8 Views
ජනාධිපති පොදු සමාව ලැබ නිදහස් වූ හිටපු එල්.ටී.ටී.ඊ. සාමාජික සිවරාජා ජෙනිගන් යාපනය - අච්චුවේලි පිහිටි ඔහුගේ නිවස වෙත පැමිණියා. දිගු කාලයකට පසුව නිදහස ලබා යාපනයට ගිය ශිවරාජා ජෙනිගන් මුලින්ම ගොඩවැදුණේ යාපනය - අච්චුවේලි මුරුගන් කෝවිලටයි. ශිවරාජා එනතුරු ඔහුගේ ඥාතීන් කෝවිල අසල රැඳී සිටියා.
ඉන් අනතුරුව ශිවරාජා අච්චුවේලි පිහිටි සිය නිවස වෙත පැමිණියා. ‘‘වසර ගණනාවකට පසුව අපේ පුතා අපිට ලැබීම පිළිබඳව ලොකු සතුටක් දැනෙනවා. ජනාධිපතිතුමනි ඔබතුමා හමුවෙලා ස්තූති කිරීමට නොහැකි වාතාවරණයක අපි ඉන්නේ.
මහලු වියේදී අපේ පුතාව අපිට ලබාදීම පිළිබඳ අපි ඔබතුමාට ස්තූතිවන්ත වෙනවා. ‘‘ ඒ ශිවරාජාගේ පියා කියූ කතාවයි.
ශිවරාජා ජෙනිගන් 2006 වසරේ අප්රේල් 23 වනදා කදුරුවෙල බස් නැවතුම්පොළේදී පොලිස් අත්අඩංගුවට පත්වන්නේ එවක මහවැලි අමාත්යවරයාව සිටි මෛත්රීපාල සිරිසේන මහතා මරාගෙන මැරෙන බොම්බ් ප්රහාරයකින් ඝාතනය කිරීමට තැත්කිරීම සම්බන්ධයෙන්.
පාපැදියක බෝම්බයක් අටවා මෛත්රීපාල සිරිසේන මහතා වැලිකන්දේ රැස්වීමකට යන අතරතුර පොළොන්නරුව - වැලිකන්ද මාර්ගයේ මනම්පිටිය ප්රදේශයේදී ඔහුව ඝාතනය කිරීමට මොහු සැලසුම්කර තිබුණා.
ඒවන විට ශිවරාජා පෙනී සිටියේ මොහොමඩ් කාදර් මොහිදින් යන අනවර්ථ නාමයෙන්.
පොළොන්නරුව පොලිසියේ සහකාර පොලිස් අධිකාරි ආනන්ද ලියනපතිරණ මහතා ප්රමුඛ කණ්ඩායමක් විසින් ශිවරාජා සහ ඔහු සමග සිටි තවත් පුද්ගලයෙකු අත්අඩංගුවට ගන්නා අතර, එම පුද්ගලයා පසුව සයිනයිඩ් කා සියදිවි නසා ගන්නවා.
මෙම වැටලීම මෙහෙයවූ සහකාර පොලිස් අධිකාරිවරයා අද වනවිට ජීවතුන් අතර නැහැ.
අපරාධ පරීක්ෂණ දෙපාර්තමේන්තුව ශිවරාජාට එරෙහිව පොළොන්නරුව මහාධිකරණය නඩු පවරන අතර, 2015 ජූනි 03 වැනි දින ඔහුට වසර 10 ක සිර දඩුවමක් නියම වනවා.
ජනපතිගේ සමාවෙන් නිදහස් වූ සිවරාජා ගමට ගොස් දැක්වූ අදහස් පහතින්...
ජනාධිපතිතුමනි මගේ උපන් ගමට දැන් ඇවිත් ඉන්නවා,ඔබගේ උතුම් ගුණේට මම හිස නමා ආචාර කරනවා, පාප් වහන්සේ විතරයි මෙහෙම දේ කළේ කියලා මම අහලා තියෙනවා, හැම ජාතියටම ආදරේ කරන රාජ්ය නායකයා ඔබ, ඔබතුමාට ස්තූතියි
Make a Comment
Make a Comment..
Follow Us
මෙන්න බලන්න තවත් ගොසිප්
හිත පිරෙන හිනාවක් මැදින් ලියැවුණු ආදර කතාව.. හැමෝම ආදරේ කරන පියුමාලි - අයේෂ් අලුත්ම ෆොටෝ ෂූට් එක.
4,308 Views
"ඔයාගේ ඒ පුංචි අත මගේ ඇඟිල්ලක් අල්ලගද්දී දැනුණු හැඟීම..." මව් පදවියේ සුන්දරත්වය ගැන මාෂි කියපු කතාව.
658 Views
Hot Gossip
Recent Gossip Post
Follow Us
නැගලා යන ගොසිප්
