7 Views
වැලමිට ප්රදේශයෙන් අත ගැලවී ගිය පිරිමි දරුවෙකුට එම අත සාර්ථක සැත්කමකින් බද්ධ කිරීමට හැකිවූ බව කොළඹ ජාතික රෝහලේ වෛද්ය ප්රවීන් විජේසිංහ පවසනවා. කොළඹ - නුවර පාරේ බැලුම්මහර මංසන්ධියේදී ඊයේ සිදුවූ බස් රථ අනතුරේදී මෙම දරුවාගේ වැලමිට ප්රදේශයෙන් අත වෙන් වූ අතර ඉන් පසුව රෝහල් ගත කෙරුණා.
බස්රථයකට තවත් බස් රථයක් ඉස්සර කිරීමට යාමේදී එක් බස් රථයක සිටි 15 හැවිරිදි මෙම පිරිමි දරුවාගේ දකුණු අත අනෙක් බස් රථයේ වැදී වැලමිට අසලින් කැපී පෙන්වී ගොස් තිබෙනවා.
පසුව එම දරුවා කැඩී ගිය අත සමඟ පළමුවෙන්ම ගම්පහ රෝහලට ඇතුළත් කළ අතර, පසුව කොළඹ ජාතික රෝහල වෙත මාරු කර යවනු ලැබුවා. එහිදී වෛද්ය සෙල්ව ගනේෂන් ප්රමුඛ වෛද්ය කණ්ඩායමක් දරුවාගේ අත බද්ධ කිරීම සඳහා සැත්කම ආරම්භ කර තිබෙනවා. පස්වරු 4.30 සිට රාත්රී 11.30 දක්වා සිදුකළ සැත්කමකින් අනතුරුව එම අත සාර්ථකව බද්ධ කළ බවයි වෛද්ය ප්රවීන් විජේසිංහ සඳහන් කළේ.
කෙසේ වුවත්, සැත්කමේ ප්රතිඵල සාර්ථක කර ගැනීම සඳහා ඉදිරි දින තුන තීරණාත්මක බවයි වෛද්ය ප්රවීන් විජේසිංහ සඳහන් කළේ. ගම්පහ - වලව්වත්ත ප්රදේශයේ පදිංචි ඕෂධ මධුශංක නමැති මෙම ශිෂ්යයා මේ වනවිට ජාතික රෝහලේ දැඩි සත්කාර ඒකකයේ වෛද්ය අවධානය යටතේ පසුවනවා.
අනතුරින් පසු පලාගිය බවට කියන බස් රථයේ රියදුරු අද පෙරවරුවේ ගම්පහ පොලිසියට භාර වුණා. පොලිසිය සඳහන් කළේ ඔහු අද දින අධිකරණය වෙත ඉදිරිපත් කිරීමට නියමිත බවයි.
එහි වීඩියෝව පහතින්...
එහි වීඩියෝව පහතින්...
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
