පෙම්වතියට ඇඳුම් ගන්න සල්ලි දුන්නැති නිසා අම්මාව මැරුවා - Chandrani's Mystery Murder At Kahawatte -Updates - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Apr

පෙම්වතියට ඇඳුම් ගන්න සල්ලි දුන්නැති නිසා අම්මාව මැරුවා

33 Views

කොටකෙතන චන්ද්‍රාගේ ඝාතනය ගැන පුතා පාපොච්චාරණය කරයි
අත්අඩංගුවට ගත් පුතා කොළඹ ගෙනෙයි

කහවත්ත කොටකෙතන දී පසුගියදා ඝාතනය වූ චන්ද්‍රානි ස්වර්ණලතා මහත්මියගේ මරණය සම්බන්ධයෙන් ඇයගේ දහඅට හැවිරිදි දෙවැනි පුත්‍රයා ඊයේ (9දා) පස්වරුවේ කොළඹ අපරාධ කොට්ඨාශය විසින් අත්අඩංගුවට ගන්නා ලදී.

සැකකරුගේ පෙම්වතියට ඇඳුම් මිලදී ගැනිම සඳහා මව මුදල් ලබා නොදීම නිසා ඇතිවූ ප්‍රශ්නයක් මත ඔහු මෙම ඝාතනය කළ බවට පොලිස් ප්‍රශ්න කිරීම්වලදී පාපොච්චාරණය කර තිබේ.

මෙසේ පොලිස් අත්අඩංගුවට ගෙන ඇත්තේ කුෂාන් මහේෂ් නමැති මිය ගිය කාන්තාවගේ දෙවැනි පුත්‍රයාය. සිද්ධිය සිදුවූ දිනයේ සැකකරු රාත්‍රී 8 ට නින්දට ගිය බව පැවසුවත් පොලිස් පරීක්ෂණවලදී ඔහු රාත්‍රී 10 වනතෙක්ම සිය පෙම්වතිය සමඟ ජංගම දුරකතනයෙන් කෙටි පණිවුඩ හරහා සම්බන්ධ වෙමින් සංවාදයේ යෙදී සිටි ඇති බව පොලිස් පරීක්ෂණවලදී තහවුරු වී ඇත.

මේ පිළිබඳව ඔහුගෙන් ප්‍රශ්න කළත් ඔහු දිගින් දිගටම පවසා ඇත්තේ තමා රාත්‍රී 8 ට නින්දට ගිය බවය. කෙසේ වෙතත් ඇති වූ සැකය මත සැකකරු පොලිස් අත්අඩංගුවට ගෙන ප්‍රශ්න කිරිමේදී පවසා ඇත්තේ තමන් විසින් මෙම ඝාතනය සිදුකළ බවය.

සැකකරු සඳහන් කරන ආකාරයට සිය පෙම්වතිය සමඟ දිනක් පාරේ කතාබස් කරමින් සිටියදී ඔහුගේ පවුලේ වැඩිමහල් සහෝදරයා විසින් එය දැක මවට පවසා ඇත. මව එම සිද්ධියට දිගින් දිගටම ඔහුට බැණ වැදී ඇති අතර එම ගැටලූව දින කිහිපයක් පැවතී ඇත. එසේම එළඹෙන සිංහල අවුරුද්දට තම පෙම්වතියට ඇඳුම් අරන් දීම සඳහා රුපියල් 1500ක මුදලක් මවගෙන් ඉල්ලා ඇත. ඒ චන්ද්‍රානි ස්වර්ණලති මහත්මිය ඝාතනයට ලක්වූ දින (4දා) රාත්‍රියේදීය.

එහිදී මවත් පුතත් අතර වාදයක් ඇතිවී පුතා විසින් මව තල්ලූ කර දමා ඇත. එහිදී චන්ද්‍රානි මහත්මිය බිමට වැටී ඇති අතර ඒ හේතුවෙන් ඇයට සිහිය නැතිවී ඇත. තම මව මියගිය බවට සැකකළ පුත්‍රයා නිවසේ තිබූ මන්නා පිහිය ගෙන හිසටත් මන්නා පහරක් ඇතුළු පහරවල් කිහිපයක් එල්ල කර මෙය වෙනත් අයෙකු විසින් සිදුකළ ඝාතනයක් බවට ඒත්තු ගැන්වීමට උත්සාහ දරා ඇත. පසුව නිවස පුරා ලේ විසිරුවා නිවසේ මිදුලේ ද ලේ විසුරුවා ඇගේ ලේ වහනය වන හිසට ෂොපින් බෑගයක් දමා මීටර් 500ක් පමණ දුරින් වූ ඇලට රාත්‍රියේ ගෙන ගොස් දමා තිබේ. ඔහු හැඳ සිටි සරම ද සඟවා මන්නා පිහිය වීසිකර දමා නිවසට පැමිණ නිදාගෙන ඇත.

යොවුන් සේනාංකයට සම්බන්ධවී නේවාසික පුහුණුවක් ලබමින් සිටි ඔහු සති අන්තයට පමණක් නිවසට එන අතර පසුගිය 3වැනි සිකුරාදා ඔහු නිවසට පැමිණ තිබේ

මොහු මෙම ඝාතනයෙන් පසුව සිය මව අභිරහස් ලෙස ඝාතනය වූ බවට අඟවමින් හැසිරී ඇති අතර පසුව මෙම ඝාතනය ඔහු විසින් පෙම්වතියට යොමුකරන ලද එස්.එම්.එස් පණිවිඩ හරහා පොලිසියට හෙළිවන තෙක්ම සඟවාගෙන ඇත.

සැකකරු මේ වන විට කොළඹ අපරාධ කොට්ටාශය භාරයේ ප්‍රශ්න කරමින් සිටින අතර වැඩිදුර පරීක්ෂණ බස්නාහිර පළාත භාර ජ්‍යේෂ්ඨ නියෝජ්‍ය පොලිස්පති පූජිත ජයසුන්දර මහතා සහ කොළඹ දිසාව භාර නියෝජ්‍ය පොලිස්පති ගාමිණි මතුරට යන මහත්වරුන්ගේ අධීක්ෂණය මත කොළඹ අපරාධ කොට්ඨාශය විසින් සිදුකරනු ලැබේ. සැකකරු අද (10දා) දිනයේ අධිකරණයට ඉදිරිපත් කිරීමට නියමිතය.

ඝාතනය පිළිබඳ පුත්‍රයා මාධ්‍යයට ප්‍රථම වරට කී කතාව මෙතනින්