243 Views
'' පිහිටක් නැති සරණක් නැති
සතුටක් ඇති මුහුණක් නැති
මේ සසර දනව්වේ....
අපි අසරණ වෙලා වගේ
හිතට දැනෙනවා.....බුදු හාමුදුරුවනේ.... ''
අපේ හදවත් පතුලේම තැන්පත් වුණු අපූරු ගී පද රචනා කළ ඒ උතුම් පන්හිඳ අද සදහටම නිහඬ වෙලා.
ශ්රී ලාංකේය කලාකෙත බොදු ගීතයෙන් පෝෂණය කළ ප්රවීන ගේය පද රචක, පූජ්ය රඹුකන සිද්ධාර්ථ නාහිමියන්ගේ අපවත් වීමේ පුවත මුළු රටම අහන්නේ දැඩි කම්පනයකින්.
කාලයක් තිස්සේ පැවති අසනීප තත්ත්වයක් නිසා ශ්රී ජයවර්ධනපුර රෝහලේ ප්රතිකාර ලබමින් හිටපු උන්වහන්සේ ඊයේ (18) අපවත් වෙනකොට වයස අවුරුදු 76ක්. උන්වහන්සේගේ ශ්රී දේහය (19) දිනයේ දහවලේ සිට, උන්වහන්සේ විහාරාධිපතිව වැඩ සිටි වැල්ලවත්ත ශ්රී සුධර්මාරාම විහාරස්ථානයේ තැන්පත් කර තිබෙනවා.
එසේම අපවත් වී වදාළ පූජ්ය රඹුකන සිද්ධාර්ථ හිමියන්ගේ ආදාහන පූජෝත්සවය හෙට(21) ප.ව 3.00 සිට ආරම්භ වී දෙහිවල සරණංකර ක්රීඩංගණයේ දී සිදුකිරීමට නියමිතව තිබෙනවා.
1950 මැයි 22 දෙනියාය රඹුකන ගමේ ඉපදිලා, මොරවක, වැලිව, බෞද්ධ මිශ්ර පාඨශාලාවෙන් හා පැපිලියාන සුනේත්රා දේවි මහා පිරිවෙණෙන් අධ්යාපනය ලබා, ලාංකේය ගීත කලාවට අලුත්ම පෙරළියක් කළ සිද්ධාර්ථ හාමුදුරුවෝ තමන්ටම ආවේණික රටාවකින් මිනිස්සුන්ගේ හිත්වල අපූර්ව සැදැහැ සිතුවිලි ජනිත කළා.
අපේ මතකයේ රැඳුණු අමරණීය ගීත රැසක්ම නිමැවුණේ උන්වහන්සේගේ අතිවිශිෂ්ට පන්හිඳෙන්,
ගුණදාස කපුගේ
පිහිටක් නැති සරණක් නැති
සද්ධර්ම මකරන්ද
වික්ටර් රත්නායක
බුදු හාමුදුරුවෝ අපිත් දකින්ඇති
කඳුළු පැන් කෙණ්ඩියේ
කාසි වලට ගන්නත් බෑ
මාලනී බුලත්සිංහල
හිමි සනරාමර
සෙනෙහස පුදා
පිපෙනා මලකට
බුදු බණ ඇසුවා නිරන්තරේ
එඩ්වඩ් ජයකොඩි සහ චරිතා ප්රියදර්ශනී
පන්සලේ පල්ලියේ
මේ ඉර හඳ යට හමු වී
මේ ප්රේම කතා නවතා
බණ කියන රටක්
නුඹට හිතැති නුඹ හිත නැති
එඩ්වඩ් ජයකොඩි සහ මාලනී බුලත්සිංහල
බුදු බණ කිව්වා
ටී.එම්. ජයරත්න
සියක් ආයු ලැබ
අව්වට වැස්සට හුරු මිනිසුන්නේ
සඳ වතුරක් සේ
අබේවර්ධන බාලසූරිය
මලක මෙලෙක සිතාගන්න
නිරංජලා සරෝජනී
අනුරාධපුරේ අනුරාව නැගූ
ගෙල වට බැන්දා වූ
කරුණාරත්න දිවුල්ගනේ
ළා දලු බෝපත්
වෙහෙරක් වගේ
අතුල අධිකාරි සහ සමිතා මුදුන්කොටුව
සඳ තරු මල් මට දන් දුන්
එවැනි විවිධ මානයන් ස්පර්ශ කළ ගීත ලාංකේය සංගීතයට සිද්ධාර්ථ හාමුදුරුවෝ දායාද කළා.
සිංහල ගීත කලාවට මෙවන් අගනා දායාදයන් තිළිණ කළ පූජ්ය රඹුකන සිද්ධාර්ථ හිමියන්ට,
අමා මහා නිවන් සුව ප්රාර්ථනා කරමු !
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
