29 Views
සිංහලයා අතර බුලත දෙවැනි වන්නේ බතට පමනි.
ලාංකික ජීවන රටාවේ මිනිසාගේ උපතේ සිට විපත දක්වා සිදුවන ආගමික හෝ වේවා සංස්කෘතික හෝ වේවා සියලුම සිරිත් විරිත් වලට බුලත නම් නැතිවම බැරි දෙයක්.
බුලත් අතට බුලත් 40ක් ලෙස සම්මතයට ගැනීම අතීතයේ චූලෝදර මහෝදර නා රජුන් සමයේදී ලක්දිවට බුදුන් වහන්සේ වැඩම කළ අවස්ථාව දක්වා අතීතයට දිව යන කතාව.
ඒ සහෝදර විරසකය සමනය කිරීම සඳහා වැඩම කළ බුදුන් වහන්සේ ඔවුන් කැඳවා ඒ එක නායකයකු හට අතවැසියන් කොපමණ ප්රමාණයක් දැයි විමසනවා.
එහිදී එක් අයකුට අතවැසියන් 20ක් බැගින් ඇති බව ඔවුන් පවසා සිටි විට ඒ හැම අයකුටම බුලත් කොළය බැගින් දී එම කොළ නායකයන් දෙදෙනාට එකතු කරන ලෙස දන්වා ඉන්පසු ඒ කොළ සියල්ල එනම් දෙදෙනා විසින් එකතු කරන ලද කොළ 40ම එකට එක්කර ඒ සියල්ල මෙන් එක්ව එක අතකට සිටින ලෙසත් එයින් තමාගේ ගෝත්රයට සිදුවන යහපතත් උන්වහන්සේ දේශනා කරනවා.
එතැන් සිට බුලත් අතකට කොළ 40ක් අයත් වුණා.
අද ද බුලත් අත කොටස් දෙකකට සිටින ලෙස එකතු කරනුයේ එදා ඒ කොළ එක් කළ ආකාරයට බව පැවසෙනවා.
මහා සම්මත රජුගේ මැණික්පාලි බිසවට ඇති වූ දොළදුකක් නිසා එය සංසිඳවීමට නා රජු විසින් බුලත මිනිස් ලොවට ගෙන ආ බව කියැවෙනවා.
නා රජු බුලත් කොළය දෙකොනින් අල්ලා ගෙන පැමිනි නිසා, විෂ නැති කිරීමට බුලත් කොළයේ දෙකොන කඩා කෑමට ගනට පුරුදු වුනා.
අදටත් බුලත් විට කෑමට පෙර දෙකොන කඩා කෑමට මිනිසුන් අමතක කරන්නෙ නැහැ.
පුරාවෘත්තය එසේ වුවත් දෙකොන කඩා දැමීමෙන් කොළයේ රැඳී ඇති අපවිත්ර දෑ ඉවත් වීම සිදු වෙනවා.
පිළිගන්වන විට “බුලත් අත”, කටේදී “බුලත් විට”, ඉනේදී “බුලත් පයිය”, ගෙදරදී “බුලත් හෙප්පුව”, මඟුලකදී “බුලත් තට්ටුව”, අවමඟුලකදී “ඉලත්තට්ටුව”, ගමනක් යන විට “බුලත් මඩිස්සලය”, ආගමික කටයුතු වලදී “දැහැත් වට්ටිය”, දේවාලයේදී “දළු මුර”, කුඹුරේදී “බුලත් පෙට්ටිය”, කාන්තාවන් ලඟදී “බුලත් හැඹිලිය” ආදී වශයෙන් බුලත විවිධාකාරයෙන් ජන ජීවිතය හා බැඳී පවතිනවා.
බුලත් කොළය ද පුරුෂ (කොළයේ අග නාරටියට සමාන්තරව පිහිටයි), ස්ත්රි (කොළයේ අග නාරටියෙන් දකුණු දෙසට නැවී ඇත), නපුංසක (කොළයේ අග නාරටියෙන් වම් දෙසට නැවී ඇත) යනුවෙන් වෙන් වශයෙන් දක්වා ඇති අතර, බුලත් වගා කරන අය එය පීදුන කොළ, රෑන් කොළ සහ කඳ කොළ යනුවෙන් වර්ගීකරණය කරනු ලබනවා.
සම්මතයක් වශයෙන් බුලත් අත පීදුන කොළවලින් යුක්ත විය යුතු අතර අද සමාජයේ එවන් පූර්ණ වූ බුලත් අතක් සොයා ගැනීම ඉතාමත් අසීරුයි.
බුලත් අතක් පිළිගැන්වීමේදී එහි නැටි තිබෙන පැත්ත පිදිය යුතු තැනැත්තාගේ පැත්තටත් අගිස්ස තමන්ගේ පැත්තටත් සිටින ලෙස එය පිළිගැන්විය යුතුයි.
මරණයක් ද දැන්වීම සඳහා ද බුලත් යොදා ගැනීම ද අතීතයේ පැවති චාරිත්රයක්.
එහිදී බුලත් අත පිළිගන්වන්නේ නැටි පැත්ත තමාගේ පැත්තට සිටින ලෙස හරවායි.
එවිට එය පිළිගන්නා තැනැත්තා එය මරණයක් දැන්වීමට බව වටහා ගන්නවා.
එකිනෙකට වෙනස් කාර්යයන්වලට භාවිත කරන බුලත් අතේ කොළ සංඛ්යාව වෙනස් වෙනවා.
· බුද්ධ පූජාව සඳහා බුලත් කොළ 40 යි.
· මවුපියන්ට පිළිගන්වන බුලත් අතට බුලත් කොළ 40 යි.
· දේව පුජාව සඳහා බුලත් කොළ 35 යි.
· ගුරුවරුන්ට පිළිගන්වන බුලත් අතේ බුලත් කොළ 30 යි.
· ග්රහ පූජා සඳහා නැකැත් 27ට අනුරූප ව බුලත් 27 යි.
· මංගල බුලත් හෙප්පුවේ බුලත් 21 යි.
- බුලත් වර්ග මෙසේය -
1. නාගවල්ලී
2. මහ මානේරු (කහ මානේරු)
3. රටදළු බුලත් (රට බුලත්)
4. ගල්දළු බුලත්
5. වැල් බුලත්
6. මැටි පලා බුලත්
7. කහ කීරිය බුලත්
8. ගැට තෝඩු බුලත්
9. ගස් බුලත් (ගස් දළු බුලත්)
10. ගැරඬි මානේරු
මේ අතරින් බුලත්විටට සුදුසු බුලත් ලෙස මානේරු, රටදළු, ගල්දළු, ගැටතෝඩු, සහ මැටිපලා යන බුලත් වර්ග දැක්විය හැකි යි. ඒවා අතරින් මානේරු සහ රටදළු වාණිජමය වශයෙන් වගා කෙරෙනවා. නාරම්මලී සහ නාරම්රතී යනුවෙන් හැඳීන්වෙන නව බුලත් වර්ග දෙකක් නාරම්මල බුලත් පර්යේෂණ ආයතනය මඟින් එළිදක්වා තිබෙනවා.
බුලත් භාවිතයෙන් බුලත් මිශ්ර මදුරු විකර්ෂක දඟර සහ ක්රීම්, දන්තාලේප, මුඛ සේදීමේ දියර, ෂැම්පූ සහ ක්ෂණික බුලත් විට ආදී නිෂ්පාදන සකස් කිරීමත් අද වනවිට සිදුවෙනවා.
(උපුටා ගැනීමකි)
බුලත් අතට බුලත් 40ක් ලෙස සම්මතයට ගැනීම අතීතයේ චූලෝදර මහෝදර නා රජුන් සමයේදී ලක්දිවට බුදුන් වහන්සේ වැඩම කළ අවස්ථාව දක්වා අතීතයට දිව යන කතාව.
ඒ සහෝදර විරසකය සමනය කිරීම සඳහා වැඩම කළ බුදුන් වහන්සේ ඔවුන් කැඳවා ඒ එක නායකයකු හට අතවැසියන් කොපමණ ප්රමාණයක් දැයි විමසනවා.
එහිදී එක් අයකුට අතවැසියන් 20ක් බැගින් ඇති බව ඔවුන් පවසා සිටි විට ඒ හැම අයකුටම බුලත් කොළය බැගින් දී එම කොළ නායකයන් දෙදෙනාට එකතු කරන ලෙස දන්වා ඉන්පසු ඒ කොළ සියල්ල එනම් දෙදෙනා විසින් එකතු කරන ලද කොළ 40ම එකට එක්කර ඒ සියල්ල මෙන් එක්ව එක අතකට සිටින ලෙසත් එයින් තමාගේ ගෝත්රයට සිදුවන යහපතත් උන්වහන්සේ දේශනා කරනවා.
එතැන් සිට බුලත් අතකට කොළ 40ක් අයත් වුණා.
අද ද බුලත් අත කොටස් දෙකකට සිටින ලෙස එකතු කරනුයේ එදා ඒ කොළ එක් කළ ආකාරයට බව පැවසෙනවා.
මහා සම්මත රජුගේ මැණික්පාලි බිසවට ඇති වූ දොළදුකක් නිසා එය සංසිඳවීමට නා රජු විසින් බුලත මිනිස් ලොවට ගෙන ආ බව කියැවෙනවා.
නා රජු බුලත් කොළය දෙකොනින් අල්ලා ගෙන පැමිනි නිසා, විෂ නැති කිරීමට බුලත් කොළයේ දෙකොන කඩා කෑමට ගනට පුරුදු වුනා.
අදටත් බුලත් විට කෑමට පෙර දෙකොන කඩා කෑමට මිනිසුන් අමතක කරන්නෙ නැහැ.
පුරාවෘත්තය එසේ වුවත් දෙකොන කඩා දැමීමෙන් කොළයේ රැඳී ඇති අපවිත්ර දෑ ඉවත් වීම සිදු වෙනවා.
පිළිගන්වන විට “බුලත් අත”, කටේදී “බුලත් විට”, ඉනේදී “බුලත් පයිය”, ගෙදරදී “බුලත් හෙප්පුව”, මඟුලකදී “බුලත් තට්ටුව”, අවමඟුලකදී “ඉලත්තට්ටුව”, ගමනක් යන විට “බුලත් මඩිස්සලය”, ආගමික කටයුතු වලදී “දැහැත් වට්ටිය”, දේවාලයේදී “දළු මුර”, කුඹුරේදී “බුලත් පෙට්ටිය”, කාන්තාවන් ලඟදී “බුලත් හැඹිලිය” ආදී වශයෙන් බුලත විවිධාකාරයෙන් ජන ජීවිතය හා බැඳී පවතිනවා.
බුලත් කොළය ද පුරුෂ (කොළයේ අග නාරටියට සමාන්තරව පිහිටයි), ස්ත්රි (කොළයේ අග නාරටියෙන් දකුණු දෙසට නැවී ඇත), නපුංසක (කොළයේ අග නාරටියෙන් වම් දෙසට නැවී ඇත) යනුවෙන් වෙන් වශයෙන් දක්වා ඇති අතර, බුලත් වගා කරන අය එය පීදුන කොළ, රෑන් කොළ සහ කඳ කොළ යනුවෙන් වර්ගීකරණය කරනු ලබනවා.
සම්මතයක් වශයෙන් බුලත් අත පීදුන කොළවලින් යුක්ත විය යුතු අතර අද සමාජයේ එවන් පූර්ණ වූ බුලත් අතක් සොයා ගැනීම ඉතාමත් අසීරුයි.
බුලත් අතක් පිළිගැන්වීමේදී එහි නැටි තිබෙන පැත්ත පිදිය යුතු තැනැත්තාගේ පැත්තටත් අගිස්ස තමන්ගේ පැත්තටත් සිටින ලෙස එය පිළිගැන්විය යුතුයි.
මරණයක් ද දැන්වීම සඳහා ද බුලත් යොදා ගැනීම ද අතීතයේ පැවති චාරිත්රයක්.
එහිදී බුලත් අත පිළිගන්වන්නේ නැටි පැත්ත තමාගේ පැත්තට සිටින ලෙස හරවායි.
එවිට එය පිළිගන්නා තැනැත්තා එය මරණයක් දැන්වීමට බව වටහා ගන්නවා.
එකිනෙකට වෙනස් කාර්යයන්වලට භාවිත කරන බුලත් අතේ කොළ සංඛ්යාව වෙනස් වෙනවා.
· බුද්ධ පූජාව සඳහා බුලත් කොළ 40 යි.
· මවුපියන්ට පිළිගන්වන බුලත් අතට බුලත් කොළ 40 යි.
· දේව පුජාව සඳහා බුලත් කොළ 35 යි.
· ගුරුවරුන්ට පිළිගන්වන බුලත් අතේ බුලත් කොළ 30 යි.
· ග්රහ පූජා සඳහා නැකැත් 27ට අනුරූප ව බුලත් 27 යි.
· මංගල බුලත් හෙප්පුවේ බුලත් 21 යි.
- බුලත් වර්ග මෙසේය -
1. නාගවල්ලී
2. මහ මානේරු (කහ මානේරු)
3. රටදළු බුලත් (රට බුලත්)
4. ගල්දළු බුලත්
5. වැල් බුලත්
6. මැටි පලා බුලත්
7. කහ කීරිය බුලත්
8. ගැට තෝඩු බුලත්
9. ගස් බුලත් (ගස් දළු බුලත්)
10. ගැරඬි මානේරු
මේ අතරින් බුලත්විටට සුදුසු බුලත් ලෙස මානේරු, රටදළු, ගල්දළු, ගැටතෝඩු, සහ මැටිපලා යන බුලත් වර්ග දැක්විය හැකි යි. ඒවා අතරින් මානේරු සහ රටදළු වාණිජමය වශයෙන් වගා කෙරෙනවා. නාරම්මලී සහ නාරම්රතී යනුවෙන් හැඳීන්වෙන නව බුලත් වර්ග දෙකක් නාරම්මල බුලත් පර්යේෂණ ආයතනය මඟින් එළිදක්වා තිබෙනවා.
බුලත් භාවිතයෙන් බුලත් මිශ්ර මදුරු විකර්ෂක දඟර සහ ක්රීම්, දන්තාලේප, මුඛ සේදීමේ දියර, ෂැම්පූ සහ ක්ෂණික බුලත් විට ආදී නිෂ්පාදන සකස් කිරීමත් අද වනවිට සිදුවෙනවා.
(උපුටා ගැනීමකි)
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
