13 Views
සංවේදී සැඟවිය යුතු ගැටළුවක් ලෙස පසුගියදා සෞදි අරාබියේදී ගල් ගසා මරා දැමීමට තිරණය කළ ශ්රී ලංකා කාන්තාවගේ ගැටළුව හඳුන්වන්න පුළුවන්. මේ අනියම් පෙම ගැන වැඩිපුර කතා කළොත් වැඩිපුර මාධ්යයේ ගියොත් ඇයට ගුවන්තොටුපලේදී මාධ්යවේදීන් නඟන ගැටළුවලට මුහුණ දී, ගමේ ජිවත්විය නොහැකි තත්ත්වයක් උදාවනු නොඅනුමානයි.
අනියම් ලිංගික ඇසුරක් පැවැත්වූ බවට එල්ල වූ චෝදනා මත සෞදි අධිකරණයක් මගින් මෙම දඬුවම පැනවුයේ පසුගිය අගෝස්තු මාසයේදීයි.
කාන්තාව විවාහක කාන්තාවක් වීම හේතුවෙන් ඇයව ගල් ගසා මරා දැමීමට නියම වූ අතර පුරුෂයා විවාහක අයෙක් නොවීම නිසා ඔහුට කස පහර සියයක් නියමවුනා.
මෙම තීන්දුවට එරෙහිව පසුගියදා කොළඹදී විරෝධතා ගණනාවක්ම පැවති අතර මෙම දඬුවමට එරෙහිව ක්රියාමාර්ගයක් ගන්නා ලෙස රජයට ද දැඩි බලපෑම් එල්ල වුනා.
සවුදි අරාබියේ සිටින ශ්රී ලංකා තානාපති නිලධාරීන් ඉහත කී කාන්තාව බැලීම සඳහා ඇය රඳවා තබා තිබෙන හිර ගෙදරට ගොස් ඇති අතර ඇය ඉතා හොද සෞඛ්ය තත්වයෙන් පසු වනද බව එම නිලධාරීන් විදේශ අමාත්යංශයට දන්වා තිබෙනවා.
මේ අතර මෙම සිද්ධිය ගැන නියෝජ්ය අමාත්ය රන්ජන් රාමනායක ප්රකාශ කළේ 2014 අප්රේල් මාසයේ මෙම කාන්තාව අත්අඩංගුවට පත්වී ,2015 අගෝස්තු මස ඇයට දඬුවම් හිමි වීම දක්වා මේ නඩුව පිලිබදව ශ්රී ලංකා රජය හෝ තානාපති අංශ දැනුවත් වී නොසිටි බවයි.
කෙසේවෙතත් එම පවුලේ අය පවසා සිටින්නේ එම කාන්තාවගේ “නම කියන්න එපා, ෆොටෝ එකක් දාන්න එපා, පාස්පෝට් කොපිය දාන්න එපා “ යන්න බවද රංජන් කියා සිටියා.
"ඉස්ලාම් ෂරියා නිතිය අනුව වැදගත් මුස්ලිම්වරු 4 දෙනකගේ ඇසින් දුටු සාක්ෂි ඕනේ මේ දඬුවම දෙන්න, එහෙම සාක්ෂි මෙතන නැහැ, අවාසනාවට මෙම දඬුවම පිලිබදව නොදැනුවත්ව නීතිමය සහයක් නොමැතිව ඇය වරද 4 පාරක්ම පිළිගෙන තිබෙනවා"රංජන් වැඩිදුරටත් කියා සිටියා.
කෙසේ වෙතත් 2015 දෙසැම්බර් 22 වන දින සවුදි අරාබියේ අල් ද්වාද්මි අධිකරණයේ දී මෙම නඩුව විභාගයට ගැණුනා. මේ සම්බන්ධයෙන් සානුකම්පිතව සලකා බලන ලෙස ඉල්ලා සිටිමින් කරන ලද අභියාචනය සාර්ථක කරගැනීමට ශ්රී ලංකා රජයට අවස්ථාව හිමිවුණා. එහි ප්රතිඵලයක් ලෙස මෙම ශ්රී ලාංකික කාන්තාවගේ දඬුවම ලිහිල් කොට ඇයව යම් කාලසීමාවක් සඳහා සිරගත කිරීමට එහිදි තීරණය වුණා.
පසුගිය වසර 10 තුළ විදේශ රාජ්යයක බලපෑම මත සෞදිය මරණ දණ්ඩනයක් ඉවත් කළ පළමු අවස්ථාව මෙය ලෙස හැදින්විය හැක.
මරණ දණ්ඩනය වැනි දඬුවම් කස පහරදීම වැනි දඬුවම් දක්වා ලිහිල් කර ඇතත් කාම අපචාරවලදී එවැනි ලිහිලක් දීමට සෞදිය සූදානම් නොමැති බව ප්රසිද්ධ කරුණක්.
විදේශ කටයුතු අමාත්යාංශය, විදේශ රැකියා අමාත්යාංශය හා ශ්රී ලංකා විදේශ සේවා නියුක්ති කාර්යාංශය මෙම ශ්රී ලාංකික කාන්තාව ආරක්ෂා කිරීමේ වගකීම භාරගත් අතර අභියාචනා කිරීමේ ක්රියාවලියට සහායවීම සඳහා අවශ්ය වූ සියලුම නීති උපදේශන සහ කොන්සියුලර් සහාය සවුදි අරාබියේ ශ්රී ලංකා දූත මණ්ඩලය හරහා ලබා දීමද මේවන විට සිදුවී අවසන්ය.
Make a Comment
Make a Comment..
Follow Us
මෙන්න බලන්න තවත් ගොසිප්
යාලුවො එක්ක නාන්න ගිය තරුණයා වැව මැදදීම සදහටම දෙනෙත් පියාගනී.... මීගහවත්තම කඳුළේ ගිල්වූ කඳුළු කතාව
515 Views
කෝච්චි වැඩ අස්සේ ෆේස්බුක් යන අයට වැඩ වරදී! දුම්රිය දෙපාර්තමේන්තුවෙන් ගත්තු හදිසි තීරණය මෙන්න.
538 Views
Hot Gossip
Recent Gossip Post
Follow Us
නැගලා යන ගොසිප්
