10 Views
සිද්ධිය පවසැයි කියා බියෙන් මරාදැමූ බවට වයස 14ක සැකකරුවෙක් පාපොච්චාරණය කරලා
කිළිනොච්චියේ උරුතිරපුරම්,එලුක්කාඩු ගම්මානයේදී පසුගියදා අතුරුදහන් වූ උදයකුමාර් යර්ෂිකා නැමති තුන්හැවිරිදි දැරිය දූෂණය කොට මරාදමා ඇති බවට සැකකරන්නේ යැයි 27දා දැරිය පිළිබදව මූලික පශ්චාත් මරණ පරීක්ෂණය පැවැත්වූ යාපනය ශීක්ෂණ රෝහලේ අධිකරණ වෛද්ය නිලධාරිවරයා තීරණය කොට තිබේ.
දැරියගේ මළ සිරුර බෙහෙවින්ම නරක්වී ඇති බැවින් ඒ පිළිබදව නිශ්චය වශයෙන්ම ස්ථිර වාර්තාවක් ලබාදීමට මළ සිරුරේ කොටස් වෝහාරික වෛද්ය විශේෂඥයෙකු වෙත යොමු කළ යුතු බවද අධිකරණ වෛද්ය නිලධාරීවරයා සදහන් කොට තිබේ.
මෙම දැරිය අතුරුදහන්වූයේ පසුගිය ජූනි මස 21වෙනිදා පවුලේ පිරිසක් සමග දියනෑමට ගොස් ඇය තනිවූ අවස්ථාවේදීය. අනතුරුව ඇගේ මළසිරුර පසුගිය ජූලි 19 වෙනිදා කිළිනොච්චියේම වෙල්යායක තිබී පොලීසියට හමුවන විට දැරියගේ මළ සිරුර බෙහෙවින් නරක් වී ඇටසැකිල්ලක් බවට පත්ව තිබූ අතර ඒ පිළිබදව පශ්චාත් මරණ පරීක්ෂණ කටයුතු පැවැත්වීම පිණිස යාපනය රෝහල වෙත භාරදී තිබුණි.
දැරිය අතුරුදහන් වීමෙන් පසුව ඇයව සෙවීමට පොලීසිය,පොලිස් විශේෂ කාර්ය බලකාය සහ නාවික හමුදාව 400කගෙන් පමණ සමන්විත කණ්ඩායමක් දින පහක් තිස්සේම යොදවා තිබුණි. ඉන් අනතුරුවද පොලීසිය හා ගම්වාසීන් දැරිය සෙවීමේ කටයුතු වල නිරත විය.
නමුත් ඔවුන්ට දැරිය පිළිබදව කිසිදු හෝඩුවාවක් නොලැබුණු අතර දැරියගේ මළ සිරුර වෙල්යායක ඇති බව පොලීසියට පවසා තිබුණේ තමන්ගේ කුඹුරු බැලීමට ගිය ගොවීන් පිරිසක් විසිනි.මේ නිසා පොලීසිය සැකකරන්නේ දැරිය වෙනත් ස්ථානයක රදවාගෙන සිට පසුව මරාදමා ඇගේ සිරුර වෙල් යායට ගෙනැවිත් දමන්නට ඇති බවයි.
කිළිනොච්චිය පොලීසිය මගින් අත් අඩංගුවට ගෙන ඇති තරුණයෙකු පොලීසියට පවසා ඇත්තේ තමන් එම දැරිය දූෂණය කළ බවත් සිද්ධිය පවසනු ඇතැයි යන බිය නිසා ඇගේ ගෙල සිරකොට මරාදමා සිරුර අසල වූ බෝක්කුවකට මළ සිරුර දැමූ බවයි.සිද්ධිය සම්බන්ධයෙන් මේ වන විට පොලීසිය පුද්ගලයින් හතර දෙනෙකු අත් අඩංගුවට ගෙන ඇති බවද ඔවුන්ගෙන් තවදුරටත් ප්රශ්න කරගෙන යන බවද, පොලීසිය සදහන් කළේය.
පොලිස් මාධ්ය ප්රකාශක සහකාර පොලිස් අධිකාරී රුවන් ගුණසේකර කියා සිටියේ දැරිය දූෂණය කළ බව කී වයස අවුරුදු දාහතරක සැකකරු 27 දා අත් අඩංගුවට ගෙන අධිකරණය හමුවට ඉදිරිපත් කිරීමෙන් පසුව ඔහුව රදවාගෙන ප්රශ්න කිරීමට අධිකරණයෙන් අවසර ලැබුණු බවයි.
දැරියගේ සිරුර සොයාගත් අවස්ථාවේ වීඩියෝව පහතින්....
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
