7 Views
මාතලේ, අතිරහපිටිය ගම්මානය කියන්නේ සාමාන්යයෙන් නිහඬ, සාමකාමී පරිසරයක් තිබුණු තැනක්.
ඒත් ඊයේ (24) උදෑසන මේ නිහඬ බව බිඳලා දැම්මේ මුළු ප්රදේශයම සසල කරපු බිහිසුණු විලාපයකින්. ඒ විලාපය පිටවුණේ තමන් පණ මෙන් ආදරය කරපු පුතා අතින්ම අවසන් හුස්ම හෙළන්නට සිදුවුණු අසරණ පියෙකුගෙන්.
හිරු උදාවෙලා වැඩි වෙලාවක් යන්න කලින් මේ නිවසේ ඇති වුණේ සුපුරුදු බහින්බස් වීමක්. පියාට වයස අවුරුදු 64ක්. පුතාට අවුරුදු 33ක්. ජීවිතේ සැඳෑ සමය ගෙවමින් හිටපු ඒ පියාට කවදාවත් හිතෙන්න නැතුව ඇති, තමන් ලේ කිරි කරලා පොවාපු පුතා තමන්ගේම ලේ ගංගාවක තමන්ව ගිල්වයි කියලා.
බහින්බස් වීම මොහොතින් මොහොත උණුසුම් වුණා. තරුණ ජවයටත් වඩා කෝපය ඉහවහා ගිය පුතාගේ දෑස්වලට පෙනුණේ පියාව නෙවෙයි, තමන්ගේ සතුරෙක්ව වගෙයි. එක මොහොතකදී දෑතට හසු වුණු තියුණු ආයුධය පියාගේ සිරුර පසාරු කරගෙන යද්දී, ඒ වයෝවෘද්ධ පියාට තමන්ව ආරක්ෂා කරගන්නවත් ශක්තියක් තිබුණේ නැහැ.
පහරදීමෙන් පස්සේ මුළු නිවසම නිහඬ වුණා. ඒත් ඒ නිහඬ බව මරණීය එකක්. අවුරුදු 64ක් ආදරය දුන්නු, දහඩිය හෙළපු ඒ පියා නිවසේ සාලය මැදම ලේ විලක් මැද අවසන් හුස්ම හෙළුවා. අතිරහපිටිය ගම්මානයම මේ ආරංචියෙන් තතිගැස්සුණා.
පොලිස් විමර්ශනවලදී හෙළි වුණේ පියා සහ පුතා අතර කලක ඉඳන් තිබුණු යම් නොහොඳ නෝක්කාඩුවක් මේ ඝාතනයට මුල් වෙලා තියෙන බවයි.
සිද්ධිය ආරංචි වුණු ගමන් මාතලේ පොලීසිය ක්රියාත්මක වෙලා 33 හැවිරිදි සැකකාර පුත්රයාව අත්අඩංගුවට ගත්තා. දැන් ඔහු ඉන්නේ පොලිස් කූඩුව ඇතුළේ.
සමාජයට මේ කතාව දෙන පාඩම හරිම තිත්තයි. එක මොහොතක කේන්තිය මනුෂ්යත්වය පරදන තැන, ලේ නෑකම් පවා අළු දූවිලි වෙලා යනවා. අද අතිරහපිටිය ගම්මානයම ඒ අසරණ පියා වෙනුවෙන් කඳුළු සලනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
