3 Views
"පළාත් පාලන ආයතන 239 ක බලය ශ්රී ලංකා පොදුජන පෙරමුණට.."
පළාත් පාලන මැතිවරණයේදී දිවයිනේ පළාත් පාලන ආයතන 340 ක් අතුරින් 239 ක බලය තහවුරු කරගනිමින් අති විශිෂ්ඨ ජයග්රහණයක් හිමිකර ගැනීමට ශ්රී ලංකා පොදුජන පෙරමුණ සමත් වුණා.
එක්සත් ජාතික පක්ෂයට ආයතන 42 ක බලය හිමි වූ අතර, ඉලංගෙයි තමිල් අරසු කච්චි ආයතන 38 ක බලය හිමිකර ගත්තා.
ශ්රී ලංකා නිදහස් පක්ෂය ප්රමුඛ එක්සත් ජනතා නිදහස් සන්ධානයට හිමි වූයේ ආයතන 7 ක බලය පමණයි.
පළාත් පාලන ආයතන 340 ක් සදහා සභිකයින් 8325 ක් තෝරාපත්කර ගැනීම වෙනුවෙන් ඊයේ පැවැති ඡන්ද විමසීමේදී සමස්ත ඡන්ද හතලිස් නව ලක්ෂ 66,203ක් ලබාගත් ශ්රී ලංකා පොදුජන පෙරමුණ වැඩිම ආයතන සංඛ්යාවක බලය තහවුරු කර ගැනිමට සමත් වුණා. ශ්රී ලංකා පොදුජන පෙරමුණ, දෙවනුවට වැඩිම ආයතන සංඛ්යාවක බලය හිමිකර ගත්තේ එක්සත් ජාතික පක්ෂයට වඩා ආයතන 197 ක බලය තහවුරු කර ගැනීමට සමත්ව තිබෙනවා.
ප්රකාශිත සමස්ත ඡන්ද සංඛ්යාවෙන් 32.23% ක ප්රතිශතයක් වූ ඡන්ද තිස් හය ලක්ෂ 21,338 ක් එක්සත් ජාතික පක්ෂයට ලැබී තිබුණා.
එක්සත් ජාතික පක්ෂයෙන් පළාත් පාලන ආයතන සදහා තේරී පත්වී ඇති සභිකයින් ගණන 2041 ක්. ශ්රී ලංකා නිදහස් පක්ෂය ප්රමුඛ එක්සත් ජනතා නිදහස් සන්ධානයට සමස්ත ප්රතිඵල සටහනේ සිව්වන ස්ථානයට පත්ව සිටි අතර, ඔවුන්ට ලැබී තිබුණේ ඡන්ද එකලොස් ලක්ෂ 88,248 ක් පමණයි.
ජනතා විමුක්ති පෙරමුණ සමස්ත ඡන්ද පන් ලක්ෂ 84,407 ක් ලබාගත් අතර, කිසිදු පළාත් පාලන ආයතනයක බලය ලබා ගැනීමට එම පක්ෂයට හැකි වූයේ නැහැ.
ප්රතිඵල නිකුත් කිරීම පමා වීමත් සමග ඒ සම්බන්ධයෙන් කුකුසක් සමාජය තුළ ඇති වූ අතර ඒ සම්බන්ධයෙන් සමාජ ජාල අඩවි තුළ විවිධ අදහස් පළ වුණා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
