමුව, මධ්‍යම, දකුණු, ඌව පළාත්වල වගේම අම්පාරේ අයට උදේ පාන්දරත් කුඩේ අරන්ම යන්න වෙයි. අහස වලාකුළින් බර වෙලා තමයි තියෙන්නේ.

සබරගමුව, මධ්‍යම, ඌව පළාත් වලටත් අම්පාර, මඩකලපුව, ගාල්ල, මාතර, පොළොන්නරුව පැතිවලට "තද වැසි" ඇද හැලෙන්න ඉඩ තියෙනවා.

කන්ද උඩරට පැත්තේ (මධ්‍යම, සබරගමුව, ඌව) අය උදේට මීදුම නිසා පාර පේන්නේ නැති වෙන්නත් පුළුවන්. ඒ නිසා වාහන පදවන අය පරිස්සමෙන්.

වඩාත්ම වැදගත් දේ තමයි, වැස්ස එක්ක එන අකුණු සහ තද සුළං! ගිගුම් හඬ ඇහෙනවා නම් එළිමහනේ ඉන්න එපා, ආරක්ෂිත වෙන්න කියලා කාලගුණ විද්‍යා දෙපාර්තමේන්තුව විශේෂ ඉල්ලීමක් කරනවා.