292 Views
අහස සේ ඔබ අනන්තයි..
සයුර සේ ඔබ අනන්තයි..
අහස සේ ඔබ අනන්තයි..
සයුර සේ ඔබ අනන්තයි..
මේ විශ්වයේ මා දකින්නේ ඔබම පමණයි ඔබ අනන්තයි..
ශ්රී ලාංකේය සංගීත ක්ෂේත්රය සිය මියුරු, ගැඹුරු හඬින් අමරණීය කළ, ‘ජාතියේ යශෝරාවය’ ලෙස මුළු මහත් ජාතියේම ගෞරවාදරයට පාත්ර වූ ප්රවීණ ගායන ශිල්පිනී ආචාර්ය නන්දා මාලනිය ඊයේ පස්වරුවේ දැයෙන් සදහටම සමුගත්තා.
මියයන විට ඇය 82 වැනි වියේ පසුවූවා.
වඩාත්ම සංවේදී සහ හදවත කම්පා කරවන කරුණ වන්නේ, ලබන අගෝස්තු 23 වන දිනට යෙදී තිබූ ඇගේ 83 වැනි ජන්ම දිනය සැමරීමට තවත් දින තුනක් පමණක් ඉතිරිව තිබියදී ඇය මෙලෙස දිවි රඟමඩලෙන් නික්ම යාමයි.
1943 අගෝස්තු 23 වන දින අලුත්ගම ලෙවන්දූවේදී මෙලොව එළිය දුටු ඇය, දශක ගණනාවක් මුළුල්ලේ මෙරට රසික හදවත් සිය අසමසම ගායන පෞරුෂයෙන් නැහැවූ මහා යුග පුරුෂවරියක් බඳු කලාකාරිනියකි.
එහිදී ටී.එන්. මාග්රට් පෙරේරා ගුරුවරියගේ මගපෙන්වීම මත ලංකා ගුවන් විදුලියේ කරුණාරත්න අබේසේකරයන්ගේ "ළමා මණ්ඩපය" වැඩසටහනට එක්වෙමින් "බුදු සාදු" ගීතය ගායනා කරමින් ඇය සිය සංගීත ගමන ආරම්භ කරනු ලැබුවා.
පසුව 1961 වසරේදී ශ්රී ලංකාවේ ප්රථම වර්ණ චිත්රපටය වූ "රන්මුතු දූව" චිත්රපටයේ පණ්ඩිත් අමරදේවයන්ගේ සංගීත අධ්යක්ෂණයෙන් නාරද දිසාසේකරයන් සමඟ "ගලන ගඟකි ජීවිතේ" ගීතය ගායනා කරමින් චිත්රපට පසුබිම් ගායනයට පිවිසි ඇය, එතැන් පටන් දශක ගණනාවක් පුරා හෙළ ගීත කෙත පෝෂණය කළා.
ඉන්දියාවේ භාත්ඛණ්ඩේ සංගීත විද්යාපීඨයෙන් ශාස්ත්රීය සංගීතය හදාරා විශාරද උපාධිය ලබාගත් ඇය, 'සත්යයේ ගීතය', 'පවන', 'හේමන්තයේදී', 'පෙම්බර ලංකා' වැනි අතිශය ජනප්රිය ඒකපුද්ගල ගීත ප්රසංග සහ ගීත ඇල්බම ගණනාවක් රටට දායාද කළ අතර, කුඩා දරුවන් වෙනුවෙන් "සින්දු හෝඩිය" ඇතුළු ළමා ගීත නිර්මාණය කිරීමටද ඇය පියවර ගත්තා.
ඇගේ විශිෂ්ට ගායන කෞශල්යය වෙනුවෙන් හොඳම ගායිකාවට හිමි සරසවිය සම්මාන 12ක් සහ ජනාධිපති සම්මාන 10ක් ඇතුළු ජාතික හා අන්තර්ජාතික සම්මාන රැසකින් පිදුම් ලබා තිබෙනවා.
දශක ගණනාවක් පුරා පරම්පරා ගණනාවකගේ දුක, සතුට, විරෝධය මෙන්ම ආදරයද තම ස්වරයෙන් ප්රතිරාවය කළ ඒ අසහාය හඬ සදහටම නිහඬ වීම සමස්ත ලාංකේය ජාතියටම කිසිදා පිරවිය නොහැකි අතිමහත් හිස්තැනක්.
ඇගේ මුළු ජීවිතයම වාගේ, ඇගේ අවසානයද අපි හැමෝටම ආදර්ශයක්.
ඇගේ අන්තිම කැමති පත්රයේ විදියට ඇගේ අවමංගල්ය කටයුතු සිදුවෙන්නේ ඉතා චාම් විදියටයි.
ඒ අනුව ඇයගේ දේහය මේවන විට ඇය පදිංචි වෙලා හිටිය නාවල පාර, අංක 30, විජයභා මාවත, නන්දා මාලිනී සංගීත ආශ්රමයේ තබා තිබෙනවා.
හෙට ඇගේ දේහය හවස 3.30 දක්වා මහජන ගෞරවය උදෙසා ඇගේ නිවසේම තැන්පත් කර තිබෙනවා.
ඉන් අනතුරුව පස්වරුවේ ඇගේ අවසන් කැමැත්තට ගරු කරමින්, කිසිදු නිල හෝ විශේෂ අවමංගල්ය උත්සවයකින් තොරව අවසන් කටයුතු බොරැල්ල පොදු සුසාන භූමියේදී සිදු කිරීමට නියමිත වනවා.
ගොඩක් අයට ප්රශ්නයක් වෙන්න පුළුවන් , ඊට වඩා ඉඩකඩ එහෙම තියෙන තැනක දේහය තැන්පත් කරන්නේ නැත්තේ ඇයි , අවමංගල උත්සව වැනි දේවල්.. ඒත් එතුමියගේ අවසන් කැමැත්ත තමයි මේක..
ඉතින් කොන්ඩේ තනි කරලට ගොතලත්, සුදු සාරියක් ඇඳගෙනත් කටහඬින් මිනිස්සුන්ව දිනාගන්න පුළුවන් කියලා මනාවට පෙන්වපු එකම ආදර්ශමත් කාන්තාව ඇය බව පිළිගත යුතුමය..
කෙසේ වුවත් , ප්රවීණ සංගීතවේදිනී, ආචාර්ය නන්දා මාලනීගේ අභාවය හේතුවෙන් 2026 අගෝස්තු මස 21, 22 සහ 23 යන තෙදින ජාතික ශෝක දින ලෙස නම් කිරීමට රජය තීරණය කර තිබෙනවා.
මලට රෙණු සේ ඔබ ලග ඉන්නම්
සඳට තරුව සේ තනිය මකන්නම්
නෙතට කදුල සේ නෙත ලග ඉන්නම්..
මියෙන තුරා ආදරේ කියන්නම්..
ජාතියේ යශෝරාවය
නන්දා මාලනිය ඔබට අමාමහ නිවන්සුව ලැබේවා !
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
