අලුත් අවුරුද්දට විශේෂ දුම්රිය පැකේජයක් ! රජරට රැජිනත් හෙට සිට අනුරාධපුරයට! - Social Story,train News - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Apr

අලුත් අවුරුද්දට විශේෂ දුම්රිය පැකේජයක් ! රජරට රැජිනත් හෙට සිට අනුරාධපුරයට!

467 Views

පසුගිය දිනවල 'දිට්වා' සුළි කුණාටුව නිසා උතුරු මාර්ගයේ දුම්රිය ගමන් සම්පූර්ණයෙන්ම අඩාල වී තිබුණේ උතුරේ ජනතාව වගේම අවුරුද්දට ගම් යන්න බලාගෙන හිටපු අයවත් ලොකු අපහසුතාවයකට පත් කරමින්.

හැබැයි ඔන්න දැන් ඒ බාධා ඉවරයි! හෙට (9) සිට උතුරු දුම්රිය මාර්ගය යළිත් කාර්යබහුල වෙන්න සූදානම්.

දෙමළ අලුත් අවුරුදු සමය නිසා ගම්බිම් බලා යන පිරිස වෙනුවෙන් සාමාන්‍ය දුම්රියවලට අමතරව තවත් විශේෂ දුම්රිය කිහිපයක්ම ධාවනයට එක් කර ඇති බව දුම්රිය දෙපාර්තමේන්තුව පවසනවා.

ඒ අනුව හෙට (9) අලුයම 5.15 ට ගල්කිස්සෙන් ගමන් ආරම්භ කරන දුම්රිය, කොළඹ කොටුව හරහා කන්කසන්තුරය දක්වාම ධාවනය වීමට නියමිතයි.

මහව දක්වා පමණක් සීමා වී තිබූ රජරට රැජින සහ කාර්යාල දුම්රියන් හෙට සිට සාමාන්‍ය පරිදි අනුරාධපුරය දක්වාම ඇදී යනු ඇති.

මේ නිසා අනුරාධපුරය සහ ඒ අවට ප්‍රදේශවලට යන මගීන්ටත් දැන් බයක් නැතිව අවුරුදු යන්න පුළුවන්.

කෝච්චිය විතරක් නෙවෙයි, ලංගම බස් රථත් හෙට සිට විශේෂ සේවාවක් ආරම්භ කරනවා.

ඒ නිසා ගම් බලා යන ඔබට බස් එකේ හෝ කෝච්චියේ කිසිම කරදරයක් නැතිව යන්න දැන් අවස්ථාව උදා වෙලා තියෙනවා.