70 Views
පොසොන් පොහොය නිමිත්තෙන් හිරු මාධ්ය ජාලය සංවිධාන කරන ශ්රද්ධාභිවන්දනා මහා පුණ්යකර්මය ඓතිහාසික තිස්සමහාරාම පුදබිම කේන්ද්ර කරගනිමින් පැවැත්වුණා.
බුදු සසුනේ අනාගතය සුරක්ෂා කිරීම පිණිස සිදුකරන ශාසනාවතරණය මහණවර මංගල්යය හිරු ශ්රද්ධාභිවන්දනා පුණ්යකර්මයට සමගාමීව අද සිදු කෙරුණු අතර එහිදී කුලදරුවන් 15 දෙනෙකු සඟ සසුනට පූජා කෙරුණා.
සම්බුදු සසුනේ චිරස්තිථිය උදෙසා හිරු ශාසනාවතරණයෙන් මේ දක්වා සසුනට දායාද කර ඇති කුල දරුවන් සංඛ්යාව 200 කට අධිකයි.
හිරු මාධ්ය ජාලයේ සභාපති රේනෝ සිල්වා මහතාගේ ශ්රද්ධාපූර්වක සංකල්පයක් මත ක්රියාත්මක කරන හිරු "ශ්රද්ධාභිවන්දනා" වැඩසටහන අද පෙරවරුවේ ආරම්භ කෙරුණේ සිව් බුදුවරුන්ගේ ශ්රී පාදස්පර්ශයෙන් අති පූජනීයත්වයට පත්වූ, ගෞතම සම්මා බුදුරජාණන් වහන්සේගේ ලලාට ධාතූන් වහන්සේ වැඩ සිටින ඓතිහාසික තිස්සමහාරාම පුදබිම කේන්ද්ර කරගනිමින්.
තිස්සමහාරාම සඳගිරි උභය රාජමහා විහාරාධිපති ආචාර්ය පූජ්ය දේවාලේගම ධම්මසේන හිමියන් විසින් මෙහිදී පැමිණි දහස් සංඛ්යාත සැදැහැවතුන් අෂ්ඨාංග ශීලයේ පිහිටුවනු ලැබුවා.
එමෙන්ම ධර්ම දේශනා, කාලීන ධර්ම සාකච්ජා ඇතුළු වැඩසටහන් රැසක්ම අද දිනයේ තිස්සමහාරාම පුදබිම කේන්ද්ර කරගනිමින් පැවැත්වුණා.
අනතුරුව අද පස්වරුවේ සැදැහැවතුන් විශාල පිරිසකගේ සාධුකාර මධ්යයේ හිරු මාධ්ය ජාලයේ සභාපති රේනෝ සිල්වා මහතාගේ ප්රධානත්වයෙන් තිස්සමහාරාම චෛත්ය රාජයාණන් වහන්සේ වෙත කංචුක පූජාව පවත්වනු ලැබූවේ මගුල් බෙර හඩ මධ්යයයේයි.
මීට සමගාමීව තිස්සමහාරාම චෛත්ය රාජයාණන් වහන්සේ වෙත පුෂ්ප පූජාව හා ශබ්ද පූජාව පැවැත්වූ අතර, තවත් සුවහස් කල්පයකට සම්බුදු සසුන සුරැකේවායි ප්රාර්ථනා කරමින් අධිෂ්ඨාන පූජාව ද පැවැත්වුණා.
සම්බුදු සසුනේ චිරස්තිථිය උදෙසා හිරු ශාසනාවතරණයෙන් මේ දක්වා සසුනට දායාද කර ඇති කුල දරුවන් සංඛ්යාව 200 කට අධිකයි.
හිරු මාධ්ය ජාලයේ සභාපති රේනෝ සිල්වා මහතාගේ රාජධර්ම සංකල්පය පෙරදැරි කරගනිමින් ක්රියාත්මක, හිරු ශාසනාවතරණයේදී සසුනට එක්වන කුල දරුවන්ගේ ගිහි භාරකාරීත්වය සහ උන්වහන්සේ සියලුදෙනා අධ්යාපන වරමින් පෝෂණය කෙරෙන්නේ ද හිරු සභාපතිතුමාගේ දායකත්වයෙන්.
ඒ අනුව සසුන්ගතවන කුල දරුවන් 15 දෙනාගේ හිස මුඬු කිරීමේ චාරිත්රය අද උදෑසන සිදුකෙරුණේ, තිස්ස වැවේ වාන් ඇල අභියසදීයී.
අනතුරුව එම කුලදරුවන් මහා සංඝරත්නය හමුවට කැඳවාගෙන එනු ලැබූ අතර එහිදී තමන්ව මෙලොවට බිහි කළ සහ පෝෂණය කළ මව්පියන්ගේ ගුණ සිහිකර අවසන් වරට නමස්කාර කිරීම සිදුවුණා.
අනතුරුව සිදුකෙරුණේ කුලදරුවන් වෙත සිවුරු පිරිකර ලබාදී සසුන්ගත කිරීමයි.
Make a Comment
Make a Comment..
Follow Us
මෙන්න බලන්න තවත් ගොසිප්
පොසොන් යන්න ඉන්න අය අනිවාර්යයෙන්ම දැනගත යුතු දේවල්... බාර්, මස්කඩ වහලා.. ඉස්කෝල 12කටත් නිවාඩු!
632 Views
"දුවෙක් කියන්නේම රැජිනක්... ඔයා අපිට ලෝකයක්.." ආදරණීය පියෙකුගේ හිතේ උපන් සතුට ඔහු වචනයෙන් කියයි..
1,078 Views
"ඔයා හැමදාමත් මගේ පළමු වීරයා" ප්රවීණ රංගන ශිල්පී කුමාර තිරිමාදුරට දියණියගෙන් ලැබුණු ආදරණීය පණිවිඩය මෙන්න!
1,000 Views
රන්මිල ගැන මෙන්න සුබ ආරංචියක්..
1,064 Views
Hot Gossip
Recent Gossip Post
Follow Us
නැගලා යන ගොසිප්
