109 Views
තමන් රත්මලාන ගුවන්තොටුපළේ ගුවන් නියමුවරියක් බව හඟවමින්, විදෙස් රැකියා දෙන මුවාවෙන් කෝටි ගණනින් මුදල් වංචා කළ අනුරාධපුර නොච්චියාගම ප්රදේශයේ 44 හැවිරිදි කාන්තාවක් කොළඹ වංචා විමර්ශන කාර්යාංශය විසින් අත්අඩංගුවට ගෙන තිබෙනවා.
පිළියන්දල ප්රදේශයේ පදිංචි ධනවත් බස් රථ හිමිකරුවෙකු දැලේ දමාගත් මෙම කාන්තාව, තම ඥාතීන් විදේශයන්හි ඉහළ තනතුරු දරන බව පවසමින් විදෙස් රැකියා ලබාදෙන බවට පොරොන්දු වී තිබුණා. එමෙන්ම මොහු විශ්වාස කරවීම සඳහා ඇය පැමිණ ඇත්තේ ව්යාජ ලෙස ගුවන් හමුදා නිල ඇඳුමකින් ද සැරසීගෙනයි...
ඇයගේ මායම්වලට හසුවූ බස් රථ හිමිකරු, තම බස් රථයක් පවා විකුණා මුලින්ම රුපියල් ලක්ෂ 60ක් ඇයට අතටම ලබා දී ඇති අතර, අවස්ථා කිහිපයකදී රුපියල් එක් කෝටි තිස් පන් ලක්ෂයකට අධික දැවැන්ත මුදලක් ඇයට ලබාදී ඇති බවයි හෙළිව ඇත්තේ.
මුදල් ලබා ගැනීමෙන් පසු තමන් රට ගිය බව පවසමින් සැකකාරිය බස් හිමිකරු මඟහැර සිටීම නිසා ඔහු පොලිසියට කළ පැමිණිල්ලකට අනුවයි විමර්ශන ආරම්භ කෙරුණේ. ඒ අනුව කුරුණෑගල ප්රදේශයේ සැඟව සිටියදී සැකකාරිය සහ ඇයගේ සැමියා යැයි කියන පුද්ගලයාද කොටු කරගැනීමට පොලිසිය සමත් වුණා.
මීට පෙරද මාතර කාන්තාවකගෙන් ලක්ෂ 22ක් ඇතුළුව කොල්ලුපිටිය, බම්බලපිටිය ඇතුළු පොලිස් ස්ථාන 15කට අධික සංඛ්යාවකට මෙම කපටි කාන්තාවට එරෙහිව පැමිණිලි ලැබී ඇති බව සඳහන්. අත්අඩංගුවට ගත් සැකකාරිය අලුත්කඩේ මහේස්ත්රාත් අධිකරණයට ඉදිරිපත් කිරීමෙන් පසු මේ වන විට රක්ෂිත බන්ධනාගාර ගත කර තිබෙනවා.
Make a Comment
Make a Comment..
Follow Us
මෙන්න බලන්න තවත් ගොසිප්
'' අපි අසරණ වෙලා වගේ හිතට දැනෙනවා..'' පූජ්ය රඹුකන සිද්ධාර්ථ හිමියන්ගේ ආදාහන පූජෝත්සවය හෙට..
684 Views
මුළු මහත් දැයක් සැදැහැ සිතින් නිවාලූ පූජ්ය රඹුකන සිද්ධාර්ථ හිමිපාණන්වහන්සේ දැයෙන් සමුගනී...
436 Views
Hot Gossip
Recent Gossip Post
Follow Us
නැගලා යන ගොසිප්
